Горлова Ира Ивановна

Ира Ивановна Горлова
Ира Ивановна Горлова
	;
Һарсн җил-өдр	1941 август сарин 20 (85 лет)
Төрсн һазр	Листопадовка (Воронежскин муҗ)
Иргншл	СССР→ Орсин Холвана Улс
Мергҗлнь	дегтрин саңгин көдләч, культурологч
Сайтнь	sbricur.com/?page_id=807

Горлова Ира Ива́новна (төрсн 1941 август сарин 20, Листопадовка^[d], Воронежа төгәлң) — советскин болн әрәсән культуролог, багш болн ниигмин үүлдәч, номин болн эрдм-сурһулин зокалч. Күңкл номин доктор, профессор, Әрәсән Федерацин номин Ачта үүлдәч (2001), Краснодар балһсна күндтә иргн.

Намтрнь

1959-гч җилд Обоянь балһсна дегтрин саңгчнрин техникумд сурһульд орна. 1961-гч җилд төгсәһәд, Москваһур нүүһәж, тенд 1963-гч җилд МГУКИ-н дегтрин саңгчнрин факультетд орна. 1968-гч терүгән төгсәһәд, тер дарудан аспирантурт орад, 1974-гч җилд төгсәнә. Аспирантуриг төгсгснә дару, 1972-гч җилд Краснодарт ирәд Краснодарин орн-нутгин сойлын институтд орад көдлнә. Тер мет, аспирантуреан экстернар төгсәнә. 1982-гч җилд «Селәнә эдл-ахун көдләчнриг дегтрмүдәр тетклһнә керг делгрүллһнә» төрәр диссертациг харсад номин элчтнә цол авна, 1997-гч җилд — «Хүврлтин кемд федеральн болн регилнальн һазрин сойлын төршлин темдгүд» гидг төрәр докторин цолын диссертациг харссмн. Олн җилдән зәңгллһнә сойлын кафедриг толһалад, дәкәд институтын ректорар көдлҗ йовсмн.

Ода Д. С. Лихачёвин нертә Әрәсән номин шинҗллтин сойлын болн йиртмҗин зөөрин институтын Өмн үзгин филиалын ахлачар көдлҗ бәәнә. Олн-зүсн төсвсин, һәәхүлмүдин бүрдәһәч болснас, энүг телеүзлврин сойлын төрәр невтрүллһсд дуудна, 2014-гч җилд Россия-К телеүзлврин «Худсовет» невтрүллһнд «Инновация-2013» һәәхүлтә орлцсмн^[1]. Нарт-делкән зәңгллһнә академин йоста гешүн (1993) болн гуманитарн номин Академин гешүн (1994), Нарт-Делкән номин деед школын гешүн-корреспондент.

Номин үүлдврмүднь

Һол кергүднь селәнә күч-көлсчнриг дегтрин саңгд оруллһнд, дегтрин саңгсин өдгә цагин бәәдл яслһнд, сойлын сурһульд тусхана.

Ачлврмуднь

Әрәсән Федерацин номин Ачта үүлдәч (2001);
Нәәрмдлин Одна эзн (2007)^[2];
Краснодарин зах улсин администрацин номин, сойлын болн эрдм-сурһулин мөрән мөрәлч (1997);
РСФСР-ин сойлын Ачта көдләч (1990);
Дагестана Таңһчин билг-эрдмин Ачта үүлдәч (2007);
Ингушетин Таңһчин билг-эрдмин Ачта үүлдәч (1999);
Хальмг Таңһчин билг-эрдмин Ачта үүлдәч (1999);
Карачаево-Черкесия Таңһчин билг-эрдмин Ачта үүлдәч

(2007);

Ар Осетин-Аланийин Таңһчин билг-эрдмин Ачта үүлдәч

(2001);

Кубанин номин Ачта үүлдәч (1995);
Краснодар балһсна күндтә иргн (2001).
Әрәсән Федерацин сойлын министрин Ханлт (2003) — Краснодарин орн-нутгин сойлын болн билг-эрдмин ик сурһульд болсн селвлцәсин белдврт ик тәвц орулсн төләд^[3]

Темдглл

↑ Ира Горлова на телепередаче Худсовет на телеканале Россия-К (неопр.).
↑ Указ Президента Российской Федерации от 13 марта 2007 года № 334 «О награждении государственными наградами Российской Федерации» (неопр.). Дата обращения: 25 Туула сарин 2026. Архивировано 19 Һаха сарин 2018 года.
↑ Об объявлении Благодарности (неопр.). Дата обращения: 25 Туула сарин 2026. Архивировано 19 Ноха сарин 2022 года.

Холвас

Сайт Южного филиала Института Наследия Архивная копия от 7 Ноха сарин 2018 на Wayback Machine.

[1] Ира Горлова на телепередаче Худсовет на телеканале Россия-К (неопр.).

[2] Указ Президента Российской Федерации от 13 марта 2007 года № 334 «О награждении государственными наградами Российской Федерации» (неопр.). Дата обращения: 25 Туула сарин 2026. Архивировано 19 Һаха сарин 2018 года.

[3] Об объявлении Благодарности (неопр.). Дата обращения: 25 Туула сарин 2026. Архивировано 19 Ноха сарин 2022 года.

[1]

[2]

[3]