Әрәсән Федерацин школын хувцн
| Әрәсән Федерацин школын хувцн | |
|---|---|
| Әрәсән Федерацин школын хувцна шин бәәдл (август, 2025 җил) | |
.jpg) | |
| Олзлдг ормнь | Сурһулин бүрдәлң |
| Һарсн цагнь | 1992 |
| Һарсн ормнь |
 Әрәсә, Орсин Холвана Улс |
1994-гч җилд Әрәсәд нег бәрмҗәтә школын хувц өмсдгән уурла (1992-гч җилин июнь сарин 1 шинд хувц уйдг эдл-ахус хаагдла). 2013-гч җилин сентябрин 1 шинд школын хувцн шинәс эдлврт орулгдла, зуг терүг седвәрәр өмснә.
2025-гч җилин август сарла Эрдм-сурһулин Министерств школын хувцна Әрәсән шин бәрмҗән тогтаҗ һарһв. Оданас авн школын хувциг уйдг эдл-ахус (ГОСТ) бәрмҗәнәр күцәх зөвтә. Школын хувцна намба ке-төсүн болн эвтә-довта болх зөвтә. Иим бәрмҗән Әрәсәд шинәс орулгдҗана. Терүг дунд сурһулин бүрдәлңст көвүд-күүкд өмсх болна[1]. Эрдм-сурһулин Министерств эн хувциг цуг сурһулин бүрдәлңст нерәдв чигн, тедн эврә хәләцәр бийиннь сурһульчнртан санл болһҗ чадх, гиҗ тодлв[2].
Тууҗнь
Һол ниитлл:Школын хувцн Әрәсәд
Советин Союзин цагт тиим хувцн бәәвв чигн, Әрәсән Федерацт школын хувцна нег бәрмҗән орулгдад уга. Зуг зәрм сурһулин бүрдәлңс, лицей болн гимназь дунд сурһулиннь хувцна эврә намба орулдг йоста. Зәрм школмудт хувцна нег бәрмҗән уга болв чигн, зәрм классмудт эк-эцкнриннь седвәрәр цугтан әдл хувц өмснә (нурһлҗ эклц классмуд). Зәрм сурһулин бүрдәлңс школд өмсдг хувцна бәәдлиг тодлҗ батлна, тернь һольшг, төсүн болна. Советин йосна цага школын күүкдин хувцн болхла цаһан захта күрң бүшмүд цаһан элквчтә болдг бәәсмн, ода цага сурһульчнр тиим хувциг школын чилгчин нәәрт өмсдг болна.
Зуг зәрм школмудт тер советин йосна цага хувциг ода чигн өмснә, зәрмнь тиим хувциг 2000-гч жилмүдт хәрүлҗ авла (Набережные Челны балһсна лицей, Прохоровскин гимназь, болн Красноярскин, Уфан школмуд). 2022-гч жилд Сергей Кравцов нег намбата школын хувц орулх щиидвр зәңгллә, болв терүг школ болһн эврән бийдән щиңгәҗ чадх, гиҗ келлә. Сурһулин комитетин толһач Ольга Казакова тер шиидвриг иигҗ тодлв: «Школын хувцн сурһульчнриг закрмҗулна, тер төләд энүг өмсхлә сән»[3].
2025-гч җилин июль сарин 1 шинд Әрәсәд шин ГОСТ эдлврт орв. Терүнд школын хувцна бәәдл ке-төсүн болн эвтә-довта, өмсхд дигтә, зуг му чинртә тоот үзүллго тогтурта бәәдл үлгүрлдг болх зөвтә, гиҗ келгдҗәнә. Орн-нутган, Төрскән тодлҗах тоотсиг хувцндан батлҗ болжана[4].
2025-гч җилд август сарин 6-д Эрдм-сурһулин Министерств Әрәсән школмудт сурһульчнрин шин бәрмҗән һарһҗ үзүлв. Школын хувциг уйдг эдл-ахус (ГОСТ) бәрмҗәнәр күцәх зөвтә. Школын хувцна намба ке-төсүн болн эвтә-довта болх зөвтә. Иим бәрмҗән Әрәсәд шинәс орулгдҗана. Терүг дунд сурһулин бүрдәлңст көвүд-күүкд өмсх болна[1].
Эрдм-сурһулин Министерств эн хувциг цуг сурһулин бүрдәлңст нерәдв чигн, тедн эврә хәләцәр бийиннь сурһульчнртан санл болһҗ чадх, гиҗ тодлв[2].
Темдглл
- ↑ 1 2 Минпросвещения показало новый стандарт школьной формы, РБК (6 Ноха сарин 2025). Дата обращения: 15 Ноха сарин 2025.
- ↑ 1 2 Минпросвещения не планирует вводить единую школьную форму, РИА Новости (6 Ноха сарин 2025). Дата обращения: 15 Ноха сарин 2025.
- ↑ Единая школьная форма в России 2025-2026: суть законодательной инициативы, какой будет форма, когда введут (6 Ноха сарин 2025). Дата обращения: 15 Ноха сарин 2025.
- ↑ Появился полный текст ГОСТа с требованиями к школьной форме, РБК (29 Мөчн сарин 2025). Дата обращения: 15 Ноха сарин 2025.