Керәд улс

Рувики-с

Экспертиза РАН

Logo-ran.png
Проведена экспертиза
Российской Академией Наук
Подробнее
Aprove.svg

Орсин Холвана Улсин ШУА шинҗлҗ батрулв

Arrow-Right.png
Logo-ran.png
Орсин Холвана Улсин ШУА
шинҗлҗ батрулв
Тодрхаһар
Керәд улс
Хэрээд
Кев моңһл яста келн-улсин холван
Угсатни темдг
Арстн моңһл зүсн-әмтн
Нег яста улс моңһл яста улс
Ниитин медәл
Келн моңһл келн, дунд моңһлын келн
Шаҗн несторианств
Ханьд цзубу
Өөрхн джалаир, маңһд, нәәмнә, меркит, баят болн нань чигн моңһл яста келн-улс
Бәәршлсн һазр
Төв Халха һазрар бәәсн (X—XIII зун җилмүдт)
Төр
Керәд хаата улс
Карта

Керәд (орс. Кереиты; талданар — хэрээд, кэрээд, кэриет, кэрэит, кераит, хэрэйд, керейт, гирей) — X—XIII зун җилд Забайкалье болн Моңһл һазрт бәәршлҗ йовсн моңһл яста келн-улсин холван[1].

Нерәдлһнә этимологнь

Керәд нерн моңһл келнәс хэрээ, кере, кэрэ, хэрэ хальмг «Керә» («Во́рон») гисн үгд -ид, уд, д — олна темдгтә суффикс немгдәд тогтасмн. Эн үгин этимологнь дәкәд чигн цөөкн чинртә[1].

Моңһл хаата улс 1207 җилд

Тууҗнь

Чингисханд диилгдәд моңһлчудын дәәчнрин ханьд орхас өмн керәд улс кедү нег әәмгүдин холван бәәсмн. Тедн моңһл болн түрк келн-улсас тогтагдсн багмуд бәәсн бәәдлтә. керәд улс өдгә цагин моңһл болн түрк келн-улсин этногенезин тогтацд эврә тәвцән орулсмн[1].

керәд улсин уңг-тохмнь күцц цәәлһвр уга. Нег тодлврар, керит улсин әәмгүд киданя зуульчлдг әңгүдәс тогтсн бәәдлтә, гиҗ «цзубу» тууҗд келгдҗәнә. Терүнә тускар Л. Н. Гумилёв болн С. К. Хойт темдглсәр, моңһлчудын һурвн келн-улсин ниилгәс: шивә, киданя болн Дорд үзгин шивә улсас тогтсмн[2][1].

Рашид ад-Дин тодлсар, XIII зун җилд керәд улс «моңһлчудын тохм; тедн бәәршлҗәх Онон болн Керулен һолсин көвә — моңһлын һазр»[3]. «Әрүн тууҗд» («Сокровенное сказание») Хар модн һазрин Туул һолын көвәд бәәршлсн керәд улсин Ван-хана тускар келгдҗәнә.

Г. О. Авляевин тоолврар[4] керәд улс IX зун җил өрәлдснәс авн отуз-маңһдас эс гиҗ шивә улсас тогтсмн. Г. О. Авляев кезәңк йовдлмудиг тодлад керәд улсин холвана долан әәмг йилһлҗ: моңһлчудын темдгтәнь — түрүн ормд керәд улс, хиркун(?), альмад эс гиҗ албат, дунгхоит; түрк-уйгур — джиркин(?), сакаит; самодийин — тумат улс[4]. Зуг, яһад тер тогтац холвалҗахан цәәлһвр өгчәхш[1]. Тер мет тумат улсиг[5] болн сакаит улсиг кесг түрвәчнр моңһлчудын әәмгст орулна[6], джиркин улсиг болхла җуркихнә нирун-моңһлчудын әәмгт орулна[7].

Араб тууҗч Абу-ль-Фарадж бин Харун тодлсар, керәдын хан 1007 җилд Мерв балһсна несторианск шаҗна митрополитур ирәд кирст орх седвәрән медүлҗ. Кирстд орсн цагтанэ Маргуз (Мэргус, Мархус, Маркус, Марк) гидг нер авсмн. Ут тоодан терүнлә 200 шаху күн кирстд орҗ. XI зун җил эклхд керит улс ик-баһ уга, ут тоодан 400 миңһн күн бәәсмн[8]. Авляев приводит гораздо большую цифру[1].

