Һәрән Нимгрин Валентина

Һәрән Нимгрин Валентина
Һәрән Нимгрин Валентина
	;
Һол зәңгллһ
Бүрн нернь
Төрсн җил-өдрнь	1939 март сарин 8 (87 лет)
Төрсн һазрнь	Яшкуль[d], Хальмг Автономн Советск Социалистическ Республик, РСФСР[d], СССР[d];
Орн-нутгнь	СССР; Әрәсә, Орсин Холвана Улс
Мергҗлнь	дууч
Бүтәлч багнь	Хальмг ду-бииһин "Бамб цецг " шаңһа хамтлаг

Һәрән Нимгрин Валентина (орс. Валентина Нимгировна Гаряева; төрсн 1939 март сарин 8, Яшкуль^[d], Хальмг Автономн Советск Социалистическ Республик) — советскин болн Әрәсән дууч (меццо-сопрано), РСФСР-ин Ачта җөҗгч (29.01.1968), РСФСР-ин олн әмтнә җөҗгч (29.06.1979), Хальмг Таңһчин күндтә иргн (1994). Хальмг Таңһчин Баатр (2014).

Намтрнь

Һәрән Валентина олн үртә Нимгрә Оңкра Һәрән болн Леҗнә Харцхан Булһна өрк-бүлд төрсмн. Төрсн цагтнь эк-эцкнь март сарин нәәмнд төрсн учрар, «Нәәмн» гидг нер өгч, зуг һар цааснднь тосҗ авсн акушер күүкд күн Валентина гиҗ бичҗ^[1]. 1943-гч җилд цуг хальмгуд Сиврүр туугдсн цагт Валентина өрк-бүлтәһән Тюменин муҗин Ханты-Мансийскин округин Сургутскин района Сытомино селәнд тусҗ^[2].

Үүдәлтнь

Үүдәлтнь Сиврәс хәрҗ ирсн цагас авн эклнә. 1958-гч җилд Хальмг ду-бииһин "Бамб цецг " шаңһа хамтлагд дуучар көдлсмн. 1969-гч җилд Цугәрәсән театрин эстрадын урлң төгсәсмн^[2].

Һәрән Валентина хальмг улсин «ут дун» эв-арһиг делгрүлҗ йовх дууч. Олн җилдән хальмг улсин хуучна цагин утар татад дуулдг дуд энүнә концертмудыг кеерүләд йовна. Ода энүнә репертуард зун шаху олн-зүсн дуд бәәнә. 1978-гч җилд Һәрән Валентина Цугсоюзин болн Цугәрәсән келн-улсин дууһин дуучнрин марһана мөрәлч болла^[2].

Олна дунд ик алдршсн болв чигн, сурһульд орад йовсмн: 1979-гч җилд П.О Чонкушовин нертә Элстин билг-эрдмин колледж төгсәсмн, 1985-гч җилд — Хальмгин Ик сурһулин филологин факультет төгсәсмн.

Хальмг АССР-ин Деед Хүүвин 6-гч дуудврин элчнтн болсмн^[2].

Ачлврмуднь

1962-гч җилд «Хальмг АССР-ин Ачта җөҗгч».
1963-гч җилд СССР-ин сойлын Министерствин күндлһнә һашг.
1968-гч җилин январь сарин 29-д «РСФСР-ин Ачта җөҗгч».
1970-гч җилд «СССР болн МНР орн-нутгсин хоорндк нәәрмдлин» — «Нәәрмдл» медаль.
1971-гч җилд «Моңһл олн әмтнә зүвсхлин 50 җилин өөнин» медаль.
1972-гч җилд — Хальмг АССР-ин О. И. Городовиковин нертә шаңһа мөрә.
1979-гч җилин июнь сарин 29-д «РСФСР-ин олн әмтнә җөҗгч».
1987-гч җилд Келн-улсин нәәрмдлин Одн.
1998-гч җилд Әрәсән Федерацин сойлын Министерствин «Сойлд девшлт күрсн төләд»^[2].
1962-гч җилд Хальмг АССР-ин олн әмтнә җөҗгч.
2014-гч җилд Хальмг Таңһчин девшлтд болн хальмг келн-улсин билг-эрдмин делгрлтд ик тәвц орулсн төләд «Хальмгин Баатр» нер зүүсмн^[3].
2020-гч җилд олна ниигмин үүлдвр күцәсн төләд «Төрскндән һавья күргснә» одна II зергин медаль.

Темдглл

↑ Этот голос, звенящий как степь, Аргументы Калмыкии. Архивировано 18 Мөрн сарин 2014 года. Дата обращения: 2 Туула сарин 2026.
↑ ¹ ² ³ ⁴ ⁵ Гаряева Валентина Нимгировна (рус.). kalmykiatour.com. Дата обращения: 18 Туула сарин 2026.
↑ Указ № 170 «О присвоении высшей степени отличия — звания Героя Калмыкии» (неопр.). Дата обращения: 2 Туула сарин 2026. Архивировано 9 Үкр сарин 2018 года.

Холвас

Аргументы Калмыкии, № 11-12, 27 марта 2014 года.

[1] Этот голос, звенящий как степь, Аргументы Калмыкии. Архивировано 18 Мөрн сарин 2014 года. Дата обращения: 2 Туула сарин 2026.

[autogenerated1-2] ¹ ² ³ ⁴ ⁵ Гаряева Валентина Нимгировна (рус.). kalmykiatour.com. Дата обращения: 18 Туула сарин 2026.

[3] Указ № 170 «О присвоении высшей степени отличия — звания Героя Калмыкии» (неопр.). Дата обращения: 2 Туула сарин 2026. Архивировано 9 Үкр сарин 2018 года.

[1]

[2]

[3]