Шатрар 2006-гч җилин нарт-делкән чемпиона цолын төлә наадн
| Шатрар 2006-гч җилин нарт-делкән чемпиона цолын төлә наадн | |||||||||||||||
|---|---|---|---|---|---|---|---|---|---|---|---|---|---|---|---|
| Зәңг | |||||||||||||||
| Давсн ормнь |
 Элст |
||||||||||||||
| Давсн цаг-җил | Сентябрь сарин 23 — 2006 җилин октябрь сарин 13 | ||||||||||||||
| Орлцачнр | |||||||||||||||
|
|||||||||||||||
|
← классическ шатрар 2004-гч җилин Нарт-Делкән чемпионатын дииләч шатрар 2005-гч җилин ФИДЕ-н чемпионатын дииләч шатрар 2007-гч җилин Нарт-Делкән чемпионатын дииләч → |
|||||||||||||||
Шатрар 2006-гч җилин Нарт-Делкән чемпиона цолын төлә наадн (орс. Матч за звание чемпиона мира по шахматам 2006 года). Болгарин шатрч Веселин Топаловын болн Әрәсән шатрч Владимир Крамникин хоорнд 2006-гч җилин сентябрь сарин 23-с авн октябрь сарин 13 күртл Элстд болсмн. 1993 җилд Гарри Каспаров ФИДЕ-н ханьд орлго эврә Шатрин мергҗлин ассоциац (ПША) тогтасн цагас авн эн наадн эвцлһнә түрүн харһлт болсмн. Терүнә өмн шатрд Нарт-Делкән хойр чемпион бәәсмн. Эн нааднд Владимир Крамник — ПША-н Нарт-Делкән чемпион (эс гиҗ, йирин келдгәр, «классическ шатрар», яһад гихлә ПША бәәдгән уурсн цаг) — шатрар 2005-гч җилин ФИДЕ-н чемпион Веселин Топаловла харһҗ марһлдсмн.
Марһана йовудт цүүглдән болсмн, терүг хөөннь «мөрән үздг һазрин» керлдән гиҗ нерәдсмн: Крамникиг Топаловин багин улс мөрән үзсн цагтан электрон эв-арһар заавр авла, гиҗ муудхҗ. Тер учрар марһан цүүгәһәр төгсхдән өөрхн болсмн. Марһана һол әңгин 12 парть хәм аштаһар төгссмн, дарунь ахр цагин бүртклтә наадд болсмн. Аштнь 8½ : 7½ тоотаһар Владимир Крамник диилвр бәрсмн. Батлсн хәрлцәһәр, марһана дииләч Нарт-Делкән һалдм чемпиона цол зүүх бәәсмн, дарунь шатрар Нарт-Делкән марһасиг ФИДЕ давулх зөв авсмн.
Регламент
Регламентар дарандан дөрвн партин серий давулх бәәсмн. Дарани серий болхла түрүнкнь хәм ашар төгсхлә эклх бәәсмн. Дарани серий диилсн шатрч марһана дииләч болх бәәсмн.
- Төв серий — цагин бүртклтә 12 парть. #Шахматы|цагин классическ бүртклтә.
- Тай-брейк — түргн шатрин 4 парть.
- Блиц бүртклтә хойр парть.
- Чилгч парть. Йослл:
- Жеребьёвкт диилсн шатрч шатрин зүс шүүҗ авх зөвтә.
- Нег блиц-парть наадгдна, терүнд цаһан зүстә кев-кец 6 минут авна, хар зүстә — 5 минут, немр цаг уга.
- Хәм аштаһар төгссн цагт хар зүстә кев-кецәр наадсн шатрч дииләч болх.