XII зун җилд керәдин хаана улс Алдр теегт ик ачта йовсмн. Китдин Цзинь тохмта дәәлдҗ йовсмн. Буюрук-хана цолта керәдын хан Маргузиг маңһд дәәчнр бәрҗ авад Цзинь тохмта улст өгүлҗ. Тедн Маргузиг «модн элҗгнд» хадад алсмн. Маргузин хойр көвүнь керит улсиг хоорндан хуваһад залдг болсмн.

Маргузин ачнь Тоорил (Тогорил), Ван-хана цол зүүсмн. Түрүн авгтан тер Чингисханта ни-негн бәәсн Ван-хан дарунь цүүглдәд, диилгдҗ нәәмәд улс тал зулҗ һарад, тенд әмнәсн хаһцсмн. Тер цагас авн керәд улс Чингисхана ханьд орад, салу нутг болдган уурсмн.

Моңһлчудас зулсн зәрм керәд улс түрк болн хасг әңгсин ханьд орад үлдсмн. Чингисханд орсн керит улс моңһл гиҗ тоолгдна. Зәрм керәд хаадын күүкд моңһл хаадт мордсмн. Хальмг-торһуд улсин зәрм өрк-бүлмүд керит тохмта, Ван-хана үлдл болна[1].

Хаадуд

Керәд улсин хаадудын нерд:[1]

  • Маргуз I (Марк; 1007-гч җилин алднд насан барсм)
  • Уба (керәдин хан)|Уба (Увар)
  • Маргуз II (1092-гч җилд насан барсмн)
  • Маргуз (ІІІ) Буюрук хан (1125-гч җилин алднд төрсмн—1150-гч җилмүдт насан барсмн)
  • Хурджакус (Кириакос эс гиҗ Григорий) Буюрук-хан (1150-гч җилмүд—1171-гч җил)
  • Ван-хан (Тоорьл; 1130-гч җилд төрәд, 1165—гч җилд хан болад, 1203-гч җилд насан барсмн)
  • Эркэ-Хара (Ерке-Кара; 1196—1198)
  • Нилха-Сангун (Илья), Тоорилын көвүн (1204)[9]

Торһуд улсин хаадуд, тәәшд болн хальмгин хаадуд

  • Буйго-Урлюк
  • Зульзуган-Урлюк
  • Хо-Урлюк (1644 җилин январь сари 4 насан барсмн) — торһуд улсиг Иҗл һолур дахулҗ ирсмн
  • Шукур-Дайчин (1644—1661) — Әрәсән ханьд хальмгудыг орулсмн
  • Мончак (Пунцук, 1661—1669/1672)
  • Аюка (Аюши, 1669/1672—1724) — Хальмгин түрүн хан
  • Чакдор-Джаб (1714—1722)
  • Церен-Дондук (1724—1735)
  • Дондук-Омбо (1735—1741)
  • нойдуд Дондуковихнә болн Дондуковихнә-Корсаковихнә (Дондук-Омбо хаана үйнр, ода уга болсн тохм)
  • Дондук-Даши (1741—1761)
  • Убаши (1761—1771) — Хальмг улсин ик зууһинь Зүнһарур дахулад нүүсмн[1].

Керәд улсин һулинцгуд

Моңһлчуд дунд

Керәдмүдин һулинцгуд халха-моңһлчуд дунд Моңһлын олн әәмгүдәр бәәцхәнә. Керәд тохмта улс дөрвд, захчн, олёт (хэрээ цувдаг[5] (кирей цудаг)[10], Узумчн улс[11], хальмг улс[12], дарһнһ[13], урянхай (хиреид)[14]. Китдин Дотр Моңһлд чахр, ордос болн бәәрн улс. Тедн дунд иим тохмс харһна: баһ хэрэйд, хар хэрэйд, хэрэйд, цаһан хэрэйд, ехэ хэрэйд[15][13]. Дәкәд керәд улс Моңһлын, Китдин болн Әрәсән торһуд улс дунд бәәнә[1]. Бурят улсин булагатмуд дунд хэрэй алагуй тохмд бас харһна. Алануй тохмин булагат улс нурһлҗ кударина бурят дунд харһна[16]. Селенгина бурят дунд убур-кирә тохм бәәнә, тедн XVIII зун җилин эклцәр Халхаһас Забайкальюр нүүҗ ирсмн[14].

