«1941-1945 җилин Төрскән Харсгч Аһу Ик дәәнә Диилврин 80 җил» өөнин медаль
| «1941-1945 җилин Төрскән Харсгч Аһу Ик дәәнә Диилврин 80 җил» өөнин медаль | |
|---|---|
 |
|
| Орн-нутгнь |
 Орсин Холвана Улс,  ТУХН |
| Зүүлнь | Өнин медаль |
| Кенд бәрүлдгнь | Төрскән Харсгч Аһу Ик дәәнә ветеранмудт болн медалин Җурмар зокаста талдан улст чигн |
| Статуснь | медаль бәрүлхәр төлвлҗ бәәнә |
| Статистикнь | |
| Үүссн җил-өдр | 2024 җилин сентябрь сарин 2 |
| Түрүн шаңнснь | 2025 җилин январь сарин 27 |
| Дарань | |
| Деед шаңңлнь | «1941-1945 җилин Төрскән Харсгч Аһу Ик дәәнә Диилврин 75 җил» өөнин медаль |
| Баһ шаңнлнь | «Әрәсән усн цергин 300 җил» өөнин медаль |
«1941-1945 җилин Төрскән Харсгч Аһу Ик дәәнә Диилврин 80 җил» өөнин медаль (орс. Юбилейная медаль «80 лет Победы в Великой Отечественной войне 1941—1945 гг.») — ТУХН-ин өөнин медалиг кехәр төлвлҗ бәәнә[1]. 2024 җилин апрель сарин 12-нд Минск балһснд болсн ТУХН-ин Һазад кергин министрмүдин зөвллин хург деер «Төрскән Харсгч Аһу Ик дәәнә Диилврин 80 җил» өөнин негдсн медалиг кех шиидвриг батлҗ, Хамтын нөкрллин орн-нутгудын төрин толһачнрт келлцүлхәр өргҗ медүлхәр болҗ[2][3].
Медалин җурм
«1941-1945 җилин Төрскән Харсгч Аһу Ик дәәнә Диилврин 80 җил» өөнин медаляр шаңнгдх әмтнь:
- ЗХУ-ин Зевсгтә күчнә эгнәд Төрскән Харсгч Аһу Ик дәәнә фронтд дән-ноолданд орлцсн цергләчнр, эңгин цергләчнр, Төрскән Харсгч Аһу Ик дәәнә үйд ЗХУ-ин түр-зуурин эзлсн нутг-девскрт даалһвр күцәсн партизанмуд, далд эсргүцллин гешүд, ЗХУ-ин Төрскән Харсгч дәәнә үйд ЗХУ-ин Зевсгтә күчнә «За победу над Германией в Великой Отечественной войне 1941 - 1945 гг.» (1941 - 1945 җилин Төрскән Харсгч Аһу Ик дәәнд Немшиг диилснә төлә), «За победу над Японией» (Японыг диилснә төлә) медаляр шаңнгдсн болн «За победу над Германией в Великой Отечественной войне 1941 - 1945 гг.» (1941 - 1945 җилин Төрскән Харсгч Аһу Ик дәәнд Немшиг диилснә төлә) медалин герчлһәтә ветеранмуд эс гиҗ 1941-1945 җилин Төрскән Харсгч дәәнд орлцсиг батлһаҗулсн герчлһәтә ветеранмуд;
- Төрскән Харсгч Аһу Ик дәәнә үйин көдлмш зүткләрн ЗХУ-ин одар, «За доблестный труд в Великой Отечественной войне 1941 - 1945 гг.» («1941-1945 җилин Төрскән Харсгч Аһу Ик дәәнә көдлмшин эр зөргин төлә»), «За трудовую доблесть» («Көдлмшин эр зөргин төлә»), «За трудовое отличие» («Көдлмшин һавъяһин төлә»), «За оборону Ленинграда» («Ленинградыг хамһалсна төлә»), «За оборону Москвы» («Москваг хамһалсна төлә»), «За оборону Одессы» («Одессаг хамһалсны төлә»), «За оборону Севастополя» («Севаполиг хамһалсны төлә»), «За оборону Сталинграда» («Сталинградыг