Пяткин, Георгий Яковлевич

Георгий Яковлевич Пяткин
Төрсн җил өдрнь	1908 җилин апрель сарин 19
Төрсн һазрнь	Плодовитое селән, өдгә цагин Черноярск район, Астрахань муҗ
Нас барсн җил өдрнь	1963 җилин март сарин 20
Нас барсн һазрнь	Смела, Черкасск муҗ, Украинә ССР, ЗХУ
Холвгддгнь	СССР
Цергин салврнь	товин церг
Церглсн җилмүднь	1930—1954
Цолнь
Командовал	1031-гч товин бух церг
Дәәлснь/дәнь	Зөвллт-финнын дән, Төрскән Харсгч Аһу Ик дән
Шаңнлнь
Теткврт бәәснь	ДОСААФ-ин багш

Пяткин, Георгий Яковлевич (1908 җилин апрель сарин 19 - 1963 җилин март сарин 20) — Зөвллт-Финляндин болн Төрскән Харсгч Аһу ик дәәнә орлцач, Воронежин һал маңнан 27-гч әәрмин 100-гч буудлһна дивизин 1031-гч артиллерин диглмин һардач, хошуч. ЗХУ-ин Баатр.

Намтрнь

Георгий Пяткин Плодовитое (одаһин Астрахань муҗин Яңхлын район) селәнд тәрәчин өрк-бүлд төрҗ. Дунд сурһулян төгсәһәд, Теңгин Ростовдк үүлдврт кесг хуһцанд көдлсмн. 1930 җилд, 22 настадан, Улан Әәрмд цергин алв хааҗ эклҗ. Киевин артиллерин сурһульд сурлцҗ, дарунь 1936 җилд Улан Әәрмин һардлһна штабин мергҗл гүүдүлх сурһлт төгсәв.

1939 җилд ЗХУ-ин цергүдин Барун Украин, Барун Цаһан Орс тал аялснд, дарунь 1939-1940 җилмүдин Зөвллт-Финлядин дәәнә йовудт болсн бәәлдәнмүдт орлцв.

1941 җилин июнь сарас авн Төрскән Харгсч Аһу ик дәәнд орлцҗ бәәв. 1942 җилд Эв Хамтын намд орсмн. 1943 җилин октябрь сард дивизән Днеприг һатлулх цагтнь бусдас йилһрҗ. Днепр мүрнә барун эргәс ик бууһин һалыг тохрулҗ, дәәснә буудлһин цегмүдиг дарҗ чадсн төләдән йовһн цергүд Букринә тагтын һарцын талвңгин аһуг икдүлҗ, 5 дууна һазрт өмәрән күрч чадҗ. Ут тоодан 1943 җилин довтллһна туллдана цагтнь Георгий Яковлевичин диглм олн нацистмуд, дәәснә зевсг, техникиг чигн устхад, дәәснә сөрг довтллһиг олн дәкҗ күцәмҗтәһәр хәрү цокҗ чадсмн.

Темдглл

Ном-зү

• Республика Калмыкия. Календарь знаменательных дат на 2013 год, стр. 24.

Холвас

Георгий Яковлевич Пяткин (рус.). Сайт «Герои страны».