Хальмгудын дунд: керәд[17] (керет[18], керяд[19]), шин керәд, хуучн керәд[17], баһ-керет[18], хахачин-керәд[20], баадин керәд, махчин керәд, наатн керәд, хар керәд, цаатн керәд[1], эрктн керәд[21] (Эркетен керет)[22].

Өдгә Моңһлд керәд тохмин хэрээ, хэрээд, хэрээ цувдаг болн хэрээдэй улс Тэлмэн сомонд, Булнай, Завхан әәмгин Их-Уул; Хувсглтәәмгин Галт сомонд; Архангай әәмгин Жаргалант, Тариат, Хангай; Дорнд әәмгин Булган сомонд; Сухэ-Батор әәмгин Сүхбаатар, Халзан, Асгат, Дарьганга, Наран, Баяндэлгэр, Онгон сомонмудт; Төв әәмгин Сэргэлэн, Баян сомонмудт; Хэнтий әәмгин Биндэр, Хурх сомонмудт; Ховд әәмгин Манхан, Эрдэнэбүрэн, Үенч сомонмудт; Увс әәмгин Давст, Бөхмөрөн болн Хяргас сомонмудт[23]. Дәкәд Завхан әәмгт хэрээнд тохм бәәнә[1].

Зәрм шинҗләчнр керәдмудин кхирит тохм зааҗана[24] (хирит[25], кирийт[26]) болн кергут[27] (кэригут[26]). Буряд улс дунд: кхирит (керәд[24], хэрэйд[28]) табангут дунд; кхирит[26] (керәд, хэрэйд) сартул дунд[24]; хирид (кхирид)[25], кирийт-кэригут[26] (хирид-хэрэгүд[5]) селенгина бурят[25]. Хирид тохмта улс Улан-Батрт[29] болн Моңһлын Сэлэнгэ болн Сухэ-Батор әәмгүдәр бәәнә[5][29]; хэргүүд — Улан-Батрт болн Умнеговь, Дорноговь болн нань чигн әәмгүдт бәәнә[30]; хэргүд — Улан-Батрт болн Умнеговь әәмгт[31]; хэрэгүүд — Улан-Батрт болн Дорноговь әәмгт[32][29].

Моңһлд иим улс бәәнә: хэрээд, хэрэйд, хар хэрээд, хэрэд, хэрэдэй, хэрэид, хэрэй, хэрэйдүүд, хэрэйдэй, хэрэйт, хэрээ, хэрээ цувдаг, хэрээдүүд, хэрээдэй, хэрээн, хэрээнд, хэрээнүүд, хэрээт, керед, керей, керейд, керет, кэрэд, кэрэй, кэрээд, хирид, хэргүүд, хэргүд, хэрэгүүд[29].

Түрг улс дунд

Түрг улс дунд керәдүд хасгуд дунд бәәнә. Эдн керей нерәдлһән хасгудын Баһ жузд ордг нег тохмд үдләҗ. Дунд жузин керей улс керәдүдтә өөрхн болна[33]. Зуг зәрм шинҗләчнрин тоолврар, эдн өөрхн болв чигн, уңг-тохмнь талдан, гиҗ тоолна. Дунд жузин Найман улс дунд каракерей нертә улс бәәнә, зуг генетикин шинҗллтәр керей улста элгн биш[34].

Башкир улс дунд гирей тохм бәәнә. Эн тохм бас Крымин маңһд улс дунд бәәнә[35]. Гирей тохм Чингисхана орнд орсмн.

Ногай улс дунд киритын алтаяк болн куьргирей тохмс бәәнә[36].

Сиврин маңһд улс дунд Тюменин муҗд Дунд Тарманы селәнд керәд әмтн бәәнә(сиб.-тат. Кирәйет).

Хазарейцмудын дунд

Афганистанд бәәх керәд улс хазарейцмудын дунд бәәнә[37].