Марһана йовуд
Түрүн партьс
Түрүн партьд Әрәсән гроссмейстер Крамник диилвю Дебютд невчкн өмн һарсн болв чигн, Крамник цаараннь буру һарһад ард һарсмн. Болв, дарунь Топалов ик буру һарһад диилгдсмн. Хойрдгч партиг Крамник диилсмн. Дебютар йилһән сән ормд һарад, Крамник ик буру һарһсн бийнь, наадан һоолад авсмн. Хойрдад бурудсн Крамникиг Топалов диилх болмҗта бәәсмн. Зуг Болгарин шатрч тер болмҗан олзлҗ чадсн уга. Терүнә ормд дәврәд йовад, буру һарһсн кемд терүг Крамник диилв. Һурвдгч партьд, хөөннь компьютерин шинҗллт кесн болв чигн, Крамник диилҗ чадхан медсн бийнь, өрвәд наадад бәәвв. Аштнь — хәмәр төгсв. Дөрвдгч парть күнд болв, хойр шатрчнр әдләр наадв, тер учрар хәм аштаһар төгссмн.
«Мөрән үзх һазрин цүүлһн»
Цаараннь болсн наадна йовудиг цүүглдән хутхв. Терүг зәңгллһнә эв-арһс «мөрән үзх һазрин цүүлһн» гиҗ нерәдсмн: Топаловин багин улс Крамникиг дарандан болн удандан мөрән үзхәр йовна — тер һанцхн ормд зург цокдг эв-арһ уга, гиҗ Апелляцин хүүвд цаас орулна. Топаловин менеджер Сильвио Данаилов Крамникиг компьютерас заавр авсн болх, гисн санан медүлв. Зуг терүг шалһдг арһ уга болв. Тер учрар мөрән үздг, амрдг ормиг шинҗләд хәләһәд, буру эс олгдснас, наадиг цаараннь давулсмн. Тер цүүгәнә йовдл кесг улст таасгдсн уга (олн меддгәр, Крамник бийнь тас уга болад, кесгтән марһасд орлго бәәсмн), Данаилов зөв угаһар Крамникин амрлһна хораһас үзлвр зургсиг авсн бәәҗ, терүг Апелляцин комитетын гешүд, ФИДЕ-н вице-президентнр Макропулос болн Азмайпарашвили үзүлх зөв өгсн бәәҗ[2], йосллар болхла тиим үзлвр зургсиг һанцхн ахлгч бодгч авч чадх зөвтә бәәсмн. Болв, апелляциг тосҗ авад, хәләсмн. Апелляцин комитет зәңглсәр, болгарин баг буру тоолвр бичәд, Крамникд му нер өгсмн. Тер учрар, салу мөрән үздг һазриг хааһад, нег олна мөрән үздг һазриг үлдәсмн (тернь күүкд улсин мөр үздг һазр бәәҗ). Тиим цүгләнд Владимир Крамник өөләд, дарани тавдгч партьд ирсн уга. Тер мет диилгдсн темдг авсмн. Крамник Апелляцин комитетиг муудхад, гешүдиг сольтха, мөрән үздг һазриг сектхә, тавдгч партин диилгдсн очког хәрү өгтхә, гисн седвәрән зәңглсмн. Марһана йовуд цаараннь болшго бәәдл тогтв. ФИДЕ-н йирңкәлгч, Хальмг Таңһчин йирңкәлгч Үлмҗин Кирсан тер саамд Әрәсән Өмн үзгин федеральн округин толһачнрин селвлцәнәс һарад, Элстүр нисҗ ирсмн. Һурвн талас күүндврин йовудт болгарин баг Крамникин түрүнк хойр седвәриг зөвләд, һурвдгчнь хәрү цоксмн. Хойр шатрчнрас зөвән өгснднь Үлмҗин Кирсан Хальмгин Баатрин нер зүүх үгән өгсн бийнь, тедн зөвән өгсн уга. Тиигәд, Үлмҗин Кирсан эврән шиидвр авх зөвтә болсмн. Красникин баг тавдгч наадна ашар диилгдснә темдгиг хәрүлх апелляциг цаглань (хойр часин алднд) эс орулсн учрар, Топаловд зөв өгсмн. Крамникин седвәрәр сольгдсн Апелляцин комитетын шин тогтац, Топаловд тавдгч наадна дииләчин очког үлдәсмн. Тер мет, Апелляцин комитетын шин тогтац сөрүцлһиг авсн бийнь, түрүнк тогтацин шиидвриг марһана регламентин йосллар хәрүлҗ чадсн уга. Крамник марһаг цаараннь давулв, зуг Топалов диилсн цагт терүг чемпион гиҗ тоолшгоһан медүләд, ФИДЕ-г зарһд орулх үгән өгсмн. Крамникиг Василий Смыслов, Анатолий Карпов хойр болн кесг шинҗләчнр демҗсмн. Кесг улсин тоолврар, Крамникиг муудхсн йовдл учр уга, хоосн болв, яһад гихлә хойрдгч партьд тәвсн хойр ишкдлин мат — ямр болв чигн шатрин көтлвр агчмин зуур олад авдг мөн. Терүн деер Элстд марһана өмн компьютерин заавр учрхин йовдлмудиг урдсмн. Дәкәд Үлмҗин Кирсана тодлврар, бучмд Крамник ФИДЕ-г зарһд орулх йовдл күцәмҗ уга болх.