хамһалсна төлә»), «За оборону Киева» («Киевиг хамһалсна төлә»), «За оборону Кавказа» («Кавказыг хамһалсна төлә»), «За оборону Советского Заполярья», («Зөвллтин Арктикиг хамһалсна төлә»), бас чигн «Жителю блокадного Ленинграда» (Бүслгдсн Ленинградын оршн сууһач) темдг, «1941-1945 җилин Төрскән Харсгч Аһу Ик дәәнә көдлмшин эр зөргин төлә» («За доблестный труд в Великой Отечественной войне 1941 - 1945 гг.») медалин герчлһәтә әмтн;
- 1941 җилин июнь сарин 22-ас 1945 җилин май сарин 9-нә хоорнд ЗХУ-ин түр эзлсн нутг-девскрт көдлсн хуһцаг эс тоолхла, дор хайҗ зурһан сар көдлсн әмтн;
- Делкән 2-гч дәәнә үйд нацистмүд болн теднә холватнрин бәәһүлсн хөрх лагерь, гетто болн талдан хөрх һазрмудын наснд күрәд уга хөргдлмүд;
- ЗХУ-ин Зевсгтә күчнә әңгүдт, партизан отрядмут, далд эсргүцллин бөлгүд, фашистин эсрг талдан әңгүдин бүрлдлд орлцҗ, 1941 җилин Төрскән Харсгч Аһу Ик дәәнә Диилврт ик хүв-немр орулсн ЗХУ-ин эс гиҗ Орсин Хована Улсин одн медаляр шаңнгдсн Тусһар Улсин Хамтын Нөкрллин гешүд болн талдан һазад улсин иргд.
«1941-1945 җилин Төрскән Харсгч Аһу Ик дәәнә диилврин 80 җил» өөнин медаль чееҗин зүн талд зүүҗ, «1941-1945 җилин Төрскән Харсгч Аһу Ик дәәнә диилврин 75 җил» медалин дару бәәрлүлнә.
2024 җилин медәһәр Төрскән Харсгч Аһу Ик дәәнә 18 миңһн орчм орлцач, ветеран әмд үлдҗ.
Әрәсә, Орсин Холвана Улс — 9700 орчм дәәнә ветеран болн көгҗлин беркшәлтә иргн бәәнә (2024)[4];
Украин улс — 7251 дәәнә орлцач бәәнә (2022)[5];
Цаһан Орс — 520 орчм дәәнә орлцачнр болн дәәнә көгҗлин беркшәлтә иргд (2024)[6];
Литва улс — 200 орчм күн бәәнә (2023)[7];
Хасг улс — 148 дәәнә орлцачнр болн көгҗлин беркшәлтә иргн бәәнә (2024)[8];
Үзбек улс — 97 дәәнә орлцач бәәнә (2023)[9];
Гүрҗ улс — 81 дәәнә орлцач бәәнә (2024)[10][11];
Эрмәль улс — 46 дәәнә орлцач бәәнә (2024)[12];
Түркмен улс — 40 дәәнә орлцач болн дәәнә көгҗлин беркшәлтә иргн бәәнә (2023)[13];
Молдов улс — Молдав улсин толһачнрин медәһәр 37 дәәнә орлцач бәәнә (2024)[14];
Азербайҗан улс — 30 дәәнә орлцач бәәнә (2024)[15];
Төөҗг улс — 24 дәәнә орлцач бәәнә (2024)[16];
Буруд улс — 20 дәәнә орлцач болн дәәнә көгҗлин беркшәлтә иргн бәәнә (2024)[17];
Латыш улс — 18 дәәнә орлцач бәәнә (2021)[18];
Эстонь улс — 12 дәәнә орлцач бәәнә (2023)[19].
Медалин тодрхаллт
«1941-1945 җилин Төрскән Харсгч Аһу Ик дәәнә диилврин 80 җил» өөнин медаль алтн өңгтә төмрәр кегдсн болад, 32 миллиметрин диаметртә төгрг бәәдлтә. Урд талднь Төрскән Харсгч Аһу Ик дәәнә үйин кеерин дүрмтә хувц өмссн, Диилврин тугиг Рейхстагин бәәшңд залсн диилвр бәәһүлсн салдсин дүрсн бәәнә. Зүн бол төв кесгтнь салют хагдҗ бәәнә.
