Булука Николайин Елена

Рувики-с
Булука Николайин Елена
Елена Булукова.jpg
Төрсн җил-өдр 1968 январь сарин 15(1968-01-15) (58 лет)
Төрсн һазр
Иргншл
Мергҗл театрин үүлдәч, театрин директор
Җөҗг М. Горькийин нертә Москван художественн академическ театр
Шаңнл Сойлын халхар Әрәсән Федерацин Правительствин мөрә (2023)
Заслуженный деятель искусств Российской Федерации

Булука Николайин Елена (орс. Еле́на Никола́евна Булуко́ва) (төрсн 1968 январь сарин 15, Элст) — Әрәсән театрин болн ниигмин үүлдәч, М. Горькийин нертә Москван художественн академическ театрин ахлгч директор (2025-гч җилин октябрь сарин 29-с авн)[1]. Әрәсән театрин билг-эрдмин институтын дархн. Сойлын халхар Әрәсән Федерацин Правительствин мөрәлч[2]. Әрәсән Федерацин билг-эрдмин Ачта үүлдәч[3][4].

С. В. Образцовин нертә Государственн академическ наадһасин цутхлң театрин директор (2021—2025), Әрәсән Федерацин сойлын министерствин гастрольн кергүдиг демҗдг Федерацин цутхлңгин ахлгч директор (2017—2021), «Столица» нерлһтә Москва балһсна ниигмин болн сойлын девшлтд туслдг Саңгин директор (2012—2017).

Намтрнь

1968-гч җилин январь сарин 15-д[5]Хальмг АССР-ин Элст балһснд төрсмн[6].

В. И. Ленина нертә Москван багшнрин институтын саңшлын болн эдшлин факультет төгсәсмн[7] болн Цугәрәсән эчнән саңшлын болн эдшлин институт төгсәсмн[8].

Түрүләд бичкн рекламин агентствд экләд көдлсмн, дарунь продюсерин эрдмд орсмн[7].

«Столица» Саң

2012-гч җиләс авн — «Столица» нерлһтә Москва балһсна ниигмин болн сойлын девшлтд туслдг Саңгин директор[9].

Тер цагтан буйнч седклин болн эрдм-сурһулин халхар нарт-делкән болн Әрәсән регионмудын хоорндк керг-үүлдврмүд бүрдәһәд давулсмн, тер дунд инклюзивн билгин төсвмүдин керг-үүлдвр, көгҗмин болн театрин ниигмин сойлын кергүдин көтлврмүд белддг бәәсмн. 

Тер дунд — нарт-делкән һазадын ордудын орс театрмудин фестиваль, Цугәрәсән «Билг-эрдмтә харһлтын орм» төсв (2016—2017), IV Нарт-Делкән Фольклориад (2021, Уфа), «Нарт-Делкән сойлын цутхлңгуд» төсв[8] и др.

Гастрольн кергүдиг демҗдг Федерацин цутхлң

2017-гч җиләс авн — Әрәсән сойлын Министерствин ФГБУК «Гастрольн кергүдиг демҗдг Федерацин цутхлңгин» ахлгч директор.

Булука Еленан һардврт 2018-гч җилд Әрәсән 85 регионд «Театрин марафон» нерлһтә цугәрәсән төсв давв, терүнд 160 театрмуд орлцсмн[8].

«Ик гастроль» көтлвриг бүртксмн, терүнә йовудт 2019-гч җилд цуг Әрәсәһәр 2 миңһн шаху театрин нааддиг 267 театрмуд үзүлв, тер урднь уга өөдән чинртә болв. 

2020-гч җилд Булукан Еленан седвәрәр олна оньг авлсн «Ик гастроль-онлайн» шин төсв эклв (123 театрин нааддиг ут тоодан 27 сай улс хәләв)[9].

С. В. Образцовин нертә наадһасин театр

2021-гч җилин май сарин 11-д[10] — С. В. Образцовин нертә Государственн академическ наадһасин театрин директор болв[11]. 2025-гч җилин октябрь сарин 30-д тер цоласн һарв[12].

Булука Еленан һардврт театр олн онц премьер һарһв: «Би — Сергей Образцов» (режиссёрчнь Екатерина Образцова), «Цаһан нухсн» (режиссёрчнь Борис Константинов), «Шекспириг наадхм» (режиссёрчнь Виктор Никоненко)[13].

Театрин гастролин һазр-зү улм өсәд, Образцовпаркд (театрин өмн бәәх парк) шин тәәз секгдв, дәкәд арт-клуб «Апломбовд» бас эврә тәәз тогтагдв, бичкдүдин театрин баг көдлдг болв, наадһасин театрин көдләчнрт нерәдгдсн «Сидтә театр» гидг нерәдлһтә седкүл шинәс барас һардг болв. Дәкәд бичкдүдин эврә дурар үүлддг театрмудин һурвн «Дүр» фестиваль давв, наадһасин театрмудин «Булг» нерәдлһтә хойр нарт-делкән фестиваль болсмн[8].

Булука Елена болн режиссёрч Борис Константинов С. В. Образцовин нертә наадһасин театрин 95-гч ульрл секлһнд

им. М. Горькийин нертә МХАТ

2025-гч җилин октябрь сарин 29-д Горькийин нертә Москван художественн академическ театрин ахлгч директорин цолд нерәдгдв[1].

Багшин үүлдврнь

2022-гч җилд Әрәсән театрин билг-эрдмин институтин (ГИТИС) продюсерин факультетд эврәннь түрүн баг тогтаҗ авсмн. (ГИТИС)[14].

Ниигмин үүлдврнь

Әрәсән болн нарт-делкән театрин фестивальмудын шалһач[9].

