Төрлмүд мини
Төрлмүд мини (күүндәнә келнд - Төрлмүд; көгҗмч Манҗин Аркадин дуулдг бәәсн дун[1]. Көгҗмнь - Манҗин Аркадин, үгнь - Очрин Мөңгн-Цецгин[2].
Түүк
Эн дууг Манҗин Аркадь Шинҗәңд бәәсн цагтан бичсмн. Хәрхин өмнк сүл асхнд нәәҗнртәһән хурсн цагт тернь һартан гитаран авад, санмср уга чееҗәснь һарчах дууг дуулҗ эклсмн. Тер асхн эн дууг Манҗин Аркадь күцәҗ бичсн уга. Дарук өдрт гемтәд, хәрсн чигн уга. Хойр өдр болад, Очрин Мөңгн-Цецг күцҗ бичгдсн дууна үгинь авч ирсмн.
Үгнь
Дууна үгнь Иҗлин хальмгуд болн Шинҗәнә өөрдүд нег-негән яһҗ санхинь медүлнә. Үгәснь авад үзхлә, дууч эн санаг эврә нерн деерәс дуулҗ өгнә[3].
1-гч бадг:
Өсрсн цусн, тасрсн махн,
Ор һанцхн келтә биләвидн,
Нүүһәд йовсн таниһан санхла,
Нүдм нульмсар дүүрнә.
Давтвр:
Улан чирәтә, төрлмүд мини,
Улан залата, хальмгуд.
2-гч бадг:
Өргн седклтә, эңкр хальмгуд
Өндәҗ намаг теврҗ үмслә,
Өлгәдән бәәсн таанртаһан
Өдр болһн золhҗ йовнав.
Давтвр.
3-гч бадг:
Эргәд хәрхдән, байрта йовнав,
Иньгшәд ирхдән дуулад ирнәв.
Өдр сө уга, хамдан сууһад,
Ээҗин чансн цәәһән уухмн.
Давтвр.