Марһан цаараннь давв, зуг Топалов Крамник хойр тус тустан пресс-конференц давулад, Топалов келсмн: «Крамникта нәәҗнр болсн бәәдл үзүлх седкл угавдн». Топаловин менеджер седкүлчнрт Крамникин ишкдлмүдин то цәәлһҗ өгсмн, тернь олнд тааста «Fritz 9» көтлвртә ирлцсмн. Темдглхд соньн, хамгин ик процент — 87 % ирлцснь — дигтә тер хойрдгч партьд туссмн, терүнд хойр шатрчнр мат үзлго цөөкн буру үзүлсмн. Крамникин мендеджер Карстен Хензель хәрү өгсн цагтан, Топаловин баг худлахвр муутхкан хәәсн цагтан, Крамникин амрлһна хорад эс гиҗ мөрән үздг һазртнь электрон эв-арһ хайх, гиҗ келсмн[3]. Топалов болхла гемән сурад, Крамникиг нань му йовдл һарһҗ гиҗ муудхшго үг өгсмн.
Марһана цаараннь болсн йовуд
Зурһадгч партьд Крамник, хар кев-кецәр наадад, нәәмдгч ишкдлдән славянскин харслтын ишкдл кенә Топалов удандан ухалад наадсна хөөн 18-гч ишкдлд әдл бәәдл тогтавв, тиигәд наадн хәм аштаһар төгссмн. Доладгч парть бас зәрм ашар төгсв — Топалов сән бәәдлд орад дәврсн бийнь, Крамникиг дарҗ чадсн уга. Нәәмдгч партьд Крамник шүүгдв — 37-гч ишкдлдән буру һарһад, Топаловин дәврлһнд туссмн. Тер партин хөөн то һоорад — хойраднь хошад диилвр болв (Топаловд — нег техническ). Йисдгч партиг Топалов шүүһәд авсмн, эн славянскин харслтын шин зурач олзлна. Крамник тер кемд цөөкн буру һарһад 18-гч ишкдлин дару диилгдх бәәсмн. Болв 39-гч ишкдл күртл наадгдв. Йисдгч партьд диилгдәд, Крамник эн марһанд түрүн шүүгдсмн. Хәләһәчнр тер цүүгәнә дару энүг муурсна тускар келцхав. Зуг, арвдгч партьд Әрәсән гроссмейстер тоог әдлүлсмн: 24-гч ишкдлд Топалов генткн ик буру ишкдл «өвшәлһн» кеһәд, диилгдсән медв. Болв, нәәлврән геелго, Крамникиг дала цаг гееснәс иштә, цейтнотд орад буру һарһвзго гиһәд, Топалов цаараннь наадад, 43-гч ишкдлд диилгдв. 11-гч партьд Топалов, цаһан кев-кецәр наадад, славянскин харслтын дебютын шинрлт олзлв. Зуг Крамник, харслтын йовудтан 30-гч ишкдлдән зөвәр сән бәәдлд тусв. Тер мет, хәм ашар төгсв. Крамникин келсәр, «наадна йовудын әдл бәәдләр хәм аштаһар төгсхнь медгдв». 12-гч парть 47-гч ишкдлд хәм ашар төгсв. Хойр шатрчнр әдләр наадад, хоюрн буру һарһсн уга. Тер мет, ода чигн дииләч медгдсн уга: 3 диилвр Крамникд, 3 — Топаловд (негнь техническ) болн 6 хәм аш. Регламентар тай-брейк болад, терүнд Крамник диилвр бәрсмн. Әрәсән гроссмейстер хойр партьд диилвр бәрсмн, Топалов — негиг, нег наадн хәм аштаһар төгссмн.