Булука Елена (барун захд) «Әрәсә» Үндсни цутхлңгд болсн «Диалог культур в XXI веке: уникальность или универсальность?» гидг хургт

Келсн үгнь

Көдлмшин тускар[7]:

Нанд ямр чигн цол — өмәрән һарһҗах йовдл биш, һардачнрин болн хамт олна өмн мини ик дааврта үүл болна. Хоорндан иткмҗтә бәәһәд көдлх бәәц — күцәмҗтә театрин һол зарчмнь, гиҗ ицнәв.

О работе в Федеральном центре поддержки гастрольной деятельности[15]:

Энд көдлсн йовудт мана ик нутгин олн театрмудин үүлдвртә таньлдх чадвр өгв. Зуг эн бүрдәцд нурһлҗ закрачин көдлмш күцәх кергтә болв. Күцәмҗин төлә көдлмшин хамг зөрүлтсиг диглх кергтә болв.

О театре кукол[15]:

…наадһасин театр ода мандллһндан орв. <…> Наадһасин театрмудин хамт олн болһн көдлмштән шин эв-арһс олзлна, тер мет шин бәәдл-җирһлин бәәцд эднә наадд ирлцәтә болҗана.

О Москве[7]:

Ик хотл балһснд түрүн ирсн цагтан орсн ухан-седклән тодлнав, хадһлхан хәәнәв. Келхд, Москва нүрс болсн деерән, хәәрлһ өгхән хәәхш. Зуг мини хаалһ энд цаһан болв.

Көдлмшнь үнлһн

Оксана Косарева (2021-гч җилд Әрәсән Федерацин сойлын Министерствин билг-эрдмин болн олн әмтнә үүдәлтин демҗин департаментин директор)[10]:

Елена Николаевна цугәрәсән гастрольмуд тогтах керг күцәвв. Тер йир амр биш дааврта көдлмш.

Ачлврмуднь

  • Сойлын халхар Әрәсән Федерацин Правительствин мөрән мөрәлч (2023)[2].
  • Әрәсән Федерацин сойлын Министерствин күндлһнә һашг
  • Әрәсән Федерацин йирңкәлгчин ханлт[8].
  • Хальмг Таңһчин толһачин ханлт[16].
  • Әрәсән Федерацин билг-эрдмин Ачта үүлдәч (2026)[3][4].

Темдглл

  1. ↑ 1 2 Кехмана на посту гендиректора МХАТ сменила глава театра кукол, РБК (29 Хулһн сарин 2025). Дата обращения: 11 Лу сарин 2026.
  2. ↑ 1 2 Лауреаты премий Правительства Российской Федерации 2023 года в области культуры. government.ru (24 Туула сарин 2024). Дата обращения: 11 Лу сарин 2026.
  3. ↑ 1 2 Указ Президента Российской Федерации от 28.01.2026 № 36 ∙ Официальное опубликование правовых актов (рус.). publication.pravo.gov.ru. Дата обращения: 11 Лу сарин 2026.
  4. ↑ 1 2 Гендиректору МХАТ им.Горького присвоили звание заслуженного деятеля искусств, TACC (28 Туула сарин 2026). Дата обращения: 11 Лу сарин 2026.
  5. ↑ Елена Булукова | ВКонтакте. vk.com. Дата обращения: 11 Лу сарин 2026.
  6. ↑ Новым директором Театра кукол Образцова стала калмычка, МК (11 Хөн сарин 2021). Дата обращения: 11 Лу сарин 2026.
  7. ↑ 1 2 3 4 Директор Театра Образцова Елена Булукова — о мечте детства, первом спектакле и современных москвичах, thecity.m24.ru (11 Мөчн сарин 2024). Дата обращения: 11 Лу сарин 2026.
  8. ↑ 1 2 3 4 5 Елена Николаевна Булукова (рус.). Государственный Академический Центральный Театр Кукол С. В. Образцова. Дата обращения: 11 Лу сарин 2026.
  9. ↑ 1 2 3 Булукова Елена Николаевна | биография и последние новости (рус.). ФедералПресс. Дата обращения: 11 Лу сарин 2026.
  10. ↑ 1 2 Елена Булукова назначена новым директором Центрального театра кукол имени С.В. Образцова. culture.gov.ru (11 Хөн сарин 2021). Дата обращения: 11 Лу сарин 2026.
  11. ↑ Новым главой Центрального театра кукол имени Образцова стала Елена Булукова, AiF (11 Хөн сарин 2021). Дата обращения: 11 Лу сарин 2026.
  12. ↑ Булукова покинула пост директора Театра кукол Образцова, TACC. Дата обращения: 11 Лу сарин 2026.
  13. ↑ Вместо Владимира Кехмана во МХАТе им. Горького директором станет Елена Булукова - Российская газета, Российская газета (29 Хулһн сарин 2025). Дата обращения: 11 Лу сарин 2026.
  14. ↑ Ирина Черномурова и Елена Булукова наберут в этом году мастерские на продюсерском факультете ГИТИСа (рус.). gitis.net (2 Мөрн сарин 2022). Дата обращения: 11 Лу сарин 2026.
  15. ↑ 1 2 «Мы хотим сделать театр кукол снова модным», Известия (28 Така сарин 2022). Дата обращения: 11 Лу сарин 2026.
  16. ↑ Куськеев Санал. Журналист «Степных вестей» признана «Музой» - Степные вести (неопр.). tegrk.ru (14 март сарин 2018). Дата обращения: 11 Лу сарин 2026.

Холвас

"https://xal.ruwiki.ru/w/index.php?title=Булука_Николайин_Елена&oldid=319630" халхас авсн