Күслин һацур
| «Күслин һацур» | |
|---|---|
 | |
 | |
| Кев | буйнч седклин төсв |
| Бүрдәсн җил | 2018 |
| Бүрдәһәчнр | «Нанла хамдан күслий» төсв |
| Бәәх ормнь |
 |
| Төв дүрмүд |
Артур Орлов («Түрүнксин җисм» правленин толһач») Тимур Сафин («Түрүнксин җисм» толһачин селвгч) |
| Төләллт | «Түрүнксин җисм» |
| Үүдәлтин аһунь | буйнч седклин керг, Ниигмин дөңг Әрәсәд |
| Хуралһс | 2,7 җува арслңг (2025 җилин тоолврар) |
| Өргәл бәрц | 88 миңһн улс (2025) |
| Эврә дурар көдлдг улсин то | 20 миңһн улс (2025) |
| Гешүдин то | 1,5 миңһн дөңгнчнрин бүрдәцс (2025) |
| Дуудвр үг | «Шин җил тослһн — сидтә кергүд күцәһәд, әмтнд дөңг күргх цаг» |
| Сайт | елкажеланий.рф |
«Күслин һацур» (орс. Ёлка желаний) — Әрәсән сән кергүд бүтәлһнә төсв, шин жилин өмн-өргнд бийдән эрмдгтә бичкдүдин болн медәтнрин седвәриг күцәҗ өгх күслтә. Терүг «Түрүнксин җисм» Росмолодёжин дөңгәр 2018-гч җиләс авн үүдәҗәнә[1].
Төсвд эврә дурар кен болв чигн орлцад («күцәгч» болад), талдан күүнә («күсләчин») седвәриг күцәҗ чадҗана. 2018-гч җиләс авн давулгдҗах төсв Әрәсән буйнч седклин хамгин күцәмҗтә тоод орв, терүнд орлцх седклтә улсин болн бүрдәцсин то җил ирвәс цуг нутгар улм өсәд йовна[2].
Тууҗнь
«Күслин һацур» төсв 2014-гч җилд бүтәгдсн «Нанла хамдан күслий» гидг төсвин ханьд Маңһд Таңһчд бүрдәгдсмн. Түрүн авгтан терүнә йовудт күнд гемтә бичкдүдин болн медәтнрин седвәриг күцәх күсл тәвгдсн бәәҗ, белг бәрүлх биш, байр белглх шиидгдҗәсмн. Түрүн болҗ нег күүкн самолётын штурвалар залх күслнь күцәгдсмн[3].
2018-гч җилд эн төсв Әрәсән йирңкәлгчин «Әрәсә — чадврин орн-нутг» гидг давцңгин ханьд орсмн. Декабрь сарла Москвад болсн Нарт Делкән добровольцнрин сүүрт Әрәсән йирңкәлгч Владимир Путин төвлә таньлдад, тавн бичкдүдин седвәр күцәһәд, бийнь орлцсмн. Дарунь эн төсв шин җилин байрта ирлцүлгдәд, «Күслин һацур» болсмн[4].
Түрүн төсв 2019 җилин мөрд болсмн. года. 2018-гч җилин декабрь сарин 27-д Москван Кремлин Әрәсән Госсоветин сүүрт шин җилин һацурмудт бичкдүдин седвәрстә бичгүдәр кеерүлсмн. Правительствин гешүд, министрмуд болн губернатормуд тер бичгүдиг авад, бичкдүдин седвәрсиг күцәсмн. Цаг ирвәс эн төсвд талдан чигн шаңһа улс болн эгл әмтн олар орлцдг болцхав[4].
2022-гч җиләс авн эн төсвиг «Түрүңксин җисм» давулдг болсмн[1].
Үүлдврмүд
Төсвин һол күслнь — шин жилин өмн-өргнд сидтә байр белгллһн. Ода «күсләчнр» эврәннь седвәрән төсвин онц сайтд үлдәнә. Тедниг цуг Әрәсән буйнч седклтә «күцәгч» улс секәд, күцәҗ чадҗана[4][5].
Күсләчнрин тоод орлцх улс[4][5]:
- 3-17 наста бичкдүд болн 60-тәһәс ах улс;
- өнчн бичкдүд;
- бийдән эрмдгтә бичкдүд болн медәтнр;
- күнд гемтә бичкдүд;
- баһ тетквртә өрк-бүлмүдәс бичкдүд;
- СВО-н орлцачнрин үрдүд;
- Донецкин, Луганскин Республикас бичкдүд, Запорожскин болн Херсонскин муҗас бичкдүд болн меҗәһәр бәәх регионмудас бичкдүд[4][5].
