Max (керглүр)

Рувики-с
У этого термина существуют и другие значения, см. Max.
Max
Скриншот программы Max
Тип Компьютерная программа[d]
Разработчик «Хәрлцәнә давцң» бүрдәц
Операционные системы iOS, Android, macOS, Windows
Языки интерфейса английский, русский и др.
Первый выпуск 2025 март сарин 27
Состояние активное
Сайт max.ru

Max керглүр (орс. MAX приложение) — «ВК» бүрдәц тогтасн циифрин хәрлцәнә давцң, тер дотр күүндврин керглүр  (рус.) (хал., мөңнә тогтлцана керглүр болн шаңһа тогтлцана керглүр холвата[1]. Күүндврин керглүртә бета-шинҗлтиг 2025-гч җилин март сарин 27-д iOS-ин, Android-ин, macOS-ин болн Windows-ин вебсайт болн керглүр бәәдлд үзүллә[2]. 2025-гч җилин июль сарла Мах-т өөциг олҗ авсн улст VK бүрдәц 5 сай арслң өгх үг өгв[3].

2025-гч җилин сентябрин нег шинд Max Әрәсән цуг шин кец болһнд шиңгргдх, тиим закан һарсмн. Хөөннь «Госуслуги» керглүр залһад, ялын мөңг өглһнә, бичг бәрмтән йовуллһна шаңһа кергүдт олзлҗ болх[4].

Тууҗнь

Max гидг хәрлцәнә давцң һарсн зәңг 2025-гч җилин март сарин 25-д түрүн болҗ ирлә. Олн СМИ энүнә тускар зәңгләд, App Store, Google Play давцңд «удл уга һарч ирх», гиҗ зәңгллә. Терүнә арһнь цәәлһсн цагт, хоорндан зәңгсәрн хәрлцҗ, күүндҗ, 4 ГБ күртл файл йовулҗ болх, гиҗ бичцхәв. Эн шин кергиг эдлврт орулхин төлә Әрәсән һазрар хамг керглгдх медиасервермуд тоотс тогтагдла. Түрүн болҗ корпоративн көдлмшин багмуд тогталһна кергтә тоотс орулгдх, гиҗ темдглгдлә. Дәкәд эдн циифрин  (рус.) (хал. давцңд мөңнә тогтлцана болн шаңһа тогтлцана бичкн керглүрмүд немгдх болла, тер цагт эн давцң  (рус.) (хал. китдин WeChat-та ирлцх зөвтә билә[5].

Мөңгч шинҗләчнрин тоолврар, эн төсвиг эклхин төлә түрүн авгтан 1 җува арслң керглгдх[5].

Март сарин 27-д шин давцң iOS-ин, Android-ин, macOS-ин болн Windows-ин вебсайт болн керглүр бәәдлд үзүллә. Терүнд багмудт болн салу улст зәңгс йовулҗ, аудио- болн видеожиңнүл кеҗ, дууһан йовулҗ, 4 ГБ бичг бәрмтс йовулҗ болв[2].

2025-гч җилин апрель сарин 14-д Max-д оюн сегәнә GigaChat, GigaChat 2.0 эв-арһс немгдҗәнә, гисн зәңг ирлә. Энүнлә хәрлцхин төлә күн болһн зургудан, дууһан болн бичг бәрмтсән немәд, седвәрән бичәд, һоодан күүндәд, өңгәр хәрү авч чадҗана. Арһлачнрт болхла GigaChat 2 Pro эс гиҗ GigaChat 2 MAX нерәдгдҗәнә[6].

2025-гч җилин июнь сарла Әрәсәд Мах давцң олзлсн улсин то 1 сай арслң күрв[7]. 2025-гч җилин июль сарин эклцәр MAX давцң олзлсн улсин то 2 сай күн болҗ өсв[8].

1 сентября 2025-гч җилин сентябрин нег шинд Max давцң Әрәсән цуг мобильн янз болһнд тохрулгдх[9].

В июле 2025-гч жилин июль сард Т2 бүрдәц Max давцң деер сул интернет-трафик секв[10].

Чадврнь

Max давцң iOS, Android хойрта ирлцнә, компьютерин Windows, macOS көтлвртә ирлцнә болн энүг веб-интерфейсин дамҗар олзлҗ болх. Энүг App Store, Google Play, RuStore болн AppGallery цифрин делгүрмүдәс буулһҗ авч болна. Бүрткциг Әрәсән эс гиҗ Цаһан Орсин нутгин телефона тойгар кеҗ болх. Эклҗ көдлхин төлә нерән болн зурган орулх кергтә[2][11].

