Кунаков, Андрей Викторович
| Кунаковин Андрей орс. Кунаков Андрей Викторович | |
|---|---|
| |
| Төрсн: | 1982 җилин декабрь сарин 15 Элст балһсн,Хальмг Таңһч, Әрәсән Федерац |
| Өңгрсн: | 2022 җилин март сарин 19 Мариуполь балһсн, Донецк олн-улсин республик, Әрәсән Федерац |
| Улс-орн |  Орсин Холвана Улс
|
| Урсхл | цергч |
Кунаков Андрей Викторович (1982 җилин декабрь сарин 15, Хальмг Таңһч, Элст балһсн — 2022 җилин март сарин 19) Майор, онц дааврта салу бригадын онц дааврта отрядын командирын дарук — штабин толһач[1].
Ар Кавказин, Сириян болн Крымин шишлң кергүдин орлцач.
Цергин әңг: ГРУн 346-гч шишлң дааврта бригад (в/ч 92154)
Шишлң кергин дәәнә керг-үүлдврин (орс. СВО) кемд әмнәсн хаһцсмн.
Намтрнь
Әрәсән Федерацин Хамһаллтын министерствин цергин университетыг 2006-гч җилд йилһән сән темдгтәһәр төгсәсмн, седкүл зү болн сойлын факультет[1].
Бичкнәс авн греко-римск ноолда дасад, Таңһчин болн Цугәрәсән олн марһасд диилвр бәрҗ йовсмн[1].
Экнь Татьяна Ивановна Кунакова юм уйдг эрдмтә, эцкнь Виктор Андреевич Кунаков маши залач. Андрей Кунаковин авальнь Мария Николаевна Кунакова болн хойр көвүднь 11 наста Михаил, 8 наста Иван өнчрәд үлдсмн.
Шидрдц
Украина һазрт давҗах шишлң кергә керг-үүлдврт 2022 җилин февраль сарин 24 авн орлцсмн.
Мариуполь балһсна харслһнд 2022 гч җилин март сарин 19д Азовстальская уульнцд болсн бәрлдәнд хортна «Азов» багла дәәлдсн цагт әмнәсн хаһцсмн.
Тер бәрлдәнд шавтсн командирин ормд Андрей онц дааврта отрядыг эврән чик кевәр залад, төгәләд авчксн хортнас дахулсн дәәчнрән болн 810-гч теңгсин йовуд цергә әңгиг аһу ик күчәр, залу зөрмг үзүләд харсҗ авн, әмән геесмн. Андрей Кунаков болн хамдан БТР-82А дотр йовсн һурвн дәәчнр хортна танкин сумн тусад, хаһрснас иштә шавтад әмнәсн хаһцҗ. Тер бәрлдәнд майор тәвсн күслән күцәһәд, олн дәәчнриг әәмшгтә бәәдләс гетлгҗ авсмн.
Московск областин Мытищи балһснд бәәх Федеральн цергә мемориальн оршаврт 2022-гч җилин апрель сарин 29д оршагдсмн.
Дәәнд орлцлһн
- 2009 җил — Ар-Кавказин регионд;
- 2015—2016 җилмүдт — Сирияд;
- 2014 җилд — Крым Республикд бәәх Әрәсән улсиг харслһна керг;
- Бас нуувчин кергүдт орлцсмн[1].
Ачлврмуднь
- Медаль «За боевые отличия» — дәәнә цагт өмннь тәвсн күсл күцәсн цагтан әмән әврлго залу зөрмг үзүлсн төләд (Пр. МО РФ 5.04.2019 җ);
- Медаль «Сирийд болсн цергин шишлң кергт орлцачд» — САР орн-нутгт цергин шишлң керг күцәсн төләд (Пр. МО РФ 11.01.2019 җ);
- Медаль ордена «За заслуги перед Отечеством II степени с мечами» — цергчин өгцән күцәсн цагтан залу зөрмг үзүлсн төләд (15.03.2016 җ Әрәсән Президентин Зәрлг)[1].
Санл
Элстин «Ойрат-Аренад» 2025 җилин апрель сарин 4д дәәнә ветеранмудин дунд майор Андрей Кунаковин санлд нерәдгдсн Параспартакиада давхмн. Марһан пауэрлифтинг, гирь өрглһн (зогсад болн сууҗаһад), армрестлинг (зогсад болн сууҗаһад), дартс (зогсад болн сууҗаһад), шаһа наадлһн, хадгас халһн (зогсад болн сууҗаһад) ширә деер нааддг теннис (зогсад болн сууҗаһад) гидг әңгүдәр болхмн. Ачлврин мөңгнә то 600 000 арслңгас тогтхмн[1].