Ашнь
Һол цикл
| № | Цаг җил | Крамник | Топалов | То |
|---|---|---|---|---|
| 1 | 23.09 | 1 | 0 | 1:0 |
| 2 | 24.09 | 1 | 0 | 2:0 |
| 3 | 26.09 | ½ | ½ | 2½:½ |
| 4 | 27.09 | ½ | ½ | 3:1 |
| 5 | 29.09 | 0 | 1 | 3:2 |
| 6 | 2.10 | ½ | ½ | 3½:2½ |
| 7 | 4.10 | ½ | ½ | 4:3 |
| 8 | 5.10 | 0 | 1 | 4:4 |
| 9 | 7.10 | 0 | 1 | 4:5 |
| 10 | 8.10 | 1 | 0 | 5:5 |
| 11 | 10.10 | ½ | ½ | 5½:5½ |
| 12 | 12.10 | ½ | ½ | 6:6 |
Тай-брейк
| № | Крамник | Топалов | То |
|---|---|---|---|
| 13 | ½ | ½ | ½:½ |
| 14 | 1 | 0 | 1½:½ |
| 15 | 0 | 1 | 1½:1½ |
| 16 | 1 | 0 | 2½:1½ |
Аш
Түрүн ашнь — Нарт-Делкән шатрин 13 җилин «давхр эзлтин» цаг төгсәд, һанцхн нег һалдм чемпиона нериг йилһв. Шинҗләчнрин тоолврар, Крамникин диилвр тарсн хойр әңгиг негдүлҗ чадв, Топалов диилсн болхла, марһана йовудт учрсн цүүглдәнә хөөн болн дарунь техническин диилврәр очко авсн йовлмудас иштә терүнә диилвр күцц гиҗ тоолгдшго билә.
Марһана йовудын туск төриг әмтн олар хаһлцхав. Хойр чемпион шатрчнр эн марһанд хамгин олн буру һарһсн йовдлд алң болцхав. Тер дотр ик буру һарһцхав. Өөдән чинртә марһанд орлцсндан үүмлдәд бәәснь маһд уга. Дәкәд болхла урднь үзшго бурусиг компьютерин шалһан олар олна. Владимир Крамник эн марһаһан иигҗ шалһсмн:
Шатрин титм Әрәсәд үлдснд икәр барлҗанав. Нанд болхла Каспаровиг диилснлә әдл болв, шатрин тууҗд Нарт-Делкән чемпиона цол һурв дәкҗ эзлсн ховр. Би терүн деерән зогсх санан угав. Эн марһанд тогтсн үүмәтә бәәдлиг мейәркгчин баг татсна хөөн диилвр бәрх кергтә болв. … эн марһан үүмәтә, амр биш болв. … 12 партьсин туршт нег чигн йоста цейтнот болсн уга. Тер йовдл урдас болхнь ик күсл. … Эн марһан шатрин өдгә цагин девшлтд ик йовуд өгчәнә. … Шатрт дурта улс ик байрта бәәх, гиҗ санҗанав![4]
Ашлгч пресс-конференцд Топалов «Крамникд диилгднә гидг ичр уга», хоюрн әдл белдвртә болсиг болн Крамник онц зура уга ирснь үзсән келв, болв, Крамник «нанас ик болмҗс олхлҗ чадв», гиҗ темдглв. Үлмҗин Кирсан марһана тускар иигҗ келсмн:
… шатрар Нарт-Делкән чемпиона цолын төлә дөрлдәнә тууҗд эн марһан хамгин үзмҗтә, халута, өршәңһү уга догшн болв… Күцәмҗәрнь хәләхлә — урднь иим наадн нанд тодлгдхш… ФИДЕ-н йирңкәлгчин нерн деерәс, шатрин тууҗд, шатрт дурта кесг сай улст ик омг болсн йовдлнь темдглсв — давхр йоста 13 җилин хөөн, шатрин тууҗд һанцхн нег чемпион хәрү ирв. … Эн хойр шатрчнр наадснд икәр барлҗанав, ахр хәм аштаһар төгссмн парть эс болснд барлҗанав. Парть болһнд Крамник болв чигн, Топалов болв чигн, диилвр күртл дөрлдв. … Ахр партьс соньн болад, кесг сай шатрт дурта улсин седкл хаңһав.