Делгцнь (интерфейс) 4 һол әңгтә: «Әмтнә нерд», «Хәрлцән», «Жиңнүр», «Оруллһн». Дотрнь бас кергтә әңллһнә, заллтын тоотс бәәнә[11].

  • Max керглурин делгцнь
  • Бүрткцин түрүн ишкдл

    Бүрткцин түрүн ишкдл

  • Бүрткцин эврә темдг 

    Бүрткцин эврә темдг 

  • Мах-та таньлдлһн

    Мах-та таньлдлһн

  • Хәрлцәнә баг

    Хәрлцәнә баг

  • Хәрлцәнә-бот

    Хәрлцәнә-бот

  • Бичкн керглүр

    Бичкн керглүр

2025-гч җилин июль сарин 9-д 12:46 цагла MAX давцң деер нег цагт зерглц кедү чигн олн улс, кедү чигн цагтан хәрлцҗ чадх арһта болв. Энүнә төлә «Җиңнүр» дарад, үрврин холва буулһҗ авх кергтә. Үзллтин хәрлцәнә йовудт делгц деер цуг орлцачнриг үзҗ болҗана. Энүн деер ода шинрлтс орулгдҗана[12].

Хәрлцән

Давцңд йирин хәрлцәнә хамг тоот бәәнә[2][13]:

  • бийин болн багин хәрлцән;
  • бичгин, зургин, үзллтин хәрлцән болн 4 ГБ бичг бәрмт йовуллһн;
  • дууһар зәңг йовуллһн;
  • стикер болн эмодзи[2][13].

Мах-ин тогтлцана арһнь ямр болв чигн ормд сән хәрлцә өгнә: дууһар болн үзлврәр, бичгәр эс гиҗ зургар хәрлцхд эвтә[2][13].

Бийин хәрлцәнд бәәх орман тодлҗ йовулҗ болна, әмтнә тойгар хувалцҗ болна, дәкәд СБП дамҗад мөңг йовулҗ болна. Түрүн һарсн керглүрт Альфа-банк болн ВТБ банксас мөңг йовулҗ болна: Мах таниг шүүһәд авчксн банкин халхд орулсна хөөн мөңгән йовулҗ болна[14].

Хәрлцәнә бот болн бичкн керглүрмүд

Max-т немр хәрлцәнә бот болн бичкн керглүрмүд буулһҗ орулҗ болна, Max Bot API дамҗулад ботар залҗ болна, Max Bridge (керглүрмүд буулһҗ авхулна) болн MasterBot — API-түлкүр авхд нөкд, түргн дөңнәч. Үзлвр дөңнч котврмүд дунд BotMother, JetBot, ChatForma, SaleBot бәәнә. Ботмудын нерднь Telegram-та әдл чилгднь bot гиҗ бичгдх зөвтә (үлгүрлхд, @examplebot)[15].

Бичкн керглүрмүд делгцин хәрлцәнә дотрнь йовулгдна. Эдн эврә дигләнтә болна, хәрлцәнә ботар залгдна[13][15].

Кегдмл оюн сегән

2025-гч җилин апрель сарин 14-д Max кегдмл оюн сегәнә GigaChat болн GigaChat 2.0 давцңта ниилсмн. Дотрнь тохрсн нейро-гөлм бичвр бичнә, зург зурна, дууһин болн үзлврин зәңгиг келҗ өгнә, умшна, шинҗллт давулҗ чадна, 200 халхта А4 бичг бәрмтиг тодрхаһар цәәлһәд өгч чадна[6].

Эн зергләндән кесг керг күцәҗ чадна. Терүнә төлә чик даалһврмуд өгхлә, хәрү өгдг болна[6].

Девшлт

Max-иг «Хәрлцәнә давцң» бүрдәц тогтаҗана, энүнә толһалгч «ВК» эдл-аху дәкәд чигн олн шиидвр авчана. Эн өдгә цагин хамгин сән, олн туста тогтацта керглүрмүдин нер зүүхәр зүткҗәнә. 2025-гч җилин апрель сарин өрәлин алднд өөрхн иргчдән өмнән тәвҗәх шиидвр бәәнә[6][5]:

  • бәәх керглүрмүд дамҗад, эднә ханьд шин бичкн керглүрмүд тогтах;
  • төлврин эврә тогтац кеҗ һарһх;
  • ода үүлдҗәх шаңһа тогтацсла ниилүлх (тер дунд «Госуслуги» давцң)[6][5].

Шалһлт

Max-иг эдлврт орулсн улс «ВК» холдингин талдан «ВКонтакте», эс гиҗ VK Музыка гидг керглүрмүдтә залһлда уга, гиҗ темдглҗәнә. Дәкәд хойр давхр нуувчин шифр уга, гиҗ зовҗана[16][17].