Бас хәләтн

  • История христианства в Средней Азии

Темдглл

  1. ↑ 1 2 3 4 5 6 7 8 9 10 11 12 Хойт С. К. Кереиты в этногенезе народов Евразии: историография проблемы. Элиста, 2008. 82 с. Дата обращения: 12 Хулһн сарин 2025. Архивировано 28 Лу сарин 2020 года.
  2. ↑ Гумилев Л. Н. В поисках вымышленного царства. Трилистник птичьего полета. 5. Разорванное безмолвие (961≈1100).Архивная копия от 27 Хулһн сарин 2020 на Wayback Machine
  3. ↑ Рашид ад-Дин. Сборник летописей. Т. 1. Кн. 1. С. 127.
  4. ↑ 1 2 Авляев Г. О. К вопросу о происхождении керәдов.
  5. ↑ 1 2 3 4 Очир А. Монгольские этнонимы: вопросы происхождения и этнического состава монгольских народов / д.и.н. Э. П. Бакаева, д.и.н. К. В. Орлова. — Элиста: КИГИ РАН, 2016. — 286 с. — ISBN 978-5-903833-93-1.
  6. ↑ Проблемы этногенеза и этнической культуры тюрко-монгольских народов. — Элиста: Калмыцкий гос. университет, 2007. — С. 52—54. — 177 с.
  7. ↑ Igor de Rachewiltz. The Secret History of the Mongols: A Mongolian Epic Chronicle of the Thirteenth Century (англ.). — 2015. — P. 219. — 271 p. Архивировано 25 Хулһн сарин 2020 года.
  8. ↑ Гумилёв Л. Н. Поиски вымышленного царства… — С. 104.
  9. ↑ Правители Мира. В. Эрлихман. 2009.
  10. ↑ Нанзатов Б. З. Этнический состав и расселение народов Монгольского Алтая и Прихубсугулья в начале XX века // Известия Иркутского государственного университета. Серия: Геоархеология. Этнология. Антропология. — 2013. — № 2. Архивировано 27 март сарин 2019 года.
  11. ↑ Монгол улсын угсаатны зүй. Улаанбаатар, 1996.
  12. ↑ Эрдниев У. Э. Калмыки: Историко-этнографические очерки. — 3-е изд., перераб. и доп. — Элиста: Калм. кн. изд-во. 1985. — 282 с. kalmyki.narod.ru. Дата обращения: 12 Хулһн сарин 2025. Архивировано 14 Хулһн сарин 2010 года.
  13. ↑ 1 2 Монгол овог аймгууд. Дата обращения: 12 Хулһн сарин 2025.
  14. ↑ 1 2 Ушницкий В. В. Средневековые народы Центральной Азии (вопросы происхождения и этнической истории тюрко-монгольских племен). — Казань: Изд-во «Фэн» АН РТ, 2009. — С. 96. — 116 с. — ISBN 978-5-9690-0112-1.
  15. ↑ Bügünüdei Goncuγ. Моngγul obuγ // Öbör Mongγol-un Soyol-un Keblel-ün Qoriya, 1993. 203 х. (на монгольском языке)
  16. ↑ Нанзатов Б. З. Кударинские буряты в XIX веке: этнический состав и расселение // Вестник БНЦ СО РАН. — 2016. — № 4 (24). Архивировано 1 Така сарин 2019 года.
  17. ↑ 1 2 Бембеев В. Ш. Северная Орда. kalmyki.narod.ru. Дата обращения: 12 Хулһн сарин 2025. Архивировано 12 Хулһн сарин 2018 года.
  18. ↑ 1 2 Генеалогия икицохуровских хошутов (по материалам, собранным Ш. В. Боктаевым). Сост. Б. Б. Манджиева / Н.Г. Очирова. — Элиста: КИГИ РАН, 2011. — 326 с. — ISBN 978-5-903833-31-3.
  19. ↑ Номинханов Ц.-Д. Об этническом составе донских калмыков // Ученые записки. — Выпуск 7. — Элиста, 1969.
  20. ↑ Дарваев П. А. Калмыцкий язык в свете теории культуры языка и речи / М. У. Монраев. — Элиста: АПП «Джангар», 2003. — 280 с. — ISBN 5-94587-093-5.
  21. ↑ Известный калмыцкий блогер о том, что отличает Бурятию и Калмыкию (рус.). www.infpol.ru. Дата обращения: 12 Хулһн сарин 2025. Архивировано 1 март сарин 2019 года.
