Байракин ө-модн (Хальмг)
| «Байракин ө-модн» региональн чинртә йиртмҗин бумб | |
|---|---|
 | |
| Һол тодлвр | |
| Аһу | 0,1 |
| Дунд өндрнь | 47 м |
| Бүрдәсн цагнь | 1981 җил |
| Залҗах бүрдәц | Садовск мехлесхозин Һооҗурин ө-модна бүрдәц |
| Бәәх ормнь | |
| 47°35′54″ с. ш. 44°27′04″ в. д.GЯO | |
| Орн-нутг | |
| Регион | Хальмг |
Байракин ө-модн (орс. Байрачный лес) — региональн чинртә йиртмҗин бумб. Теегин онц ө-модн. 1981-гч җилд бүрдәгдсмн[1].
Һазр-зү
Эн йиртмҗин бумб Хальмг Таңһчин Сарпан района Кировск селәнә муниципальн бүрдәцин девскрт, Һоҗур хотхрин йоралд, Аршан-Зелмн һолын көвәһәр, Сарпан района Һоҗур селәнә зүн талд бәәнә. Һазрин көрснд эрстә усн темдглгдҗәнә (кирцәнь 0,322-0,431 г/л)[2].
Урһмл
Байракин ө-моднд урһҗах модд болн бурһсд дунд: цаһан уласн, черешчата хар модн, цаһан лир модн, ноһан яшл, яшл хамтхаста агч модн, маңһдын агч модн, һазр дахсн җөкн, маңһдын эмглҗн, гилгр җөкн, бор уласн, нохан хошун, эргә, ө-модна кедмн, һурвн хатхмрта гледичий, тәвлһ, сувсн бөөлҗрһн. Байракин ө-моднд урһҗах ноһан бас олн-зүсн: бадрашк, чавча, хөөнә өвсн, өрөмтүл, лошх, үмкә шарлҗн, Талиевин көк цецгә, буурлда, үкр келн, бүтн, киилһн, хөөн әңглүр, зерлг сәрмсг, әәдрхнә хөөнә өвсн, көгсн, шовуна меерә, маңһдын молокан, болонын хоңх[2].
Темдглл
- ↑ Байрачный лес - Заповедная Россия. Дата обращения: 24 Хулһн сарин 2025. Архивировано из оригинала 21 Мөчн сарин 2018 года.
- ↑ 1 2 Байрачные леса в балке Годжур, площадь 10 га. Годжурское лесничество Садовского мехлесхоза — Почвы республики Калмыкия — Почвоведение и охрана почв. Дата обращения: 24 Хулһн сарин 2025. Архивировано из оригинала 5 Лу сарин 2015 года.