Күсләчнрин седвәрмүд дунд наадһас, кергллмүд болн хувц-хунр, эс гиҗ йовдлмуд (талдан балһснд йовх, нертә күүнлә харһх, керг-үүлдврт орлцх). Дәкәд болхла күцәгч улс күсләчнрин седвәриг еүцәсн деерән, бас эврәннь седкләсн немр белг өгч чадҗана[4][5].
2025-гч җилд кен болв чигн «күцәгч» болҗ чадх, терүнә төлә сайтд эс гиҗ эврәннь бәәх һазртан Күслин һацурас бичг авад, күцәҗ чадх. Күцәгч улс холас чигн, харһад чигн орлцҗ чадҗана. Төсвд әмтн болн шаңһа бүрдәцс болн ниигмин тогтацс орлцҗ чадҗана[6].
Ашнь болн аһунь
2018-гч җилд «Күслин һацурд» 450 седвәриг күцәсмн. Җил ирвәс тер то улм өсәд йовна[4]:
- 2020: 13,5 миңһн седвәриг күцәсмн;
- 2021: 38 миңһн седвәриг күцәсмн; тыс. желаний;
- 2022—2023: 47 миңһн седвәриг күцәсмн;
- 2023—2024: 60 миңһн седвәриг күцәсмн[4].
2025-гч җилин чилгчин тооһар, цуг җилмүдин туршт ут тоодан 320 миңһн седвәриг күцәсмн; мөгнә тонь 2,7 җува арслң тогтавв. Төсвд ут тоодан 88 миңһн күцәгч улс болн 1,5 миңһн бүрдәцс орлцсмн. Ода эн төсв Нарт-Делкән аһуд орсмн, энүнд Әрәсәһәс нань Испаньд, Итальд, Францд, Кипр деер, Сербийд бәәх әрәсән улс орлцҗана[2][4].
Дөңнчнр
Төсвин һол дөңнчнь Росмолодёжь болна. Дәкәд энүг буйнч седклин көрңгүд, ниигмин болн коммерцин бүрдәцс дөңгннә. Үлгүрлхд, «Үйнр» буйнч көрңг медәтә улсин седвәриг күцәнә[7].
Шин эв-арһс
2025-гч җиләс авн шин эв-арһсар дөңгнләд төсв давдг болв:
- «Ширә деер байр» — «Русь» хот-хоолын көрңг болн «X5 Group» бүрдәцс баһ тетквртә өрк-бүлмүдт хот-хоолын цуглаврмуд нерәддг болв[8];
- «Үйнрин белгүд» — «Үйнр» көрңглә хамцу медәтә улст нерәдсн дөңг[7].
Темдглл
- ↑ 1 2 Ёлка желаний 2025. Ёлка желаний. Дата обращения: 8 Бар сарин 2025.
- ↑ 1 2 Всероссийский Дед Мороз из Великого Устюга дал старт акции "Ёлка желаний". РИА Новости. Дата обращения: 8 Бар сарин 2025.
- ↑ О проекте. Мечтай со мной. Дата обращения: 8 Бар сарин 2025.
- ↑ 1 2 3 4 5 6 7 8 9 Что известно о всероссийской акции "Ёлка желаний". ТАСС. Дата обращения: 8 Бар сарин 2025.
- ↑ 1 2 3 4 Загадать желание. Ёлка желаний. Дата обращения: 8 Бар сарин 2025.
- ↑ «Елки желаний»: как выбрать площадку, партнеров и не промахнуться с подарком. Милосердие.ru. Дата обращения: 8 Бар сарин 2025.
- ↑ 1 2 Акция "Внуки с подарками". VK: Акция «Ёлка желаний». Дата обращения: 8 Бар сарин 2025.
- ↑ Фонд X5 «Выручаем» поможет нуждающимся семьям в подготовке новогоднего стола. Сибирское Агентство Новостей. Дата обращения: 8 Бар сарин 2025.
| Әрәсән буйнч седклин бүрдәцс | |
|---|---|
| Фонды помощи детям | |
| Медицинские фонды | |
| Социальные организации | |
| Фонды культуры и искусства | |
| Фонды для матерей и детей | |
