Делкән йоһан өдр

Делкән йоһан өдр
Чинрнь	йоһан туск медәллиг түгәх, терүг әмдрлин йовдлд невтрүлх
Бәәһүлгдснь	2015 җилд
Үүскгч	НҮБ-ин Йирңкә Ассамблей
Җил-өдр	Июнь сарин 21
Холвгддгнь	Йоһа, Бишлһл, сойлын нәәрмүд, эрүл-менд болн айлл.
Медиафайлы на РУВИКИ.Медиа

Делкән йоһан өдр (орс. Международный день йоги) — җил болһн июнь сарин 21-нд темдглдг байр. НҮБ-ин Йирңкә Ассамблейин 2014 җилд бәәһүлгдсн байр.

Түүкнь

Эндкгин Йирңкә сәд Нарендра Моди делкән бөмбрцгин хөөт хаһст җилин хамгин ут өдр (зула нарна өдрин) төлә Делкән йоһан өдриг июнь сарин 21-нд темдглх санлыг НҮБ-д күргүлв.

«Йоһа болхла, Эндкгин эрт урд цагас ирсн үнш-барш уга белг болна. Тернь сүмс болн бийин негдмл бәәдлиг илркәлнә; бодл-сана, керг-үүл, тер мет күн болн бәәһл хойриг зоклдулад, эрүл-менд, сән-сәәхн бәәдлин цогц хандлһ. Эннь болхла, бийин тәмрин дасхлын тускар биш, хәрн бийтәһән, делкәтәһән, бәәһлтәһән эв-негдлтә бәәх медрмҗиг олҗ илрүлх йовдл болна. Мадн әмдрлин бәәдлән сольҗ, ухамсрин шин арһ-бәрлиг бий болһад авхла, эннь күн болһна сән-сәәхн бәәдлд туслх юмн. Делкән йоһан өдриг темдглхәр шиидәд авый».

2014 җилин декабрь сарин 12-гч өдрт НҮБ-ин Йирңкә Ассамблей җил болһн июнь сарин 21-гч өдриг Делкән йоһан өдр болһҗ зарлв. Эндкгин өргн бәрсн тогталыг Йирңкә Ассамблейд төләлгч болсн 175 орн-нутг цуһар демҗҗ бәәв.

Нег җилин дару йогаһар соньрхгч болн йоһан мергҗлтә әмтн Делкән йоһан өдриг түрүн болҗ темдглв. Москвад һол үүл-йовдл Сокольники цецрльгт күрәлңгин Байрин талвад болсн бәәҗ. Зокан бәәһүлгчнь Москваһин Эндкгин элчин сәәдин һазрин Җавахарлал Неруһин нертә Сойлын төв өргә болв.

2016 җилд Делкән йоһан өдр Горькийин цецрльгин күрәлңгин Пушкинская көвән талвң деер болв; энүг бас Москваһин Эндкгин элчин сәәдин һазрин Җавахарлал Неруһин нертә Сойлын төв өргә зокан бәәһүлв. Эдү мет йоһад зөрүлсн нәәрмүд Әрәсән олн зүүл бүс-нутгудт йоһад зөрүлсн керг-үүлс зокан бәәһүлгдв.

Зәрм җилмүдт зокан бәәһүлгчнр олн әмтн орлцх болмҗиг олхиг күсдгин төлә байриг амрлтын өдрт шилҗүлҗ авдг.

Темдглл