Зигуненко, Илья Ефимович

Илья Ефимович Зигуненко
Төрсн җил өдрнь	1926 җил
Төрсн һазрнь	Родыки селән, Красногвардейск район, Ставрополин кизәр
Нас барсн җил өдрнь	1945 җилин март сарин 27
Нас барсн һазрнь	Шюмег, Уңһр улс
Холвгддгнь	СССР
Церглсн җилмүднь	1944—1945
Цолнь	старший сержант
Цергин әңгнь	Украинә 1-гч фронтын 46-гч әәрмин 99-гч хадг дивизин 1-гч хадг бух церг
Дәәлснь/дәнь	Төрскән Харсгч Аһу Ик дән
Шаңнлнь

Зигуненко, Илья Ефимович (1926, Ставрополь кизәр, Красногвардейский район, Родыки селәнд төрсмн - 1945 җилин март сарин 27, Уңһар улсин Шюмегт насан барсмн) — ахлгч деслгч, Украинын 1-гч һал маңнан 46-гч әәрмин 99-гч хадг дивизин 1-гч хадг бух цергин бууч, Төрскән Харсгч Аһу ик дәәнә орлцач, Зөвллтин Холвана Улсин Баатр (1945)

Намтрнь

Илья Зигуненко одаһин Ставрополь кизәрин Красногвардейск дүүргин Родыки селәнд төрҗ һарв. Орс күн. Сурһулин 5 әңг төгсәв. Төрскән Харсгч Аһу Ик дән эклх цагт Илья Зигуненко 15 наста бәәсн бәәҗ. 1944 җилин экәр эннь сән дурарн фронтд дәәлхәр мордв.

1945 җилин март сарин 27-нд Уңһр улсин Шюмег балһсна өөр дәәлн ноолдҗ, әмнәсн хаһцв.

Баатр йовдлнь

1944 җилин декабрь сарин 4-әс 5-нд шилҗх сө Илья Зигуненко Уңһрин Эрчи балһсна өөрк Дунай мүриг һатлхд һолын эсрг талын тагт-һарцыг эзлхд орлцв.

1944 җилин декабрь сарин 5-нд Илья Зигуненко дәәснә күчтә һалас эс әәҗ, Дунай мүрнә барун эргд хамгин түрүнд күрч, үлдсн салдсин ирх хаалһиг пулемётар хаҗ эклв. Илья Зигуненко һанцхарн зөргтә кевәр дәәлҗ, талдан салдсиг эрг деер һарч ирхиг күләл уга өндрлгт һарч, тагтын һарцыг бәрҗ бәәв. Өдрин турш Илья Зигуненко һанцар дәәснә дөрвн дәврлтиг тараҗ, шуһман бәрҗ бәәв. Эн ноолданд Зигуненко немшин 24 салдсиг алҗ, дәәснә 5-ыг олзлад авч.

Дунай мүриг һатлхд онцха һавья бәәһүлснә төлә 1945 җилин март сарин 24-дг өдрин зәрлгәр ахлгч лейтенант Иван Семенович Забобоновин 1-гч хадг бух цергин 2-гч хадг батальонә талдан 14 салдсиг ЗХУ-ин баатрин алтн одар шаңнҗ. Ахлгч лейтенант Павел Алексеевич Милов, ахлгч лейтенант Чубаров Алексей Кузьмич, лейтенант Николай Константинович Храпов, лейтенант Олег Федосеевич Колычев, баһ лейтенант Рауф Ибрагимович Кутуев, ахлгч лейтенант Шарпило Пётр Демьянович, сержант Ткаченко Иван Васильевич, сержант Поляков Николй Федотович, йирин салдс Зигуненко Илья Ефимович, йирин салдс Остапенко Иван Григорьевич, йирин салдс Мележик Василий Афанасьевич, йирин салдс Зубович Константин Михайлович, йирин салдс Трошков Александр Данилович...

Шаңнлнь

• Алтн Одн — 1945 жилин март сарин 24 Дунай мүриг һатлхд үзүлсн эр-зөрг, зөрмг үзүлснә төлә шаңнгдв;
• Ленинә одн.

Ном-зү

• Илья Ефимович Зигуненко: биографические данные/ Наши земляки — Герои Советского Союза: комплект из. 22 буклетов, Элиста, 1985, Буклет 9.
• Илья Ефимович Зигуненко: краткая биография и о его подвиге/ Наши земляки — Герои Советского Союза, Элиста, 1967, стр. 33 — 35.
• Илья Ефимович Зигуненко: о его подвиге/ Наши земляки — Герои Советского Союза: комплект из 14 буклетов, Элиста, 1965, буклет 14.
• Савченко, А. Звёзды не гаснут, очерк/ Звёзды над степью: Очерки о Героях Советского Союза, Элиста, 1975. стр. 120—130;
• Трембач, И. Отважный пулемётчик: о Герое Советского Союза И. Е. Зигуненко/ Наши земляки — Герои Советского Союза, Элиста, 1960, стр. 122—127.
• Герои Советского Союза. Краткий биографический словарь. Том 1. М.: Воениз., 1987.
• Серых С. П. Бессмертный батальон. — М.: Воениздат, 1988. — 204 с. — ISBN 5-203-00063-8.
• Фазин Зиновий Исаакович. Однажды ночью. — Москва: Воениздат, 1963. — 136 с. — 65 000 экз.

Холвас

Илья Ефимович Зигуненко (рус.). Сайт «Герои страны».