Герюшенко Иван Васильевич
| Герюшенко Иван Васильевич | |
|---|---|
 | |
| Һарсн җил-өдр | 1929 |
| Төрсн һазр | |
| Нас барсн җил-өдр | 1986 июль сарин 10 |
| Орн-нутг | |
| Шаңнлнь |
  |
Иван Васильевич Герюшенко (1929, Ик Җалһ[d], Ставрополин зах улс — 1986 июль сарин 10) — хөөч, Социалистическ Күч-көлснә Баатр (1973), Хальмг АССР-ин ачта малч, хөд өсклһнә негдгч классин дархн. Хальмг АССР-ин Деед Хүүвин элчтн.
Намтрнь
1929-гч җилд Сарпулин крайин Ипатовскин района Ик Җалһ селәнд төрсмн[1]. 1941-гч җилд Сарпулин крайин Ипатовскин района «Хойрдгч тавн җил» колхозд орсмн. Олн-зүсн көдлмш күцәҗ бәәсмн[1].
Дән чилснә хөөн Хальмгт ирсмн. 1960-гч җилд Хальмг АССР-ин Яшлтын района «Победа» колхозд ах хөөчәр көдлсмн. Көдлмшин йовудт хөөдиг сән кевәр өсклһнә эв-арһс шинҗлҗ, шинрлтс орулҗ бәәһәд, онц сән аштаһар көдләд йовсмн. Тер мет хөд өсклһнә негдгч классин дархн болад, хош деерән дамшлтын сурһулин школ сексмн[1].
Көдлмштән өөдән чинртә аш үзүләд бәәсн төләдән 1966 болн 1971 җилмүдт Ленина одд болн ВДНХ-н медальмудар ачлгдсмн. 1973-гч җилд Иван Васильевич зун хөн болһнас 141 хурһ авад, хөн болһнас 8,5 кило ноос авсмн. 1973-гс җилин сентябрь сарин 6-д батлсн СССР-ин Деед Хүүвин Президиумин Зааврар Социалистическ күч-көлснә Баатрин нер зүүһәд, Ленина һурвдгч одар болн «Хадур болн Алх» алтн медаляр ачлгдсмн[1].
1985-гч җилд Хальмг АССР-ин Деед Хүүвин элчтн болсмн[1].
Дурсхл
- Элстин Баатрмудын Аллейд Ивана Герюшенкон барельеф бәәнә.
Ачлврмуднь
- «Социалистическ Күч-көлснә Баатр», «Хадур болн Алх» медаль (06.09.1973);
- Һурвн Ленина Одн (1966, 1971, 06.09.1973);
- ВДНХ-н медальмуд;
- «Хальмг АССР-ин Ачта малч».
Темдглл
Утх-зокъял
- Музалевский М. В. Герои Социалистического Труда. Биобиблиографический словарь. — М.: РИЦ «Кавалер», 2008. — Т. 2. — 200 с.
- Герюшенко Иван Васильевич: букл. // Наши земляки — Герои Социалистического Труда: компл. букл. / сост.: Г. Д. Андраева, З. Б. Очирова; ред. Е. Н. Бошева; худож. В. Я. Михин. — Элиста, 1987.
Холвас
- Герюшенко Иван Васильевич (рус.). Сайт «Герои страны».