Воробьёв, Николай Тимофеевич (холвач)
| Николай Тимофеевич Воробьёв | |||||
|---|---|---|---|---|---|
 | |||||
| Төрсн җил өдрнь | 1924 | ||||
| Төрсн һазрнь | село Кормовое, Теңгин дүүрг, Хөөт Кавказин кизәр, РСФСР, ЗХУ | ||||
| Нас барсн җил өдрнь | 14 февраль сарин 1945 | ||||
| Нас барсн һазрнь | Будапешт, Уңһр улс | ||||
| Холвгддгнь |
 СССР |
||||
| Цергин салврнь | Холвана церг | ||||
| Цолнь | |||||
| Дәәлснь/дәнь | |||||
| Шаңнлнь |
|
||||
Николай Тимофеевич Воробьев (1924-1945) — Төрскән Харсгч Аһу Ик дәәнә орлцач, 492-гч холваһин салу батальона холваһин кесгин һардач (37-р бууһин корпус, 46-гч әәрм, Украинын 2-гч фронт), баһ сержант, ЗХУ-ин Баатр (1945).
Намтрнь
Ростов муҗин Ремонтненск дүүргин Кормовое (талдан эк сурвлҗин медәлсәр, Хальмгин Бүслүртә селәнд — өдгә цагт Приютненск района Воробьёвка селән[1]) 1924 җилд төрҗ һарв.
Долан җилин сурһулян төгсһәһд авчкад, Элст балһсна үүлдврин сурһульд орв.
1943 җилин апрель сард сән дурарн дәәнә фронтд одв. Дәәнә түрүңк ноолданд эннь эр-зөрг һарһҗ, «Цергин һавьяһин төлә» гидг медаляр шаңнгдв.
Баатр йовдлнь
1944 җилин декабрь сарин 5-нд дәәснә ик бууһин күчтә һалын дор тер Дунай һол-мүрниг һатлҗ, кабель татсн түрүңк салдсмудын негн бәәв. Цергин талва деер үлдәд, терцергин һардачнр болн һатлсн буута әңгсин хоорнд тасрлт уга холва тогтаһад авсн бәәҗ. Бүкл бүтн ноолдана туршд дәәснә шүрүн һал, аһараас тасрл уга бомб хайхас әәлго, Н.Т. Воробьёвин бәәһүлҗ, ясч бәәсн холваһин шуһм сән кевәр көдлҗ бәәв. Холвана шуһмин цуг гемтл дару-даруднь ясгдад бәв.
Николай Воробьев 1945 җилин февраль сарин 14-нд Будапештын ноолданд әмнәсн хаһцв. Терүг Будапешт балһнса (Уңһр) Зөвллтин цергин төв оршалһна һазрт оршав.
Шаңнлнь
- ЗХУ-ин Деед Зөвллин Тергүлгчнрин 1945 җилин март сарин 24-гч өдрин зәрлгәр баһ сержант Николай Тимофеевич Воробьёвт һардачнрин дәәнә даалһвриг үлгүр болһҗ, эр-зөрг, йоста баатрльг бәәдлн төлә нас барсна дару Зөвллт Холвана Улсирн баатр цолар шаңнв.
- Ленинә одн, Төрскән Харсгч дәәнә 1-гч зергин одн, Цергин һавьяна медаляр шаңнгдв.
Дурсхлнь
- Хальмг Таңһчин Приютненск района Воробьёвка селәнд Баатрт зөрүлҗ, обелиск босхв.
- Хальмг Таңһчин Приютное селәнә һудмҗ болн Воробьёвка селәнә сурһуль Баатрин нер зүүҗ бәәнә[2].
- Элст балһснд Николай Тимофеевич Воробьёвин барельеф Баатрмуҗын һудмҗ гидг һудмҗ деер бәәнә.
Сурвлҗс
- Николай Тимофеевич Воробьев: биографические данные/ Наши земляки — Герои Советского Союза, Элиста, 1985., буклет 3.
- Николай Тимофеевич Воробьев: краткая биография и о его подвиге/ Наши земляки — Герои Советского Союза, Элиста, 1967., стр. 9 — 11.
- Трембач, И. Подвиг связиста: о Герое Советского Союза Н. Т. Воробьеве]/ Наши земляки — Герои Советского Союза, Элиста, 1960., стр. 91 — 105.
- Вихоцкий, Л. Именем героя: О Герое Советского Союза Н. Т. Воробьеве] /Советская Калмыкия, 1965, 8 мая.
Темдглл
- ↑ Младший сержант Николай Тимофеевич Воробьев Архивная копия от 13 Хөн сарин 2014 на Wayback Machine
- ↑ [az-libr.ru/Persons/2EG/f4c39c6d/index.shtml Воробьёв Николай Тимофеевич]
Холвас
Николай Тимофеевич Воробьёв (рус.). Сайт «Герои страны». Дата обращения: 15 Мөчн сарин 2015.
- Герои Советского Союза — уроженцы Дона. Архивная копия от 28 Туула сарин 2012 на Wayback Machine
- Младший сержант Николай Тимофеевич Воробьёв. (недоступная ссылка)