Дарунь болсн йовдлмуд
Эс болсн матч-реванш
Марһана дару Топалов матч-реванш давулх седвәрән зәңглв. Терүнә келсәр, тер наадн 2007 -гч җилд София балһснд болх бәәсмн. ФИДЕ-н йосллар, 2700 рейтингта гроссмейстер чемпионатас 6 сар урд чемпионта дөрлдлх зөв авх чадврта, зуг тер шатрч призын көрңг деер немр 20 % ФИДЕ-н хазнд орулх зөвтә. Тер цагт Нарт-Делкән чемпион зөвән эс өгхлә, ФИДЕ чемпиона нернь хәрүлҗ авх болна. 10 өдрин эргцд цаасан орулх седвәриг Данаилов ноябрь сарин 30-д зәңглв. Владимир Крамник интервьюд матч-реваншин тускар келхләрн, Топалов бийдән оньг татх күсл, гисн ухаһан медүлв. Крамник интервью өгсн кемд Топаловас тиим зәңг ирәд уга, гиҗ темдглсмн. Шатрин халхар онц ценгтә болв чигн, Топаловта нань наадх седкл уга, гиҗ, Крамник келв:
Йоста ценгтә мейәркгчтә ик байртаһар наадх биләв, тернь Ананд болв чигн, Леко болв чигн болх билә. Кен болв чигн. Миниһәр болхла, нарт-делкән марһана зокалмудыг тодрхаллад авх кергтә. Уданар бәәх болдгар. Топалов шатрчта би наадх биләв. Топалов күнтә болхла харһх тас седкл угав. … Топалов — күчтә шатрч болн арһта мейәркгч. Иим дөрлдхн давтсн цагт Топаловын баг улм олар задллт үзүлхнь би медҗ бәәнәв. Элстд болсн Топаловын багин ичртә йовдлд дәкн орлцх седвәр уга. Би — шатрчв, шатр наадхдан дурта күмб, хаҗуднь бузр цүүглдәнд орлцх дурн угав. Тер учрар Топаловта наадх седвәр нанд уга.
Тиим болв чигн, 2006-гч җилин декабрь сарин 14-д ФИДЕ-д Топаловас цаасн ирәд, Крамник-Топалов хоорнд матч-реванш болх зәңг орв. Топаловин баг призын көрңгд 1,8 сай доллар орулх болад, дәкәд нааднд керглгдх һару болн алвиг даах болсмн. Марһаг Софияд 2007-гч җилин апрель сарин 12 — 30-д давулх болсмн. Топаловин баг марһаг Крамникин баг бүрткхиг зөвлсмн. Призын көрңгин хувалһн: 1 сай доллар дииләчд, 500 миңһн — диилгдснд, 300 миңһн — ФИДЕ-н хазнд. ФИДЕ Топаловас цаас орулҗ авсн уга, юңгад гихлә банксин батлвр уга болҗ — ФИДЕ Болгарин дөрвн банкла көдлдг бәәҗ, мел теднә батлврмуд йоста болҗана. Марһана Софиян оргкомитет тер дөрвн банкла хәрлцәс тогтасмн. Болгарин шатрин федерацин йирңкәлгч Стефан Сергиев зәңглсмн: «удл уга тер банксас зөв авхнь, маһд уга», болв, марһаг давулҗ болшго чигн, яһад гихлә «кергтә цаг давҗ одв».[5] 2007-гч җилин январь сарин 26-д марһан болшго зәңгиг ФИДЕ-н йирңкәлгчин хүүв зәңглв, учрнь — ФИДЕ-н зокалта ирлцсн уга, тиим марһаг давулхин төлә дарани нарт-делкән чемпионатын өмн 6 сар урдаснь болх зөвтә. Дарани Нарт-Делкән чемпионат 2007-гч җилин сентябрь сарин 12-т Мексикт болх бәәсмн. Тер мет, эн марһан 2007-гч җилин февраль сарин 23-д төгсх болҗ бәәсмн. Цаг давҗ одсн болв.
