Крынин, Степан Михайлович

Степан Михайлович Крынин
Степан Михайлович Крынин
	; Дәәнә цагт кесн зург
Төрсн җил өдрнь	1920 җилин апрель сарин 14
Төрсн һазрнь	Никольское селән, Енотаевск район, Астрахань муҗ, ЗХУ
Нас барсн җил өдрнь	1988 җилин июль сарин 18
Нас барсн һазрнь	Астрахань балһсн, ЗХУ
Холвгддгнь	СССР
Цергин әңгнь	Цаһан Орсин 2-гч фронт, 3-гч әәрм, 5-гч хадг дивизь, 190 хадг бух церг
Дәәлснь/дәнь	Төрскән Харсгч Аһу Ик дән

Степа́н Миха́йлович Кры́нин (1920 җилин апрель сарин 14, ЗХУ, Астрахань муҗин Енотаевск района Никольское селән — 1988 җилин июль сарин 18, Астрахань балһсн, ЗХУ) — ЗХУ-ин баатр, Төрскән Харсгч Аһу Ик дәәнә орлцач.

Намтрнь

Степан Михайлович Крынин 1920 җилин апрель сарин 14-нд Астрахань муҗин Енотавск района Никольское селәнд тәрәчин гер-бүлд төрҗ һарв. 1940 җил күртл Хальмг АССР-ин Үстин районд көдләд бәәв. 1940 җилд Степан Крынин Улан Әәрмд татгдв.

Төрскән Харсгч Аһу Ик дәәнә хөөн Степан Крынин Астрахань балһснур хәрҗ ирәд, усн тееврин һазрт болн заһс болвсрулх үүлдврт көдләд бәәв.

1988 җилин июль сарин 18-нд Степан Михайлович Крынин Астраханьд насан барв.

Баатр йовдлнь

Төрскән Харсгч Аһу Ик дәәнә түрүңк җилмүдт эннь олн дәкҗ шавтад бәәв. 1944 җилин зунын цагт Орёлын улан тугта дивизин бүрдлд орҗ, Друть һолын өөр ноолдн-дәәләд бәәв. Һолыг һатлх цагт сержант Степан Крынин әәмшг уга бәәдлән олнд үзүлҗ, салдсмудан дәврлтд орулв. Эннь хамгин түрүнд дәәснә траншейүр орҗ, пулемёт болн түүнә багиг гранат шивҗ уга кеһәд, шин бәәр-сүүр эзлх болмҗиг олһсн бәәҗ.

1944 җилин июль сарин 14-нд Волковыск балһсна өөр десант багин бүрдлд бәәсн Степан Крынинә әңг дәәснә 600 орчм салдста бахн йовҗ бәәсн хурдн хаалһиг таслн бүтәҗ авч. Немшин цергин бахн хойр кесгт хувагдҗ, дарани ноолданд немшин 120 орчм салдс әмнәсн хаһцв; дәәснә үлдсн кесгнь хәрәд урвҗ. Эн ноолдана ашгтнь Зөвллтин церг Волковыск балһснур өөрдҗ ирх болмҗ авч.

Шаңнлнь

Алтн одн медаль (№ 9016) — дәәснлә ноолдад, хүвин эр-зөрг, баатрльг бәәдлин төлә 1945 җилин март сарин 3-нд шаңнгдв;
Ленинә одн;
1-гч зергин Төрскән Харсгч Аһу Ик дәәнә одн;
Алдрин одн;
«Эр зөргин төлә» медаль.

Дурсхлнь

Элст балһсна Баатрмудын һудмҗ гидг дурсхлын цогцлвр деер Степан Михайлович Крынинә рельеф бәәдг.
Цаһан Орсин Гродно^[1], Волковыск гидг хойр балһснд Степан Михайлович Крынинә нер зүүҗәх һудмҗс бәәнә.

Темдглл

↑ В Гродно появятся улицы, которым присвоены имена Героев Советского Союза (рус.). grodnonews.by. Гродзенская праўда (1 Бар сарин 2015). Дата обращения: 28 Туула сарин 2018. Архивировано из оригинала 28 Туула сарин 2018 года.

Сурвлҗс

Кравчук М. Герой с улицы Героя/ Звезды над степью: Очерки о Героях Советского Союза. — Элиста, 1975. — стр. 131—138.
С. М. Крынин/ Наши земляки — Герои Советского Союза, комплект из 21 фоторепродукций. — Элиста, 1975. — репродукция 10.
Степан Михайлович Крынин: биографические данные/ Наши земляки — Герои Советского Союза, комплект из 22 буклетов. — Элиста, 1985. — буклет 10.
Герои Советского Союза. Краткий биографический словарь. — том 1. — М.: Воениздат, 1987.

Холвас

Степан Михайлович Крынин (рус.). Сайт «Герои страны».

[1] В Гродно появятся улицы, которым присвоены имена Героев Советского Союза (рус.). grodnonews.by. Гродзенская праўда (1 Бар сарин 2015). Дата обращения: 28 Туула сарин 2018. Архивировано из оригинала 28 Туула сарин 2018 года.

[1]