Италь келн
Италь келн (ит. italiano, lingua italiana) Эндкг-Европ келнә әәмгин Италик бөлгт хамаргдх флоренц айлһд сүүрлсн роман келн болна. Мөн Европин Холвана алвн йосна 23 келнә негн билә. Эндр италь келәр 80-ад сай күн келдг. Италь келнь Италь улс, Сан Мариноһин нойта улс, Швейцарь, Хорват, Словень, Ватикан улсин алвн йосна келн болна. Итали келнь мана җил тооллын 476 - 1000 җилин хоорнд эс гиҗ 500-ад җилин хуһцанд Ромин эзтә улсин үйин күүндәнә латин келнәс үүссн кемән кел судлачнр тодрхалдг. 1200 - 1300-гч җилин үйд Флоренц балһсн-улс төр, эдин засг, сойлын көгҗләрн Италин бусд балһдиг тергүлҗ, күн-амна то 100 миңһн һару болҗ бәәсн бәәһәд, Италин гегәрүләч, алдрта шүлгч Данте Алигьери, Франческо Петрарка, Җованни Боккаччо эдн Флоренц айлһар зокал-бүтәлән түүрвҗ, теднә шүлг цуг Италяр тархн, олнд сәәшәгдҗ бәәҗ. Үүнәс болҗ шин залу шүлгчнр, шүүмҗләчнр теднә бүтәл, түүрвлән олнд күргхин төләд тер айлһар бичхиг эркмлх болснь флоренц айлһ италь келнә үндсн айлһ болхд нөләлсн юмн. 1827-гч җилд Италин Сергн Мандллтын үйин алдрта урн зокалч Алессандро Манзони “Сиитә күүкн, күргн хойр” кемәх романан түүрвснь зөвкн урн зокалын болн икс-деедсин гигдҗ бәәсн флоренц айлһд сүүрлсн бичгин келиг күүндәнә келтә негдкхд түлкц болн, орчн цагин италь келн үүсх эклл болҗ.[1][2]
Ишлл
Дегтр-зү: Италь келн-зү, 2010-гч җил, Ш.Целмг