Цүүглһнә йовуд
Марһана кемд эклсн цүүглһн, керг-үүлдвр төгсснә хөөн цаараннь давв. Хөөннь, октябрь сарин 15-д София балһснд ирчкәд, Сильвио Данаилов седкүлчнрт келв: «Бидн күүнә һазрт бәәҗ, тедн диилхин төлә мадниг шахад бәәлә. Элстд мөрән үздг һазрт болсн цүүнлһнә тускар бидн тодрха кевәр бүкл дегтр бичх санатавдн, күләтн». 2006-гч җилин декабрь сарла испанин «ABC» седкүл Веселин Топаловин интервью барлҗ. Топалов саак Крамникиг муудхад, тер Әрәсән онц цергин омгар компьютерин заавр авла, гиҗ келв. Үлмҗин Кирсан болхла «деерәс заасн» учрар, Крамникиг татад, нөкд болла гиҗ темдглв. Топаловин келсәр, Крамникин мөрән үздг һазриг хәләсн цагт, ораднь сүлҗәнә кабель билә, зуг энүнә баг марһаг зогсашгоһар терүг заасн уга. Эс гиҗ Топалов призын мөңг өгшго гиҗ әәҗ, Әрәсәһәс бийнь һарһшго, гиҗ әәсн бәәҗ. Дәкәд болхла Топалов дораһур нуувчин әәлһлһ авад бәәсән темдглв.[6]. Үлмҗин Кирсан тер зәңгллһиг кемәлһәд, Топаловиг «акад» юм келснд алң болв. Терүнә келсәр, Топаловин багин әмтн Крамникин хорас шинҗлсн кемд ямр болв чигн темдгүдән зәңглх чадвртв билә; шүүҗ авсн мөңгиг эс авхан яһҗ әәх билә — тер мөңгн Швейцарийд банкар демнҗ өггднә, тиигчкәд нег әңгнь наадна урд Топаловд өгчксн билә. Дәкәд Топаловин баг болв чигн, цүүглдә татла, тер йовдл марһаг зогсачкн гилә. Тер учрар, тиим му цүүглдә эклсн улс яһад олҗ авсн бәрмтән нуух билә. ФИДЕ-н йирңкәлгчин селвгч Берик Балгабаев тер интервью үнн биш, гиҗ келв: «Миниһәр болхла, эн [Топалов] тер интервью өгсн уга билә, эс гиҗ буру орчуллһта». Крамникин менеджер подал в комиссию по этике ФИДЕ-н эш-йосна зөвллд орулад, Топаловин һарһҗах йовдлмудиг хәләҗ, шалһтха гиҗ, интервью үнн болхлаг, мергҗлнь тәәлх керг эклтхә гисмн. Топаловин мендеджер болхла терүнд хәрү өгсн цагтан, Крамникин баг тер мет ФИДЕ-д орулсн цаасар болх матч-реваншас зулҗана, гиҗ зәңглҗ[7]
Соньн партьс
Топалов — Крамник
| a | b | c | d | e | f | g | h | ||
|---|---|---|---|---|---|---|---|---|---|
| 8 |             | 8 | |||||||
| 7 | 7 | ||||||||
| 6 | 6 | ||||||||
| 5 | 5 | ||||||||
| 4 | 4 | ||||||||
| 3 | 3 | ||||||||
