Городовиковин нертә Одн
| Б.Б. Городовиковин нертә одн (Орден Б.Б.Городовикова) | |
|---|---|
| Орн-Нутг | Хальмг Таңһч, Орсин Холвана Улс |
| Зүүл | Одн |
| Статус | бәрүлгднә |
| Статистика | |
| Бәәһүлгдсн цаг | 2021 ноябрь сарин 29 |
Городовиковин нертә Одн — Бадендән Сергә (Сергей Арашаевич Бадендаев) болҗ бәәнә[2].
Эн Хальмг Таңһчин шаңнл хальмгудын алдр баатр, СССР-ин Баатр, Хальмг Таңһчиг Сиврин хөөн сергәҗ авсн күн, Городовиковин Бадмин Басңгин (Басан Бадьминович Городовиков) нертә одн болад, шин цаг-үйин шаңнлын негн болҗ бәәнә. Бүтәлчин темдглсәр, эн одна дүрсиг Суворовин нертә одыг дүрслҗ, түүнәс эш авч бүәҗ авв[3].
Шаңнх дүрм
Хальмг Таңһчин Толһач Бату Хасиковин темдглсәр, Б.Б. Городовиковыин нертә одар Хальмг Таңһчин бүс һазрин иргд көдән аҗ-ахун, бәрлһ-тосхлһна, хаалһ-маши гүүлгәнә, шинҗлх ухана, сойлын, утх-зокалын болн нань чигн һол чигллиг көгҗүлх, хууль-йос, олн улсин холва тогтаҗ батрулх аҗл-үүлсиг өргҗүлхд онц һавья бәәһүлсн улст бәрүлх шаңнл болҗ бәәнә[4].
Одна тодрхаллт
Городовиковин Бадмин Басңгин однь төвәс һарчах селм келвртә мөңгн толяна тавн бөлгәс бүрдсн эңгин одн болн төвәс һарчах ахр алтлшсн толяна тавн туслх бүлгәр онцхалсн одн болна.
Һол төв кесгнь СССР-ин Баатр, цергин дүрмтә хувцта деслгч цергин нойн Городовиков Бадмин Басңгин чееҗ күртл мөңгн барельеф дүрснә үндсн болсн улан туңһлг эмальта девскр төгрг медальона бәәдләр толюлсн бәәнә. Көргнь хойр талас алтлшсн лаврын хойр бүчрәр күрәлгдсн бәәнә. Сүүрин рельефин дорк кесгт нумн келвртә тасм деер «БАСАН ГОРОДОВИКОВ» гидг бичәсн бәәнә.
Одна һазад дуһу деер «ХАЛЬМГ ТАҢҺЧД ҺАВЬЯ ҮҮЛДСНӘ ТӨЛӘ» (ЗА ЗАСЛУГИ ПЕРЕД РЕСПУБЛИКОЙ КАЛМЫКИЯ) рельефтә бичәсн «зег» гидг кеед хүврҗ орад бәәнә. Текстин болн чимгин бүрдцин хоорнд хальмгудын үндснә белг-темдг — «Өлзәтә зәңгдә» келвртә хойр оруллһ бәәнә.
Одн суңһмл алтлшсн 925 сөрцтә мөңгәр кегдсн. Одна диаметрнь 50 миллиметр болна. Одна ниит жиңгнь 45 грамм. Одна ардк (урву) талнь хувцнд торһх элементтә - стандарт урсхлта сава болн дуһу хотхр гүдһр самрта, 925 сөрцин мөңгн темдгтә, шаңналын тойгта болдг.
Одн флокта килң оруллһта хәәрцгт савлгдна. Хәәрцгин бүркәсн деер «Хальмг Таңһч» гидг бичәстә болн Хальмг Таңһчин төрин сүлдиг алтар сиилҗ дүрслсн бәәнә. Хәәрцгин кемжәнь 92*92*40 миллиметр[5].
Шаңнгдсн улс
Б.Б. Городовиковин нертә одн Хальмг Таңһчд түрүн болҗ Хальмг Таңһчин өдр, 2023 җилин июль сарин 5-нд бәрүлгдв. Одна түрүңк кавалермүд болхла, Хальмг Таңһчд ачта болсн, эврә көдлмшәрн хальмг улсиг көгҗүлсн әмтн шаңнгдв:
- Тееврин көдләч Хасан Васимович Бикбулатов
- Агрономч Борис Айзикович Гольдварг
- Эмч Валерий Михайлович Хонинов
- Номт Пётр Цеденович Биткеев
- Ниигмин көдләч Наталья Тагировна Чумудова
- Багш Людмила Максимовна Качанова[6].
Холвас
- ↑ Указ Главы Республики Калмыкия об утверждении описания и образца Ордена Басана Бадьминовича Городовикова
- ↑ Калмыцкий художник рассказал о создании ордена Городовикова
- ↑ Калмыцкий художник рассказал о создании ордена Городовикова
- ↑ Глава Республики Калмыкия сообщил об утверждении новой государственной награды республики
- ↑ Описание Ордена Басана Бадьминовича Городовикова
- ↑ Орден Городовикова: Выдающиеся работники отраслей Калмыкии получили заслуженные награды