Ануфриенко, Василий Никифорович

Василий Никофорович Ануфриенко
Һарсн җил-өдр	1900(1900)
Төрсн һазр	Вознесеновка селән, Астрахнь муҗ, Орсин хаата улс
Нас барсн җил-өдр	1958(1958)
Нас барсн һазр	Вознесеновка селән, Целин район, Хальмг АССР
Иргншл	СССР
Шаңнлнь

Василий Никофрович Ануфриенко (1900 җил төрҗ һарв, Орсин Хаата улс, Астрахань муҗ, Вознесеновка селән — 1958 җил, Хальмг АССР, Целин района Вознесеновка селән) — Астрахань муҗин Степновск района Сталинә нертә колхозин ах хөөч, Социалист Көдлмшин Баатр (1950 җ.).

Намтрнь

1900 жилд Астрахань муҗин Вознесеновка селәнд (одаһин Хальмг Таңһчин Целин район) тәрчин гер-бүлд төрҗ һарв. Баһ наснасн авн хар көдлмш кеҗ йовв.

Төрскән Харсгч Аһу Ик дәәнә орлцач. Эннь Одессан 248-гч хадг дивизин бүрлдлд ноолдҗ бәәв. Цергәсн бууҗ ирснә дару Ануфриенко Астрахань муҗин Степновск района Сталинә колхозд (1961 җиләс Хальмг АССР-ин Целин района XXII намин ик хурлын нермҗтә колхоз) көдлмшт орв. Тенд ах хөөч болҗ тәвгдв. Көдлмштән өндр амҗлт һарһсна төлә 1949 җилд Көдлмшин һавьяһин Улан тугин одар шаңнгдв.

Цуг холвана ВСХВ үзсклңд орлцад авч, мөңгн медаль күртв.

1949 җилд түүнә һардҗ бәәсн хөөчнрин баг 1294 төл малыг нег толһаг дундҗар 6,5 кг җиңтә өскәд авч. ЗХУ-ин Деед Зөвллин Тергүләчнрин 1950 җилин август сарин 22-гч өдрин зәрлгәр Ленинә одн, «Алх хадур хойр» алтн медаляр шаңнҗ «1949 җилд мал аҗ-ахуд өндр үзүллт һарһсна төлә» Социалист Көдлмшин Баатр цолта болв.

Василий Ануфриенко 1958 җилд төрҗ һарсн селәндән насан барв.

Дурсхлнь

• Хальмг Таңһин Элст балһсна Василий Ануфриенкоһин барельефиг Баатрмудын һудмҗд сүүрлсн бәәнә.

Шаңнлнь

• Социалист Көдлмшин Баатр
• Ленинә одн (1950);
• Улан Одна одн;
• Көдлмшин Һавьяһин Улан Тугин одн (1949);
• II-гч зергин Төрскән Харсгч дәәнә одн;
• «Цергин һавьяһин төлә» медаль;
• «Варшавиг сулдхсна төлә» медаль;
• «Берлиныг эзлснә төлә» медаль;
• ВДНХ-ин мөңгн медаль;

Ном-зү

• Василий Никифорович Ануфриенко: букл.// Наши земляки — Герои Социалистического Труда: компл. букл. / сост.: Г. Д. Андраева, З. Б. Очирова; ред. Е. Н. Бошева; худож. В. Я. Михин. — Элиста, 1987.

Холвас

• Ануфриенко Василий Никифорович (рус.). Сайт «Герои страны».