  22. ↑ Батыров В. В. Очерки истории традиционной культуры калмыков второй половины XIX вв. Монография ответственный=. — Элиста: КИГИ РАН, 2016. — 226 с. — ISBN 978-5-906881-21-2.
  23. ↑ Очир А., Сэржээ Ж. Монголчуудын овгийн лавлах. — Улаанбаатар, 1998. — С. 10–11, 21–25, 217–29, 34–35, 38–39, 47–50. — 67 с.
  24. ↑ 1 2 3 Нанзатов Б. З., Содномпилова М. М. Селенгинские буряты в XIX в.: этнический состав и расселение (юго-западный ареал) // Вестник БНЦ СО РАН. — 2019. — № 1 (33). — С. 126—134. Архивировано 18 Хөн сарин 2022 года.
  25. ↑ 1 2 3 Нанзатов Б. З. Племенной состав бурят в XIX веке // Народы и культуры Сибири. Взаимодействие как фактор формирования и модернизации. — 2003. — С. 15–27. Архивировано 13 Мөрн сарин 2022 года.
  26. ↑ 1 2 3 4 Цыдендамбаев Ц. Б. Бурятские исторические хроники и родословные. Историко-лингвистическое исследование. — Улан-Удэ: Бурятское книжное издательство, 1972. — 664 с.
  27. ↑ Кукеев Д. Г. К вопросу отождествления исторических личностей у ойратов в китайских и монгольских источниках (на примере Угэчи, Гуйличи, Менкэ-Тимура) // Вестник ЮНЦ РАН. — 2013. — Т. 9, № 1. — С. 95—99. Архивировано 17 Мөрн сарин 2019 года.
  28. ↑ Буряад үнэн. Буряад шудалал. www.burunen.ru. Дата обращения: 12 Хулһн сарин 2025.
  29. ↑ 1 2 3 4 Үндэсний Статистикийн Хороо. Үндэсний Статистикийн Хороо. Дата обращения: 12 Хулһн сарин 2025. Архивировано 12 Бар сарин 2020 года.
  30. ↑ Үндэсний Статистикийн Хороо. Хэргүүд. Үндэсний Статистикийн Хороо. Дата обращения: 12 Хулһн сарин 2025. Архивировано 19 Хөн сарин 2021 года.
  31. ↑ Үндэсний Статистикийн Хороо. Хэргүд. Үндэсний Статистикийн Хороо. Дата обращения: 12 Хулһн сарин 2025. Архивировано 19 Хөн сарин 2021 года.
  32. ↑ Үндэсний Статистикийн Хороо. Хэрэгүүд. Үндэсний Статистикийн Хороо. Дата обращения: 12 Хулһн сарин 2025. Архивировано 19 Хөн сарин 2021 года.
  33. ↑ Abilev, Serikbai; Malyarchuk, Boris; Derenko, Miroslava; Wozniak, Marcin; Grzybowski, Tomasz; and Zakharov, Ilya. (2012). «The Y-chromosome C3* star-cluster attributed to Genghis Khan’s descendants is present at high frequency in the Kerey clan from Kazakhstan», Human Biology: Vol. 84: Iss. 1, Article 12.
  34. ↑ Сабитов Ж. М. О происхождении Кереев с точки зрения популяционной генетики // The Russian Journal of Genetic Genealogy (Русская версия). — 2012. — Т. 4, № 1. — С. 91—93. — ISBN 1920-2997. Архивировано 30 Ноха сарин 2019 года.
  35. ↑ Бембеев В. Ойраты. Ойрат-калмыки. Калмыки: история, культура, расселение, общественный строй до образования Калмыцкого ханства в Поволжье и Предкавказье / Валентин Бембеев. — Элиста: Джангар, 2004. — С. 87. — 495 с. — ISBN 5-94587-130-3.
  36. ↑ Керейтов Р. Х. Этническая история ногайцев: к проблеме этногенетических связей ногайцев. — Ставропольсервисшкола, 1999. — С. 57. — 174 с. — ISBN 978-5-85183-059-4.
  37. ↑ Project Gutenberg. Hazara tribes | Project Gutenberg Self-Publishing — eBooks | Read eBooks online. self.gutenberg.org. Дата обращения: 12 Хулһн сарин 2025. Архивировано 22 Ноха сарин 2018 года.

Ном-зү

Сурвлҗ

Утх-зокъял

"https://xal.ruwiki.ru/w/index.php?title=Керәд_улс&oldid=319612" халхас авсн