.webp.png)
Шаңнлын түрүңк бәрүллһ
2025 җилин январь сарин 27-нд Диилврин 80 җил, Ленинград балһсиг нацистын бүсллтәс сулдхсна 81 җилин өөнд зөрүлсн Ленинградын диилврин концертын үйд Владимир Путин ветеранмудт «1941-1945 җилин Төрскән Харсгч Аһу Ик дәәнә диилврин 80 җил» өөнин медалиг бәрүлв. Хамгин түрүнд Ленинградыг хамһалҗ, Эстонь, Польш, Зүн Пруссиг сулдхх дәәнд орлцсн Екатерина Тутурова шаңнлд күртв[20].
Темдглл
- ↑ Юбилейная медаль к 80-летию Победы готовится к утверждению в СНГ - Российская газета
- ↑ В СНГ планируется учредить единую юбилейную медаль «80 лет Победы в Великой Отечественной войне 1941–1945 годов»
- ↑ В СНГ будет учреждена юбилейная медаль в честь 80-летия Победы
- ↑ Почти 10 тысяч участников и инвалидов Великой Отечественной войны получили ежегодную выплату ко Дню Победы. sfr.gov.ru. Дата обращения: 8 Хөн сарин 2024.
- ↑ Скільки ветеранів живе. Архивировано 22 Така сарин 2023 года.
- ↑ Меры социальной защиты ветеранов Великой Отечественной войны. www.pravo.by. Дата обращения: 8 Хөн сарин 2024.
- ↑ Sputnik Латвия. "В последний день войны мы пошли в наступление": литовский ветеран о подвиге и забвении (рус.). Sputnik Латвия (20230508T1151+0300). Дата обращения: 12 Хөн сарин 2023. Архивировано 12 Хөн сарин 2023 года.
- ↑ Lada.KZ Сколько ветеранов ВОВ осталось в регионах Казахстана, и какие выплаты они получат. Новости Актау и Мангистауской области - ЛАДА.kz. Дата обращения: 22 Мөрн сарин 2024.
- ↑ Сколько участников Второй мировой войны в Узбекистане? (неопр.) (5 Хулһн сарин 2023). Дата обращения: 7 Хулһн сарин 2023. Архивировано 3 Үкр сарин 2023 года.
- ↑ veterans
- ↑ Ветераны в Грузии (неопр.). Архивировано 8 Мөчн сарин 2023 года.
- ↑ Новости, Р. И. А. В Ереване в преддверии Нового года чествовали ветеранов ВОВ (рус.). РИА Новости (20231220T2239). Дата обращения: 21 Бар сарин 2023. Архивировано 21 Бар сарин 2023 года.
- ↑ В Туркмении ветераны Великой Отечественной войны получат подарки от имени президента. ТАСС (4 Хөн сарин 2023). Дата обращения: 4 Хөн сарин 2023. Архивировано 4 Хөн сарин 2023 года.
- ↑ Cîți veterani ai celui de-al Doilea Război Mondial au mai rămas în Moldova
- ↑ Сколько ветеранов Второй мировой войны осталось в Азербайджане? (рус.). 1news.az. Дата обращения: 9 Хөн сарин 2023. Архивировано 9 Хөн сарин 2023 года.
- ↑ В Таджикистане осталось 24 ветерана Великой Отечественной Войны. asiaplustj.info. Дата обращения: 30 Мөрн сарин 2024.
- ↑ В возрасте 98 лет скончался ветеран Великой Отечественной войны Араке Арстанбеков (рус.). Turmush. Дата обращения: 9 Хөн сарин 2024.
- ↑ Латвийские ветераны ВОВ не меняют выбор: бить врага до победы. Sputnik. Дата обращения: 6 Хөн сарин 2023. Архивировано 22 Мөчн сарин 2021 года.
- ↑ Никто не забыт: кто и как помогает ветеранам в Эстонии? (неопр.). www.mke.ee. Дата обращения: 9 Хөн сарин 2023. Архивировано 9 Хөн сарин 2023 года.
- ↑ Концерт «Ленинградская Победа», Президент России (27.01.2025). Дата обращения: 4 Лу сарин 2025.
Холвас
- В СНГ будет учреждена единая юбилейная медаль «80 лет Победы в Великой Отечественной войне 1941–1945 годов»
- Об учреждении единой юбилейной медали «80 лет Победы в Великой Отечественной войне 1941–1945 годов»
