Бичкдүдин дегтрин карт

Рувики-с
Бичкдүдин дегтрин карт
Мальчик читает книгу.webp
Эклснә җил-өдрнь 2026 җил
Һазрнь  Әрәсә, Орсин Холвана Улс
Учрнь школын урдк наста бичкдүдт сурһуль өгдг шаңһа көтлвр
Орлцачнрнь һунтаһас авн 6 нас күртл
Хохргчнрнь

«Бичкдүдин дегтрин карт» (Детская книжная карта) — Әрәсәд школын урдк наста бичкдүдт өгх шаңһа сурһуль  (рус.) (хал.. Энүг Әрәсән Федерацин йирңкәлгч Владимир Путин 2025-гч җилин июнь сарин 5-д болсн орс келиг болн Әрәсән келн-улсин келмүдиг девшлһнә төрәр болсн Селвлцәнд зәңглсмн[1]. 2026-гч җилд эклх[2]. 3 настаһас авн 6 наснд күртл бичкдүдт 3 миңһн арслңга дегтрин карт нерәдгдҗәнә[3]. Шинҗләчнрин зөвин темдгтә 10 дегтр хулдҗ авч болҗана[4].

Тууҗнь

2025-гч җилин июнь сарин 5-д болсн Орс келиг болн Әрәсән келн-улсин келмүдиг девшлһнә төрәр болсн Селвлцәнд Владимир Путин Пушкина картла  (рус.) (хал. ирлцүләд «Бичкдүдин дегтрин карт» һарһх седвәр медүллә[1]. Әрәсән йирңкәлгчин тоолврар, эн 3 миңһн арслңга карт һунтаһас авн 6 наснд күрх бичкдүдт өгәд, психолог улс, утх-зокъялчнрин, школын урдк наста бичкдүдин сурһмҗлачнр зөвшәлсн дегтрмүд хулдҗ авдг арһ өгх кергтә[3]. Тер мет, зөвшәлсн дегтрмүд дегд үнтә болх зөв уга, нег картар 10 дегтр хулдҗ авч болх, гиҗ Владимир Путин темдглв[1].

Владимир Путин: Дегтр гисн — сурһмҗин болн өрк-бүлин авъясин нег учрта әңгнь. Бичкдүдт нерәдгдсн дегтрмүд дорас өсҗ йовх үйнриг учр-зокъялын ик делкәд күргх чинртә болснас, күн болһнд күртх зөвтә.

Үүл-йовц

«Бичкдүдин дегтрин карт» 2026-гч җилд һарх[2]. Йирңкәлгчин дөңнәч Елена Ямпольская  (рус.) (хал. эн төсвин туснь нутг-бусмудт бәәх дегтр һарһачнрт күргҗәнә, гиҗ темдглв[1]. Эн картин нерлһнь зааҗ өгв — «Алтн түлкүр»[1].

Нерлһнь ямаран болхм гихлә, би зааҗ өгсв: «Алтн түлкүр» болвзго? Бичкдүдт учр-зокъялын ик орчлңгин үүд секҗ өгх алтн түлкүр болтха.

Орлцх улсин то

Түрүн тоолврар, эн төсвд 7-8 сай һунтаһас авн −6-та күртл бичкдүд орлцх зөвтә[5].

Темдглл

  1. ↑ 1 2 3 4 5 Орс келиг болн Әрәсән келн-улсин келмүдиг девшлһнә төрәр болсн Селвлцән, Президент России (05.06.2025). Дата обращения: 25 Така сарин 2025.
  2. ↑ 1 2 Һурвн миңһн дегтр. Путин предложил с 2026 года выдавать дошкольникам детскую книжную карту, Фонтанка.ру (05.06.2025). Дата обращения: 6 Мөчн сарин 2025.
  3. ↑ 1 2 Путин предложил запустить программу "Детская книжная карта" - Российская газета, Российская газета (5 Мөчн сарин 2025). Дата обращения: 25 Така сарин 2025.
  4. ↑ Путин предложил выпустить «детскую карту» на ₽3 тыс. для покупки книг, РБК (05.06.2025). Дата обращения: 25 Така сарин 2025.
  5. ↑ Дети в России. Федеральная служба государственной статистики (1 Мөчн сарин 2024). Дата обращения: 25 Така сарин 2025.
"https://xal.ruwiki.ru/w/index.php?title=Бичкдүдин_дегтрин_карт&oldid=319264" халхас авсн