Попов, Фёдор Григорьевич
| Фёдор Григорьевич Попов | ||||||
|---|---|---|---|---|---|---|
| Бичкн зургиг үүскхд эндү һарла: Өңгц зургиг одх һазрт хадһлх болмҗ уга | ||||||
| Төрсн җил өдрнь | 1912 җилин февраль сарин 17 | |||||
| Төрсн һазрнь | Янушевка селән, Ставрополин муҗ, Орс хаата улс; өдгә цагт Первомайское селән, Ипатовск район, Ставрополь кизәр | |||||
| Нас барсн җил өдрнь | 1945 җилин январь сарин 4 | |||||
| Нас барсн һазрнь | Галша, Чехословак улс | |||||
| Холвгддгнь |
 СССР |
|||||
| Цергин салврнь | йовһн церг | |||||
| Церглсн җилмүднь | 1942—1945 | |||||
| Цолнь | ах лейтенант | |||||
| Цергин әңгнь | 759-гч хадг полк 163-гч хадг дивизь | |||||
| Командовал | хадг рот | |||||
| Дәәлснь/дәнь | Төрскән Харсгч Аһу Ик дән | |||||
| Шаңнлнь |
|
|||||
Фёдор Григорьевич Попов (1912 җилин февраль сарин 17, Янушевка селән (өдгә цагин Ставрополь кизәр, Ипатовск района Первомайское селән) — 1945 җилин январь сарин 4, Галша, Чехословак улс) — ах лейтенант, 163-гч хадг дивизин, 759 хадг бух цергин 9-гч хадг ротын ахлгч, Төрскән Харсгч Аһу Ик дәәнә орлцач, ЗХУ-ин Баатр.
Намтрнь
Фёдор Григорьевич Попов Ставрополь муҗин Янушевка (өдгә цагт Ставрополь кизәрин Ипатовск района Первомайское селән) селәнд төрҗ һарв. 1937 җилд сурһулян төгсәһәд, Бәәшңгтән көдә аҗ-ахуһин техникумыг төгсәв. Төрскән Харсгч Аһу Ик дәәнә өмн Халмгин АССР-ин Баһ Дөрвдин улст зоотехникч болҗ көдләд бәәҗ.
1942 җилд церг-улс төрин сурһулиг төгсәһәд, мөн җилин август сард дәәнд илгәгдв.
Фёдор Попов 1945 җилин январь сарин 4-нд Чехословак улст әмнәсн хаһцҗ, Галша селәнә оршалһин һазрт оршагдв.
Баатр йовдлнь
1944 җилин сентябрь сарин 14-әс авн 21 күртл Румын улсин Пояна гидг селәнә өөр ноолдж бәәв. Һудмҗин бәәлдәнд Маҗарин 20 шаху салдсиг алсна дарунь һол һатлҗ, эсрг талын эрг деерк өндрлгиг эзлҗ. Дәәсн долан хонгин туршт эн өндрлгиг бүслн авхиг орлдсн болад, олн дәкҗ дәврәд бәәв. Эзлсн өндрлгиг харсх цагт Фёдор Поповин ротнь зу шаху дәәсиг уга болһв. Амҗлт уга йовһн цергин дәврлһнә дарунь дәәснмүд Зөвллтин цергин эсрг танк илгәв. Сентябрь сарин 17-18-д Фёдор Поповин ротнь олн танкин дәврлтиг хәрү цоксмн. Сентябрь сарин 19-д дәәсн дәкн дәврҗ, 10 танкиг өндрлг тал илгәв. Фёдор Попов эврән хойр танкиг цокҗ, тедниг көдлдго болһв. Эн өдр дәәснә 60 салдснь әмән алдҗ, 9 дәврлһнь хәрү цокгдв. Сентябрь сарин 21-д Фёдор Попов шавтсн болв чигн, дәәснә эцсин цухрлт күртл ноолдад бәәв.
Шаңнлнь
- «Алтн Одн» медаль (1945 җилин март сарин 24);
- Ленинә Одн;
- Улан Тугин Одн;
- 1 зергин Төрскән Харсгч дәәнә Одн;
- 2 зергин Төрскән Харсгч дәәнә Одн.
Дурсмҗ
- Элст балһсндк Баатрмудын һудмҗ гидг дурсхлын цогцлврт Фёдора Григорьевич Поповин дурсхлын самбр бәәдмн.
- Городовиковск балһсна нег һудмҗнь Поповин нертә болдмн. Бас 1967 җилд Фёдор Григорьевичин 55 җилин өөнд зөрүлҗ, Хальмг ик сурһулин филиал болсн Ф.Поповин нертә Бәәшңтән коллеҗд Архивная копия от 25 март сарин 2022 на Wayback Machine баатрин нериг өгч.
- Якутск балһсна нег һудмҗнь үүнә нертә болдмн. Эн һудмҗд бәәдг 20-гч тойгта дунд сурһуль чигн Поповин нертә болдмн.
Сурвлҗ
- Леонид Шейнман. Фёдор Григорьевич Попов (рус.). Сайт «Герои страны». Дата обращения: 26 Туула сарин 2015.
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
- Трембач И. С. Высота 381: о Герое Советского Союза Ф. Г. Попове // Дорогой подвигов: очерки. — Элиста: Калмиздат, 1963. — С. 117—126. — 184 с.
- Юрьев И. В памяти — вечно: о Ф. Г. Попове, очерк // Звёзды над степью: очерки о Героях Советского Союза. — Элиста: Калмиздат, 1975. — С. 186—193. — 254 с.
- Ф. Г. Попов: фото/ Наши земляки — Герои Советского Союза, комплект из 21 фоторепродукций, Элиста, 1975, Репродукция 16.
- Федор Григорьевич Попов: биографические данные/ Наши земляки — Герои Советского Союза, комплект из 22 буклетов, Элиста, 1985, буклет 17.