Цаһан Бадмин одн
| Цаһан Бадмин одн (Орден Белого Лотоса) | |||
|---|---|---|---|
|
|||
| Орн-Нутг | Хальмг Таңһч, Орсин Холвана Улс | ||
| Зүүл | Одн | ||
| Статус | бәрүлгднә | ||
| Статистика | |||
| Бәәһүлгдсн цаг | 1993 август сарин 7 | ||
.png){kind=small}
Цаһан Бадмин одн Харцхан Моңһлын Җирһл (Джиргал Монголович Харцхаев) болв.
Өдгә цагт болхла, Хальмг Таңһчин Улсин 2011 җилин ноябрь сарин 3-нд 294-IV-Z тоота закаһар «Хальмг Таңһчин улсин шаңнлын тускар» гидг нертә хууляр батрулгдсн бәәнә[2].
Шаңнх дүрм
Дүрмд заагдсар, Хальмг Таңһчин Улсин көгҗл-цецгллтд орулсн онцха һавьяг төр-ниигмин нертә зүткәчнр "Цаһан Бадм" одар шаңндг болна. Эн однд күртсн күүнд «Цаһан Бадм» одн, Цаһан Бадм одар шаңнсна һашг болн Хальмг Таңһчин Улсин төрин герч цаас бәрүлнә. Цаһан Бадм одыг күзүнә тасм деер авч зүүнә.
Одна тодрхаллт
Одн цаһан алтн цацрсн толяһар күрәлгдсн бичкнәр гүдгр эмаль алтн төөргин бәәдлтә болна. Дунд толяна үзүрт, төөргин дөрвдгч хүвин кесг болһнд очр чолун нүдн бәәнә. Цеңкр эмалин девскр деер төөргин һол дунд цаһан бадм цецгиг рельефтә алтн дүрсн дүрсләд, дорнь ик очр чолу бәәрүлсн бәәнә. Одна төв кесгнь алтн элдв очр дүрсҗ бәәнә. Алтн очрин төөлгт нәәмн бадмраг болн нәәмн очр чолу аһулҗ бәәнә. Очрин делвән завсрнь цеңкр эмаляр дүүрсн бәәнә. Очрин делвән үзүрин хоорндк кемҗәнь 54 мм. болна.
Одн көк, цаһан, шар өңгин утш торһн муар тасмар сүвгчәр залһлдна. Тасмин ниит өргнь 30 мм, утнь 80 см[3].
Шаңнлд күртсн әмтн
Цаһан Бадм Одар шаңнгдснь:
- Алексий II — Москван болн Цуг Орсин Патриарх;
- Дала-лам XIV — (2006 җилин 11-р сарин 29-нд)[4];
- Алексей Гордеев, — Әрәсән Көдән аҗ-ахуһин министр;
- Александр Игнатьев — «Уралан» гидг нертә көл бөмбгин клубын тоглач;
- Кирсан Илюжминов — Хальмг Таңһчин түрүңк Йирңкәлгч (2012 җилин 4-гч сарин 5-нд);
- Геннадий Кулик — Әрәсән Услин Думын гешүн;
- Семён Липкин — Хальмгин «Җаңһриг» орс келнд шүлгләд орчулсн орчулач;
- Пётр Надбитов — «Өөрд» гидг нертә Хальмг Улсин бүҗгин театрин урн-сәәхнә удрдач;
- Андрей Саморуков — «Уралан» гидг нертә көл бөмбгин клубын тоглач;
- Мингиян Семёнов — Әрәсән Грек-Римин бөк бәрлдәнә 2012 җилин аврһ (2012);
- Нина Баденова — Хальмг Таңһчин Улсин җөҗгч (24.12.2020)
- Аркадий Манджиев — Хальмг Таңһчин көгҗмч, дууч;
Экн-сурвлҗс
- Положение о званиях и государственной награде Республики Калмыкия (недоступная ссылка)
- Описание ордена Белого Лотоса
Холвас
- ↑ Об установлении высшей степени отличия — звания Герой Калмыкии
- ↑ Закон Республики Калмыкия от 3 ноября 2011 года № 294-IV-З «О государственных наградах Республики Калмыкия»
- ↑ Об утверждении описания и образца ордена Белого Лотоса
- Wayback Machine орденом Белого Лотоса Далай Ламы XIV от 29 ноября 2006 г. № 218