| 2 | 2 | ||||||||
| 1 | 1 | ||||||||
| a | b | c | d | e | f | g | h | ||
1. d4 d5 2. c4 c6 3. Кc3 Кf6 4. Кf3 dc 5. a4 Сf5 6. e3 e6 7. С:c4 Сb4 8. O-O Кbd7 9. Фe2 Сg6 10. e4 O-O 11. Сd3 Сh5 12. e5 Кd5 13. К:d5 cd 14. Фe3 Сg6 15. Кg5 Лe8 16. f4 С:d3 17. Ф:d3 f5 18. Сe3 Кf8 19. Крh1 Лc8 20. g4 Фd7 21. Лg1 Сe7 22. Кf3 Лc4 23. Лg2 fg 24. Л:g4 Л:a4 25. Лag1 g6 26. h4 Лb4 27. h5 Фb5 28. Фc2 Л:b2 29. hg h5 30. g7 hg 31. gfФ+ С:f8 (диаграмм хәлә)
32. Фg6+? (32 диилҗәсн кем. Л:g4+ Сg7 33. Фс7) Сg7 33. f5 Лe7 34. f6 Фe2 35. Ф:g4 Лf7 36. Лc1 Лc2 37. Л:c2 Фd1+ 38. Крg2 Ф:c2+ 39. Крg3 Фe4 40. Сf4 Фf5 41. Ф:f5 ef 42. Сg5 a5 43. Крf4 a4 44. Кр: f5 a3 45. Сc1 Сf8 46. e6 Лc7 47. С:a3 С:a3 48. Крe5 Лc1 49. Кg5 Лf1 50. e7 Лe1+ 51. Кр: d5 С:e7 52. fe Л:e7 53. Крd6 Лe1 54. d5 Крf8 55. Кe6+ Крe8 56. Кc7+ Крd8 57. Кe6+ Крc8 58. Крe7 Лh1 59. Кg5 b5 60. d6 Лd1 61. Кe6 b4 62. Кc5 Лe1+ 63. Крf6 Лe3, 0 : 1
Соньн бәрмтс
- Марһана урд Топаловин Эло-н рейтинг 2813 бәәсмн, Крамник болхла — 2743.
- Топаловин секундантнрин дунд ФИДЕ-Нарт-Делкән чемпион Руслан Пономарёв бәәсмн.
Темдглл
- ↑ 1 2 Top 100 - FIDE Rating Lists July 2006. FIDE. Дата обращения: 9 Лу сарин 2026.
- ↑ Дело сантехники. Статья о «туалетном скандале» на itogi.ru. Дата обращения: 26 Лу сарин 2026. Архивировано 16 Үкр сарин 2006 года.
- ↑ Заявление Хензеля. web.archive.org (27 Һаха сарин 2007). Дата обращения: 5 Лу сарин 2026.
- ↑ Интервью Крамника по окончании матча. web.archive.org (28 Һаха сарин 2007). Дата обращения: 5 Лу сарин 2026.
- ↑ Сообщение о подготовке матча-реванша. web.archive.org (29 Туула сарин 2007). Дата обращения: 5 Лу сарин 2026.
- ↑ Интервью Топалова ABC (на испанском). Дата обращения: 5 Лу сарин 2026. Архивировано 17 Туула сарин 2007 года.
- ↑ Статья на lenta.ru о продолжении конфликта. Дата обращения: 5 Лу сарин 2026. Архивировано 12 март сарин 2007 года.
| Шатрар нарт-делкән чемпиона цолын төлә наадд | |
|---|---|
| Хойр әңглхин өмн (1886—1990) |
|
| Шатрин мергҗлин ассамблейин (ПША) хүвлвәр (1993—2004) |
|
| ФИДЕ-н хүвлвәр (1993—2005) |
|
| Негдүлсн цол (2006-гя җиләс авн) |
|
