Цогт Өлмән уул
| Цогт Өлмән уул | |
|---|---|
| сингальск. සමනළ කන්ද, там. சிவனொளி பாதமலை | |
 Уулын өрүни бәәдл. 2005 җилин сентябрь сарин 22. | |
| Хамгин өндрин цег | |
| Абсолютная высота | 2243 м |
| Расположение | |
| 06°48′41″ с. ш. 80°29′59″ в. д.GЯO | |
| Орн-нутг | |
| Регион | Сабарагамува |
| Горная система | Саманала |
 Медиафайлы на РУВИКИ.Медиа | |
Цогт Өлмән уул[1] (синг. ශ්රීපාද — Шрипада, синг. සමනළ කන්ද — Саманалаканда, там. சிவனொளி பாதமலை — Сиванолипатха Малай; орс. Адмов пик) — Шри-Лаңка арл деерк уул. Сиңһал келнәс орчулхла, эрвәкәтә уул гисн утхта болна. Эннь болхла, Шри-Лаңка арлын барун кесгт, өмн кесгин Конда-Уда уулрхг бүсд оршх 2243 метр өндр[2] уулыг арабуд болн европчуд иигҗ нерләд бәәҗ. Коломбо нертә арлын хотл балһснас зүүн-зүүн өмәрән йовхла, 65 км зәәд бәәдг[3].
Бурхна шаҗна сүзгтнр эн уулыг арүн гиҗ үздг[3]. Түүнә ора деер нүцкн, үрҗл-шим уга хад чолун тәвцң деер 21 м ут, 10 м. өргн, 1 м. өндр эрсәр күрәлгдсн, һолднь бичкн задһа сүм боссн орн-зә бәәнә[3]. Эн сүмин дор негн цулвур хад деер «Цогт Өлмә» (Шри-Пада) эс гиҗ Бурхн багшин «өлмән мөр» үзҗ болх болад, эннь күүнә күчн-чирмәләр көлин өлмән кевтә болсн хоңхр болна[3]. Өлмән ирмгиг алтн күрәһәр күрәлҗ, үнтә чолуһар чимглсн бәәнә[3]. Уул деер һархнь неләд кецү болв чигн, җил болһн олн миңһн зуульч-мөргүлчнр болн айллчнр һарад мөргүл кеҗ авдг[3].
Бурхн багш арлд залрҗ ирх цагт эн уулын ора деер һарч, көләрн һазрт күрв гидг домг бәәдг. Хинду шаҗн болн Исламын шаҗнд Цогт Өлмән уулыг мөн әрүн гиҗ үздг. Хинду сүзгтнрин әрүн үздг учрнь — тедн Бурхн багшиг Вишну теңгрин хүвлһән (аватар) гиҗ иткдг. Исламин шаҗнд энүг Сарандиб арл деер, уулын орад таралңгас көөгдсн Адамын (түрүңк күүнә) өлмә гиҗ үздг. Уул деер мөн талдан сүм-киид, мөргүлин өргәс бәәдг.
Зургуднь
Цогт Өлмән уулын ора деерк сүм
Өр цәәх үйин уулын сүүдр
Уулын хаҗуд усн ундгнь
Тропикин хурын ө-шуһу уулын ташу деер
Цогт Өлмән уулын ораһас Маскелия нуурин бәәдл
Уулын хаҗуд бәәһә суврһн
Темдглл
- ↑ Южный Индостан, Шри-Ланка // Атлас мира / сост. и подгот. к изд. ПКО «Картография» в 1999 г. ; отв. ред. Т. Г. Новикова, Т. М. Воробьёва. — 3-е изд., стер., отпеч. в 2002 г. с диапоз. 1999 г. — М. : Роскартография, 2002. — С. 163. — ISBN 5-85120-055-3.
- ↑ Peakbagger.com (англ.). Дата обращения: 18 Хөн сарин 2014. Архивировано 18 Хөн сарин 2014 года.
- ↑ 1 2 3 4 5 6 Цогт Өлмән уул // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
 | |
|---|---|
| В библиографических каталогах |
|
