Красный кавалерист (Өдрин соньн)
Красный кавалерист (Төрксән Харсгч Алдр Дәәнә үйин 1942 җилд Хальмг Таңһчд хальмг орс хойр келәр һарчасн цергин өдрин соньн.
Түүкнь
Төрскән Харсгч Алдр Дәәнә үйд Хальмгин тогтмл кевлмл барин аһулһнь болн зөрлһнь икңкдән сольгдад одв. Тер үйин барин һол керг-үүлнь болхла, фашист хортниг урвулхин төлә иргдиг дәәнд дуудҗ мордулх болн көдләчнриг чадврта көдлмшт орулх йовдл болв. Тер үйин барин кевллмүд дәәнә мөн чинр болн зөрлһиг тәәлврлҗ, фашизмин мөн чинриг илчҗлҗ, дәәнә һалвас үүссн күчр-күндрлиг давҗ диилхд келн-улсиг дуудҗ, фронтын нөкцл бәәдлин тускар дотадын көдләчнрт медүлҗ бәәв.
1942 җилд Хальмгин 110-гч болн 111-гч онц мөртә дивизьмүд тогтҗ бәәһүлгдсәр, дивизийн «Красный кавалерист» гидг нертә өдрин соньн зокан бәәһүлгдҗ, Улан 1-гч Мөртә Цергин әдлхн нертә өдрин соньна нер авн дураҗ барас һардг болв. Соньн бәәһүлх саначлгчин негнь, түүнә чадврта орлцачнь — седкүлч болн бичәчин хаалһд орхан эклсн баахн наста Көктән Элдә материалмудан бичҗ бәәв[2].
Орчулач болн шүлгч, хальмг баатрльг дуулвр «Семён Липкин 110 онц хальмг мөртә дивизьд дәәлҗ йовад, «Красный кавалерист» гидг нертә өдрин соньна халхст 1942 җилин июль сард фашистнрла дәәлҗ, баатр кевәр әмнәсн хаһцсн Делгә Эрдньд зөрүлсн «Баатрльг йовдл» (Подвиг) гидг нертә шүлгиг орс келәр барлҗ һарһв[3].
1942 жилин намрар «Красный кавалерист» гидг өдрин соньн барас һардган уурв.
Темдглл
- ↑ Дякиева Б.Б. Библиографический указатель средств массовой информации Калмыкии. XX и XXI вв. Элиста, Изд-во КалмГУ, 2018. С. 10
- ↑ Перо и автомат: как трудились калмыцкие журналисты в годы Великой Отечественной Войны
- ↑ 110 Отдельная калмыцкая кавалерийская дивизия