Давцң Telegram хәрлцәтә әдл бот болн керглүр көдлнә, гиҗ кесгнь темдглҗәнә. Дәкәд ода бәәх хәрлцәнә тоотс деер бас тиим шин давцң кергтв-угай, гисн тоолврарн хувалцҗана. Зәрм улсин тоолврар, Әрәсән шин давцң орухла, хәр һазра хәрлцәнә давцңгуд хаагдх бәәдлтә[13][18].

2025-гч җилин июль сарин 7-д VK шин MAX давцңгин туск зәңглһиг өргн кевәр тархав, тер дунд онц кевәр бүрдәсн VK Fest Санкт-Петербургд давла. Блогер улс бас эн зәңгиг тархаҗана. Хәрлцәнә чинрнь нег бәәдл тусчахн уга: App Store — 4.1, Google Play — 1.1, тернь Telegram хәрлцәг олзлдг улс болҗах бәәдлтә. MAX шаңһа дамҗар олна эдлврт орхар зуралжана. Telegram болхла дигтә тогтацта болснас, олн әмтн энүг олзлна. Зуг өдр ирвәс эн хойр давцң урлдад йовна[19].

Темдглл

  1. ↑ VK создает аналог китайского мессенджера с госуслугами и платежами WeChat. Ведомости. Дата обращения: 16 Така сарин 2025.
  2. ↑ 1 2 3 4 5 6 В России представили MAX — отечественный мессенджер и аналог WeChat. Hi-Tech. Дата обращения: 16 Така сарин 2025.
  3. ↑ За найденные уязвимости в мессенджере Max заплатят до пяти миллионов рублей, РИА Новости (20250701T1442). Дата обращения: 9 Така сарин 2025.
  4. ↑ Всё о Max: российский национальный мессенджер запустят в 2025 году. Дата обращения: 9 Така сарин 2025.
  5. ↑ 1 2 3 4 VK запустит бета-версию аналогичного китайскому WeChat мессенджера Max. Forbes. Дата обращения: 16 Така сарин 2025.
  6. ↑ 1 2 3 4 5 Чатная инициатива: нацмессенджер MAX объединился с крупнейшим в РФ ИИ-ботом. Известия. Дата обращения: 16 Така сарин 2025.
  7. ↑ В российском мессенджере MAX зарегистрировались больше 1 млн пользователей, Hi-Tech Mail (30 Мөчн сарин 2025). Дата обращения: 9 Така сарин 2025.
  8. ↑ Пользователям МАХ стали доступны групповые видеозвонки, Известия (9 Така сарин 2025). Дата обращения: 9 Така сарин 2025.
  9. ↑ Новый мессенджер Max: что это такое, зачем нужен и где скачать, РБК Life. Дата обращения: 9 Така сарин 2025.
  10. ↑ Т2 запускает безлимитный интернет-трафик на мессенджер Max, TACC. Дата обращения: 16 Така сарин 2025.
  11. ↑ 1 2 Max: что известно о новом приложении ВК и аналоге WeChat. РБК. Дата обращения: 16 Така сарин 2025.
  12. ↑ Платформа MAX запустила неограниченные групповые видеозвонки, ВЗГЛЯД.РУ. Дата обращения: 9 Така сарин 2025.
  13. ↑ 1 2 3 4 5 VK выпустила Max — бета-версию мессенджера с мини-приложениями, ботами, звонками и API для разработчиков. Habr. Дата обращения: 16 Така сарин 2025.
  14. ↑ Протестировал MAX от VK, iPhones.ru. Дата обращения: 16 Така сарин 2025.
  15. ↑ 1 2 MAX для разработчиков. Max Docs. Дата обращения: 16 Така сарин 2025.
  16. ↑ MAX: общение, полезные сервисы. RuStore. Дата обращения: 16 Така сарин 2025.
  17. ↑ VK по-китайски. Что за платформа MAX от ВКонтакте с «невидимкой» и передачей огромных файлов. Trashbox. Дата обращения: 16 Така сарин 2025.
  18. ↑ Компания VK выпустила приложение MAX — обещают сделать аналог китайского WeChat. Клуб DNS. Дата обращения: 16 Така сарин 2025.
  19. ↑ Мессенджер МАХ - борьба за пользователя — Малкин про MAX на vc.ru, vc.ru. Дата обращения: 16 Така сарин 2025.
"https://xal.ruwiki.ru/w/index.php?title=Max_(керглүр)&oldid=319825" халхас авсн