Буров Алексей Никитович

Рувики-с
Алексей Никитович Буров
Буров Алексей.jpg
Төсн җил-өдрнь 1951 август сарин 24(1951-08-24) (74 года)
Төрсн һазрнь
Иргншлнь
Мергҗлнь Аһшин муҗин Хүүвин V (2014—2019) болн VI (2019—2024) дуудврин элчтн
Сурһульнь Ик сурһульта
Номин зергнь Тууҗин номин доктор
Номин цолнь Профессор
Намнь КПРФ

Алексей Никитович Буров (төрсн 1951 август сарин 24, Ленинск балһсн, Аһша төгәлң) — Аһшин муҗин Хүүвин V (2014—2019) болн VI (2019—2024) дуудврин элчтн. Аһшин муҗин Хүүвин эрдм-сурһулин, номин, баһчудын кергүдин, тәмрин болн зуульчллһна кергүдин комитетын ахлачин дарук. Аһшин муҗин Хүүвин Регламентин болн парламентин бүртклһнә төрмүдин зөвллин гешүн. Аһшин муҗин Хүүвин күч-көлснә, ниигмин төршлтин, өрк-бүлин болн ветеранмудын төрмүдин комитетин гешүн. Тууҗин номин доктор, профессор, Әрәсән Федерацин номин Ачта үүлдәч. Әрәсән Федерацин Коммунистическ партин (КПРФ) гешүн[1].

Намтрнь

1951-гч җилин август сарин 24-д Аһшин муҗин Ленинск балһснд төрсмн.

1975-гч җилд Хальмгин Ик сурһуль төгсәсмн.

Ростовин Ик сурһулин аспирантуриг төгсәсмн.

Әрәсән Федерацин йирңкәлгчин ханьд үүлддг Әрәсән орн-нутгин цергллтин академьд сурсмн.

Москвад Әрәсән олн әмтнә эдл-ахун академин болн шаңһа цергллтин академиг төгсәсмн[1].

Франц орн-нутгин региональн закрһана Институтд сурһуль авсмн[2].

Тууҗин номин доктор, профессор.

Әрәсән Федерацин номин Ачта үүлдәч[1].

Өрк-бүлнь

Өрк-бүлтә, хойр үртә[1], ачнр-зеенрән асрҗана[2].

Көдлмшнь

Алексей Никитович 1969-гч җилд Ленинскин района хот кедг комбинатд слесарь-электромонтажник болҗ көдлсмн.

Тер цагас авн комсомолын, партин болн советскин бүрдәврмүдт көдләд йовсмн.

1995-гч җилд Аһшин шаңһа цергллтин академин проректор болад, 1998-гч җил күртл көдлсмн.

2005-гч җиләс авн 2020-гч җил күртл Г. В. Плехановин нертә Әрәсән эдшлин ик сурһулин Аһшин әңгин директорин цолд бәәсмн.

2014-гч җилд Аһшин муҗин Хүүвин V дуудврин элчтнд суңһгдад, КПРФ-ин фракциг һардсмн.

2019-гч җилд Аһшин муҗин Хүүвин VI дуудврин элчтнд суңһгдсмн[1].

2019-гч җилин хаврар Алексей Буров Әрәсән Федерацин Коммунистическ партяс Аһшин муҗин губернаторин суңһврт орлцад, 11,39 % аштаһар 2-гч ормд орсмн[3].

Ниигмин үүлдврнь

2014-гч җиләс авн КПРФ-ин Аһшин обкомин селгәтр болна[4].

КПРФ-ин Аһшин әңгин товчана комитетын гешүн, муҗин әңгин партин идеологч.

«Ергенинскин медәтнрин болн инвалидмудин герин» тетклһнә хүүвин гешүн

Номин үүлдврмүднь

Алексей Буров Әрәсән бәәрн залврин органмудын өдгә цагин концепциг тогтасн күн (теорин, төршлтин болн ниигмин бәәрн залврин төрмүд). Алексей Буровин һардврт Әрәсәд үүлддг бәәрн шаңһа залврин төрмүдәр номин школ көдлнә. Энүнә һардврт 30 шаху докторск болн номин элчтнрин диссертацсиг харссмн.

Буровин сурһульчнр дунд нертә ахлачнр, Әрәсән Федерацин Деед Хүүвин, Федеральн хургин, Аһшин муҗин Хүүвин, Аһшин балһсна Хүүвин, Хальмг Таңһчин Хуралын (Парламентин), Аһшин муҗин администрацин көдләчнр бәәнә[1].

Номин нәәрүллһснь

200 шаху номин болн эрдм-сурһулин эв-арһсин нәәрүллһсин түрвәч, тер дунд 5 монографий. Цуг тер нәәрүллһс номтнрин, шаңгин көдләчнрин дунд болн Әрәсән балһсдын ниицәнә өөдән үнллт авсмн[1].

