Санср (үндсни төсв)
| «Санср» нерлһтә Үндсни төсв | |
|---|---|
 | |
| Учрнь | Әрәсән йирңкәлгч Владимир Путина Заавр |
| Хохргчнрнь | |
| Һарунь | 4,5 дуңшур арслң |
«Санср» нерлһтә Үндсни төсвиг Әрәсән йирңкәлгч Владимир Путина Зааврар 2025 җилд үүдәсмн[1]. Сансрт Әрәсән төгрг замин барана баг-ниицә тогталһна керг болн тер дунд сансрин төгрг замин өртәнә кергүдин зураг дигләд, сансрт залһлдана эв-арһ делгрүлҗ, ядерин аһу ик шүрүтә энергетикин демәр үүлддг көдлгәчиг демнҗ, Спектр-РГ дамшлтта сансрин тодрха шинҗллт күцәҗ, сансрт көдлдг улс белдх шиидврмүд батлгдсмн[2].
Тууҗнь
Н. Э. Баумана нертә Москван техникин Университетд 2025 җилин апрель сарин 16-д сансрин делгрлтин төрәр селвлцән давв. Терүнд «Санср» нерәдлһтә Үндсни төсв бүрдәх кергтә, гиж Владимир Путин зәрлг болсмн:
…тогтсн тууҗин дараһар, мана Нутг сансриг хамгин түрүн болҗ шинҗлҗ авсн нерән деедшләд, эн кергиг урмдулх зөвтәвидн[2].
Әрәсән йирңкәлгчин келсәр, үндсни төсвин йовудт сансрин төрәр күцәх түргн кергүд болв чигн, өмнк-хөөтк хамг кергүдиг диглҗ оргдх зөвтә:
- сансрт Әрәсән төгрг замин олн барата баг-ниицә болн өртән тогталһн;
- керг болн тер дунд сансрин төгрг замин өртәнә кергүдин зураг диглх;
- сансрт залһлдана эв-арһ делгрүлҗ, ядерин аһу ик шүрүтә энергетикин демәр үүлддг көдлгәчиг демнх;
- сансрт көдлдг «Энергетикин аца зөөдг көлг» үүдәх керг;
- хол сансрин ууҗмиг өргн шинҗллһнә көдлмш;
- «Спектр-РГ» теңгр болн оһтрһу шинҗлдг номин бәәрнд хурсн тоотар Сансрин тодрха зураг тогтах керг[2].
Үндсни төсвин хамг күцәгдх кергүд экономикин делгрлтд болн олн-әмтнә бәәдлд тус күргх чинртә болх зовтә, гиҗ темдглгдҗәнә[2].
Эн төсвин мөңнә тетквриг 2026-гч болн ирх җилмүдин федеральн бюджетд зуралчксмн[2].
Мөңгнә тетквр
2025 жилин май сарла Әрәсән правительствин зуралсар, Үндсни төсвиг 2028-гч җил күртл теткхин төлә 1 дуңшур арслң орулҗана, 2036 җил күртл — 4,5 дуңшур шаху арслң[3].
Федеральн чинртә төсвмүд
«Санср» нарлһтә үндсни төсвин ханьд орсн шиидврмүд дунд:
- «Сансрин барата баг-ниицән| зәңгллһнә эв-арһсин хамцу делгрүллһн»;
- «Өмәрән улм үүдх сансрин эв-арһс»;
- «Әрәсән ядерин эв-арһсиг делгрүллһн»[4].
Ашнь
Үндсни төсвиг белдсн цагт авсн шиидврмүд дунд:
- 2030 җил күртл сансрин төгрг замин өртәнә багмудыг 1,2 миңһ күргх шиидвр;
- җил болһн тәвн зурһад шаху космодром бүрдәх шиидвр;
- 2027 җилд Әрәсән төгрг замин өртәниг тосхх шиидвр;
- 2030 җил күртл сансрин төрәр көдлдг улсин тоог 40 миңһ күргх шиидвр;
- көдлмшин дамшлтыг 1,5 күргҗ өскх шиидвр[4].
Темдглл
- ↑ Путин анонсировал скорое утверждение нового нацпроекта по космосу - Газета.Ru | Новости, Газета.Ru (16.04.2025). Дата обращения: 17 Мөрн сарин 2025.
- ↑ 1 2 3 4 5 Совещание по вопросам развития космической деятельности, Президент России (16.04.2025). Дата обращения: 17 Мөрн сарин 2025.
- ↑ Новости. Михаил Мишустин: в доработанный нацпроект по космосу войдут прорывные направления. www.roscosmos.ru (20 Хөн сарин 2025). Дата обращения: 21 Хөн сарин 2025.
- ↑ 1 2 Михаил Мишустин провёл стратегическую сессию по национальному проекту «Развитие космической деятельности Российской Федерации на период до 2030 года и перспективу до 2036 года» (рус.). government.ru (13 Ноха сарин 2024). Дата обращения: 17 Мөрн сарин 2025.