Аав Киитн
| Аав Киитн | |
|---|---|
 | |
| Домг-зү | хальмг |
| Һазрнь | Хальмг Таңһч |
| Нернәнь цәәлһвр | «Киитн Аав» |
| Кииснь | мужской пол[d] |
| Холвата дүр | Цасна Күүкн, Шин Җил |
Аав Киитн — хальмгин Дед Мороз. Орс келнд Аав Киитн «Дедушка Холод», эс гиҗ «Холодный Дедушка» гиҗ орчулгдна.
Тодрхалҗ бичлһн
Хальмг Таңһчд Шин җилин байр Цаһан сар гиҗ нерәдгднә[1], декабрь саррин чилгчәр һацурта тосдг Шин җилин байрт Аав Киитн ирдг йоста. Зуг эн талдан келн-улсин авьясд харһдг сидтә өвгн болхш, зуг малч болна. Бичкдүдин байрт эн көгшә ут девлтә, тоһа деерән туулан арсас уйсн улан залата махлата ирнә. Белкүсләд ирсн мишгтән тәмкин түңгрцг, цәкүр болн кет авч ирнә, һартан даң ут шилвр бәрәд йовна[2]. Киитн Аав гөрәсиг унад йовна. Эн Киитн Аавиг өдгә цагин арһлачнр болн зуульчлһна зүткәчнр шинәс һарһҗ авла, йириндән хальмг олн әмтнә сойлд иим дүр уга бәәсмн[3]. Киитн Аав Шин җилин нәәрт зе күүкнтәһән ирнә, терүнә нернь — Цасна күүкн (орс. Девочка из снега) болн ач көвүта, терүнә нернь Шин җил (орс. Новогодний мальчик), тер хойр аавин белгүдиг бичкдүдт тархахд дөңг болна[3][2]. Дед Мороза хуучн җилин сүл сө ирдг болна, Киитн Аав болхла шин җилин түрү өрүн ирдг болна[2][3]. Болв, Киитн Аав шин җилин өмн, эртәснь болдг цуг нәәрт орна. Хальмг Таңһчд болн нань чигн нутгт болдг керг-үүлдврмүдт. Үлгүрлхд, 2023-гч җилин январь сард хальмгин Киитн Аав Новый Уренгой балһснд болсн Дед Морозмудын VI-гч марһанд орлцла[4], 2024-гч җилин декабрь сарла — «Киров — новогодняя столица России 2025» гидг төсвд орлцла[5].
Алдршлт
Дүңцүллһнә шинҗллтин «Смыслография» болн «АГТ» агентствс 2021-гч җилд давулсн шинҗллтәр, хальмгин Аав Киитн Әрәсән хамгин соньн Дед Морозмудын ТОП-30 җигсәлтд 30-гч орм эзллә[6]. 2022-гч җилин тиим дүңцүллһнә шинҗлтәр, хальмгин Аав Киитн арвдгч ормд орла[7].
Темдглл
- ↑ Алина Тищенко. Деды Морозы и новогодние традиции регионов России и республик бывшего СССР, Sibmama.ru (05.01.2024). Дата обращения: 15 Бар сарин 2025.
- ↑ 1 2 3 Аав Киитн (рус.). bibliongo.ru. Дата обращения: 15 Бар сарин 2025.
- ↑ 1 2 3 Михаил Русин. Путешествие к Дедам Морозам: От Пронзительного Холода до танцующего Ямал Ири и сына купца, Российская газета (3 Туула сарин 2023). Дата обращения: 15 Бар сарин 2025.
- ↑ Светлана Морозова. Новый год отметим вместе танцем, юмором и песней! // Правда Севера. — 2023. — 14 Туула сарин (№ 1). — С. 12.
- ↑ Калмыцкий Дед Мороз приветствовал жителей и гостей Кирова (08.12.2024). Дата обращения: 15 Бар сарин 2025.
- ↑ Чувашский дед мороз занял 9-ое место в рейтинге новогодних персонажей регионов России за 2021 год - ГТРК Чувашия (рус.). ГТРК «Чувашия». Дата обращения: 15 Бар сарин 2025.
- ↑ Илья Максимов. Дед Мороз из Великого Устюга стал самым популярным зимним волшебником России, gorodche.ru (21.01.2022). Дата обращения: 15 Бар сарин 2025.
| Шин җилин Әрәсән келн-улсин дүрмүд  | |
|---|---|
| |