Дегтрмүд

Буров А. Н., Дильман Д. А., Сарматин Е. С. Национализм в среднем Поволжье на рубеже веков: сравнительный анализ// Современные проблемы науки и образования. — 2015.

Буров А. Н., Дильман Ю. В., Сарматин Е. С. Национализм депортированных народов на переломе эпох: на примере Карачая и Чечни// Современные проблемы науки и образования. — 2015.

Буров А. Н., Булетова Н. Е., Дмитриева И. С., Копылов С. И. Политический, социально-экономический и экологический аспекты реализации в региональной системе стратегии развития// Аудит и финансовый анализ. — 2016.

Буров А. Н., Мордвинцев А. И., Кравченко Е. Н. Основные показатели развития малого и среднего предпринимательства в Российской Федерации: проблемы и перспективы// Экономика и предпринимательство. — 2016.

Буров А. Н., Булетова Н. Е., Копылов С. И., Шаркевич И. В. Экономика услуг и её роль в постиндустриальном развитии по итогам структурного анализа. — Российский государственный университет туризма и сервиса, 2017.

Буров А. Н., Шаркевич И. В. Оценка состояния потребительского рынка Волгоградской области. — Изд-во Волгоградского филиала ФГБОУ ВО РАНХиГС, 2016.

Буров А. Н., Дильман Д. А., Кравченко Е. Н. Оценка роли государственной поддержки субъектов малого и среднего предпринимательства в развитии экономики России. — Экономика и предпринимательство, 2017. [3].

Ачлврмуднь

  • Хальмг Таңһчин номин Ачта үүлдәч[5].
  • Әрәсән Федерацин номин Ачта үүлдәч.
  • Әрәсән Федерацин эрдм-сурһулин болн номин министерствин күндллһнә һашг.
  • «Цугәрәсән күн-аман тооллһна керг давуллһнд тәвц орулсн төләд» медаль
  • Әрәсән Федерацин Федеральн хургин хүүвин толһачин Ханлт[1].
  • Аһшин муҗин губернаторин күндллһнә һашг[6].

Шуугата йовдл

Алексей Буров 2020-гч җилин декабрь сарла региона парламентин ахлачин цол цаг зуур дааҗасн күүнә нернд 2021-гч җилин январь сарин 1 шинәс авн 7 күртл хулддг әркин то хасх, эс гиҗ тас хулдшго седвәртә бичг орулсна хөөн Аһшин муҗин улс ик шууга татла. Тер әмтн Әрәсән Федерацин йирңкәлгчин нернд бичг илгәһәд, Аһшин муҗин Хүүвин элчтн Алексей Буровиг шин җилин байрин өдрмүдлә әрк хулдан хаах седвәр һарһсн төләднь цоласнь зааглх үрвр кесмн[7].

Ору мөңгнь

2020-гч җилин ашин декларацар, элчтн 2 688 296,27 арслң олсн мөңгән үзүлсн билә. Авалиннь 2020-гч җилд декларацт орулсн мөңгнә то — 257 803,08 арслң[8].

Темдглл

  1. ↑ 1 2 3 4 5 6 7 8 Депутат Волгоградской областной Думы БУРОВ Алексей Никитович (рус.). Волгоградская областная Дума. Дата обращения: 1 Лу сарин 2026.
  2. ↑ 1 2 69-летие отмечает профессор, коммунист и любящий дедушка Алексей Буров (рус.). «Остров Свободы» (24 Ноха сарин 2020). Дата обращения: 1 Лу сарин 2026.
  3. ↑ 1 2 Буров Алексей Никитович (рус.). Российское информационное агентство Рустим (12 Һаха сарин 2019). Дата обращения: 1 Лу сарин 2026.
  4. ↑ Алексей Буров избран руководителем фракции КПРФ в Волгоградской областной Думе (рус.). kprf.ru/ (4 Хулһн сарин 2014). Дата обращения: 1 Лу сарин 2026.
  5. ↑ Буров Алексей Никитович (рус.). volzsky.ru/. Дата обращения: 1 Лу сарин 2026.
  6. ↑ Алексей Буров награжден Почетной грамотой (рус.). Октябрьская районная Дума (24 сентября 2021). Дата обращения: 1 Лу сарин 2026.
  7. ↑ Алексей Серебряков. «Я не Горбачёв»: Путина просят выгнать из думы волгоградского депутата за идею запретить продажу алкоголя в новогодние праздники (рус.). "Блокнот Волгоград" (3 Бар сарин 2020). Дата обращения: 1 Лу сарин 2026.
  8. ↑ Андрей Петров. Машины, участки и супруги: чего лишились и что приобрели депутаты Волгоградской областной думы за 2020 год (рус.). «В1.ру» (24 апреля 2021). Дата обращения: 1 Лу сарин 2026.

Холвас

"https://xal.ruwiki.ru/w/index.php?title=Буров_Алексей_Никитович&oldid=319360" халхас авсн