Улан Нүднә өдр (Мигмр)
| Улан Нүднә өдр (Мигмр) | ||||||
|---|---|---|---|---|---|---|
| ||||||
| Алвн йосна нернь | Red Planet Day | |||||
| Чинрнь | саңср судлл | |||||
| Темдглгднә | саңср судлх мерҗлтн болн саңсрт дурта улс | |||||
| Җил-өдр | ноябрь сарин 28 | |||||
| Кедгнь | Мигмр һаргин туск дегтр умшҗ, бәрмттә болн урн кино үздг | |||||
| Холвгддгнь | «Маринер-4» гидг һарг хоорндын зондын Мигмр һаргиг аңх эргн төөрч йовснла холвгдна | |||||
Улан Нүднә өдр (Мигмр) (Мигмр һарг болн түүнә судллд зөрүлсн өдр.
Түүкнь
Улан Нүдн һарг делкән теңгрин хамгин тод болчкад, гертлә негн болсн учрас эрт деер үйәс әмтнә оньг-аңхарлыг татҗ, теднә урн седкмҗиг бадраҗ, саңсрт айлх, хәр һаргин сойл иргншлтә харһх күсл санаг урмшулҗ ирсн бәәҗ. Бичәчнр урн ухаһар көтлгдәд, зөвкн шилдг бүтәл бичәд зогслго, өдгә күртл чухл ач-холвгдлта авъяслг үүдәрвмүдән бичҗ бәәнә[1].
ноябрь сарин 28 болхла, саңср судллын түүкин чухл үүл-йовдл болв. Эн өдрт «Маринер-4» амҗлттаһар саңсрт илгәгдҗ, Мигмр һаргин төөрг замд күрч, даалһвран дуусхсн аңх саңсрин көлгн болсн бәәҗ. Үүнәс өмн өмнк һурвн орлдлһ амҗлт уга болҗ. Һазрур аюл угаһар дамҗулснь Мигмр һаргиг судлхд ик амҗлт болсн болв. Хөөннь, 1980-ад җилмүдт «Viking» нертә төөрг замар нисдг төкәрмҗ зонд Мигмр һаргин үлү тодрха, нәрвчлсн зургиг цокх болмҗта болв. Эн зургудыг олн ниитд ил болһад өгхлә, шинҗлх ухана ниигмлг болн олн ниитин дунд икихн соньрхл, тер бәәтхә, шууга босхв[2].
Байр болн үүл-йовдлын утх-учрнь
Улан Нүдн (Мигмр) һаргин өдрнь саңср-оһтрһуг мергҗлин болн сән дурарн судлх соньрхлта улст зөрүлгдсн өдр болна. Эн өдр Мигмр һаргин туск дегтр умшх, бәрмттә болн урн-сәәхнә кино үзх, эн һаргта холвата сүүлин үйин неелтмүдин туск подкаст соңсх гих мет уг арһ кемжә темдглхиг зөвлҗәнә.
Улан Нүдн һаргин өдр Мигмр һаргиг судлх соньрхлыг немх, саңсрин технологиг көгҗүлх, иргчдән Мигмр һаргиг судлх болмҗиг судлх зөрлһтә өдр. Эн өдрт делкә даяр Мигмр һарг, түүнә судллд зөрүлсн лекц, семинар, үзсклң болн нань чигн арһ-кемҗә зокан бәәһүлдг. Мөн эн байр саңср судллд олн улсин хамтын аҗллһа чухл болхиг санулҗ, шин үйин эрдмтн, инженермүдт саңср оһтрһуг цааранднь судлх урмд зөрг өгдг[3][2].