Метяшкин, Аким Гаврилович

Аким Гаврилович Митяшкин
Төрсн җил өдрнь	1897 җилин июнь сарин 24
Төрсн һазрнь	Бараники селән, Теңгин цергин бүс, Орс хаата улс
Нас барсн җил өдрнь	1944 җилин апрель 5
Нас барсн һазрнь	Борщёвск район, Тернопольск муҗ, Украин улс, ЗХУ
Холвгддгнь	СССР
Цолнь	Улан әәрмин цергч
Дәәлснь/дәнь	Төрскән Харсгч Аһу ик дән
Шаңнлнь	Шаблон:Ленинә одн

Аким Гаврилович Метяшкин (1897 җилин июнь сарин 24, Теңгин цергин бүс, Бараники селән — 1944 җилин апрель сарин 5, Украин, Тернополин муҗ, Борщёвск района Мельница-Подольская селән) — Төрскән Харсгч Аһу ик дәәнә орлцач, 5-гч цоклтын әәрмин Севскин 60-гч халтын дивизин 1281-гч әңгин 1-гч бууһин батальона пулемётч, Улан әәрмин цергч. ЗХУ-ин баатр (1943 җ.).

Намтрнь

Аким Митяшкин 1897 җилин июнь сарин 24-нд Теңгин хазгудын бүсин Бараники селәнд (өдгә цагт Ростов муҗин Сальскин район) төрҗ һарв.

1935 җилд өрк бүләрн тедн Бараники селәнәс Эсто-Хагинка (өдгә цагт Яшлт селән) селәнүр нүүҗ ирцхәв. «Коммунизмин хаалһ» гидг һар-үүлдврин артельд ишкә һутл урлх мергҗлтн болҗ көдлҗ бәәв.

1942 җилд Улан әәрмд мордв. Тер 5-гч чочрлын әәрмин бүтцд Сталинградын дәәнд орлцҗ, Ростов-на-Дону балһсна барун таласнь дәәлҗ бәәв. Дарунь тер Хөөт Кавказин дәәнд орлцҗ, һурвн дәкҗ шавтҗ. Эмнлгин дару эннь фронтд хәрҗ ирәд Курскин тоха деер болсн ноолданд орлцв.

Эннь Днеприн дәәнд эврә эр зөргин йовдлыг күцәв. Митяшкинә тускар һардачин тәәлврт иигҗ бичәтә:

Митяшкин А. Г., 1897 җилд төрсн, эңгин цергч, 1281-гч полкин 60-гч Севскин буута дивизин негдгч батальона пулемётч, орс, нам уга. 1943 җилин ноябрь сарин 18-нә сө Днеприг һатлҗ бәәхдән А. Г. Митяшкин белкүсцә киитн уснд зогсҗ бәәһәд, цергин әңг болн сум оңһц деер цаг-цагтнь ачад, туслҗ өгв. Бывалки селәнә төлә ноолдана цагт эннь хамгин түрүнд дәвртлд орҗ, дәәчнриг дахулад, һурвн фашистиг алв. Дарунь дәәснә сөрг дәврлтиг урвулҗ, эрвә үлгүрәрн дәәчнрт урм зөрг өгч, тедниг һардҗ, ноолданд дәкн хойр фашистиг уга кев. Бывалки селәнә төлә болсн ноолдана цагт эннь хамгин түрүнд дәврлтд орҗ, бүкл бүтн ротыг дахулад удрдҗ бәәв.

Дарунь Украинын 3-гч фронтын нег кесг болх 5-гч чочрлын әәрм барун эргин Украиныг сулдхв. Мельница-Подольская селәнә төлә күнд ноолданд Аким Гаврилович Митяшкин әмнәсн хаһцв. Терүг 1944 җилин апрель сарин 5-нд Тернополь муҗин Борщёвск района Гермаковка селәнд оршагдв.

Талдан сурвлҗин медәһәр терүг мөн тер района Мельница-Подольская селәнд оршаһад, селәнә төвин цецрлгт Мельница-Подольская селәг сулдхх ноолданд әмән үрәсн Зөвллтин цергүдин булш чолун дор −290 цергч, серант, офицермщд бәәнә. Булш деер һурвн хар зогса хавтха һантьг чолун, һолднь «Энд ЗХУ-ин баатр, эңгин цергч Аким Гаврилович Митяшкин болн офицермуд оршагдв» гидг бичәсн бәәнә.

Өрк-бүлнь

• Гергнь — Акулина Михайловна.
• Ик көвүнь Иван (Астрахань цергин сурһулин курсант) тусха закан-даалһвр күцәҗ бәәхдән Яшкуль селәнә өөр насан барҗ.
• Дундк көвүнь Василий 1945 җилин январь сарин 27-нд Одер һол цаад Опальня селәнә өөр болсн дәәнә ноолданд әмнәсн хаһцв.
• Аким Гавриловичин бичкн көвүнь менингит гемәр гемтәд, өңгрҗ одв.