Бембшә Мендрә Эрдне

Бембшә Мендрә Эрдне
Бембшә Мендрә Эрдне
Һарсн җил-өдр	1900
Төрсн һазр	Али-Кую[d];
Нас барсн җил-өдр	1972
Нас барсн һазр	Башнта, Хальмг Автономн Советск Социалистическ Республик, РСФСР[d], СССР[d];
Орн-нутг	СССР[d];
Шаблон:Ленина Одн

Орсин Холвана Улсин ШУА шинҗлҗ батрулв

Орсин Холвана Улсин ШУА
шинҗлҗ батрулв

Тодрхаһар

Бембшә Мендрә Эрдне (орс. Эрдне́ Мендери́нович Бембишев^[1]; 1900, Али-Кую^[d] — 1972, Башнта, Хальмг Автономн Советск Социалистическ Республик) — Хальмг АССР-ин Деед үзгин района № 112-гч тойгта зерносовхозин Социалистическ күч-көлснә Баатр (1959). Социалистическ күч-көлснә Баатрин нериг зүүсн түрүн хальмг.

Намтрнь

1900-гч җилд Әрәсән империн Терск муҗин Али-Кую аулд (эндр — Сарпулин крайин Курск район). Көдлмшин хаалһан йистәһәсн эклсмн. Байн улст заргдад йовсмн. 1925-гч җиләс авн Хальмг автономн муҗин Баһ Дөрвдә улст бәәсмн. 1932-гч җилд «Шин бәәдл» нерәдлһтә селәнә эдл-ахусин артельд хөөчәр орҗ көдлсмн. 1939-гч җилд Цугсоюзин ВСХВ (рус.) (хал. һәәхүлд орлцад, цаһан мөңгн медаль авсмн^[2]. Төрскән харсгч Алдр дәәнә орлцач. 8-гч әәрмин 1016-гч салу әңгд мөр уначар дәәлдҗ йовсмн. Шавтсн цагтан Омскин муҗд эмнлһ авсмн. 1943-гч җилин декабрь сарла фронтас дуулулгдад, хальмг улсиг цааҗла харһулсн «Улусы» төсвәр Широклагд 1944-гч җилин март сарин хуучар тусгдсмн. 1944-гч җилин апрель сарас авн — Моловск муҗин Половинки станцд трудармиийд көдлсмн. 1945-гч җилин январь сарла Омск муҗд (рус.) (хал. көөгдәд, «Чернолучье» селәнә эдл-ахун артельд хөөчәр орсмн^[2]. 1945-гч җилин апрель сарас авн — Буряад-Моңһлын автономн муҗин Могонтуйск района Кировин нертә совхозин ах хөөч. 1958-гч җилд Хальмгтан хәрҗ ирәд, амрлһнд һартлан, Хальмг АССР-ин Деед үзгин района (ода Городовиковин район) № 112-гч тойгта зерносовхозд хөөчәр көдлҗ йовсмн. 1961-гч җилд КПСС-д орсмн^[3].

1959-гч җилд терүнә һардврт көдлҗ йовсн хөөчнрин баг дундурлад, 100 хөөнәс 132 хурһ авсмн. Дәкәд хөн болһнас дундурлад 5,8 килограмм ноос авсмн. 1959-гч җилин август сарин 21-д һарсн СССР-ин Деед Хүүвин Зааврар, «селәнә эдл-ахусин кергүдт ик һавья орулсн төләд» Социалистическ күч-көлснә Баатрин нериг зүүсмн. Тер саамд Ленина Одн болн «Хадур болн алх» алтн медаляр ачлгдсмн.

1961-гч җиләс авн — КПСС-ин гешүн. Хөөннь «Комсомолец» нертә № 2-гч тойгта зерносовхозд ах хөөчәр көдлҗ йовсмн^[3].

1963-гч җилд амрлһнд һарсмн. Башнта селәнд (эндр — Городовиковск балһсн) бәәсмн. 1972-гч җилд сәәһән хәәсмн.

Санл

Энүнә нерәр Городовиковск района Бембишево селән нерәдлгдсмн (1978-гч күртл — Ближний күтр).
Элстд Баатрмудын Аллейд Бембшә Эрднен санлын кец зург тәвгдсмн.

Ачлврмуднь

Социалистическ күч-көлснә Баатр — 1959-гч җилин август сарин 21-д һарсн СССР-ин Деед Хүүвин Зааврар;
Ленина Одн (1959);
«1941—1945 җ Төрскән харсгч Алдр дәәнд Германиг диилснә» медаль
ВДНХ-н цаһан мөңһн медаль.

Темдглл

↑ Андраева, Очирова, 1987.
↑ ¹ ² Бембишев Эрдне Мендерикович (неопр.). warheroes.ru. Дата обращения: 23 Һаха сарин 2025.
↑ ¹ ² Рубрика: «Помним. Гордимся. Чтим» (неопр.). Правительство Республики Калмыкия (1 Хөн сарин 2022). Дата обращения: 23 Һаха сарин 2025.

Утх-зокъял

Бембишев Эрдне Мендеринович // Наши земляки — Герои Социалистического Труда : компл. букл. / Сост.: Г. Д. Андраева, З. Б. Очирова. Ред. Е. Н. Бошева. Худож. В. Я. Михин. — Элиста, 1987.

[_e0730d1c157b22d8-1] Андраева, Очирова, 1987.

[:0-2] ¹ ² Бембишев Эрдне Мендерикович (неопр.). warheroes.ru. Дата обращения: 23 Һаха сарин 2025.

[:1-3] ¹ ² Рубрика: «Помним. Гордимся. Чтим» (неопр.). Правительство Республики Калмыкия (1 Хөн сарин 2022). Дата обращения: 23 Һаха сарин 2025.

[1]

[2]

[3]