Гражданск болн Төрскән харсгч Алдр дәәсин баатрмудин Мемориальн ниилг

Гражданск болн Төрскән харсгч Алдр дәәсин баатрмудин Мемориальн ниилг
	Бумб
Гражданск болн Төрскән харсгч Алдр дәәсин баатрмудин Мемориальн ниилг
	46°18′25″ с. ш. 44°15′44″ в. д.GЯO
Ормнь	Әрәсә, Орсин Холвана Улс
Балһсн	Элст
Сииләчнь	Никита Амолданович Санджиев
Цолнь	Объект культурного наследия народов РФ местного значения. Рег. № 081821312930004 (ЕГРОКН). Объект № 0830010000 (БД Викигида)
	Медиафайлы на РУВИКИ.Медиа

Гражданск болн Төрскән харсгч Алдр дәәсин баатрмудин Мемориальн ниилг (орс. Мемориальный комплекс героев Гражданской и Великой Отечественной войн) — Элст балһснд бәәх Мемориальн ниилг. Мемориальн ниилг Хальмг Таңһчин сойлын үвин объектмудын тоод орулгдсмн. Элст балһсна Иньгллт цецрлгт бәәнә.

Тууҗ

Мемориальн ниилг Гражданск болн Төрскән харсгч Алдр дәәсин баатрмудт болн комсомольцнрт нерәдгдсмн. Элстд 1965-гч җилд, Төрскән харсгч Алдр дәәнә Диилврин (рус.) (хал. хөрн җилин өөнд нерәдгдҗ босхгдсмн.

Мемориальн ниилгин архитектормуд Пюрвеевин ах-дү хойр болсмн, бәрмлчнь — РСФСР-ин Ачта зурач, Хальмг АССР-ин билг-эрдмин ачта үүлдәч Санджиев Никита Амолданович болсмн.

2009-гч җилин май сарин 7-д Хальмг Таңһчин Олна Хуралын (Парламентин) № 226-IV тойгта «Хальмг Таңһчин сойлын үвин объектмудын җигсәлтиг батлһна туск» тогтаврар бумб Хальмг Таңһчин сойлын үвин объектмудын тоод орулгдсмн (№ 293)^[1].

Тодрхалҗ бичлһн

Мемориальн ниилг хойр әңгәс тогтна. Мөрднь бәәх давшурин өмн һурвн пилон бәәнә, давшур Мемориальн ниилгин төвд күргнә. Җидмүдин кевтә пилонмуд титанас келһәтә. Җидмүдәс деегшән талвңгур йовх давшур хойр таласн хаалһата.

Талвң деер мемориальн интернационалистнр-дәәчнрин оршавр деер бәәх көснгд нерд бичәтә, урн бәрмл зогсҗана болн мөңкин һал шачана.

Талвңгин эклцин зүн талд хар зүстә мемориальн көснгд «Афганистана Таңһчд дәәчин өгцәг күцәҗ йовад әмнәсн хаһцсн дәәчнрин Санлд нерәдгдҗәнә» гиҗ бичәтә. Эн көснг өндртән хойр метр, утдан һурвн метр, терүнд Афганистанд дәәчин өгцәг күцәҗ йовад әмнәсн хаһцсн хальмгин дәәчнрин нерд бичәтә.

Урн бәрмл өндртән һурвн метр шаху, Гражданск болн Төрскән харсгч Алдр дәәнә хальмгин баатрмудин дүртә залусиг үүлдҗәнә. Урн бәрмтин ниилгин өмн мөңкин һал шачана.

Барун талк эрс деер хальмг болн орс келәр бичәтә:

ВЕЧНАЯ СЛАВА
ГЕРОЯМ, ОТДАВШИМ
ЖИЗНЬ БОРЬБЕ
ЗА ЧЕСТЬ, СВОБОДУ
И НЕЗАВИСИМОСТЬ
НАШЕЙ РОДИНЫ

МАНА ТӨРСКНƏ ƏРYН
НЕРНƏ, СУЛДХВРИН БОЛН
YЛМƏ УГА БƏƏЛhНƏ
ТӨЛƏ БƏРЛДƏНД
ƏМƏН ӨГСН БААТРМУДТ
МӨҢК ТУУРМҖ

Цань барун эрсин утднь хальмгудын баатрльг Җаңһр дуулврин үгмүд бичәтә:

«ЖИЗНИ СВОИ ОСТРИЮ КОПЬЯ ПРЕДАДИМ, СТРАСТИ СВОИ ДЕРЖАВЕ РОДНОЙ ПОСВЯТИМ, ГРУДИ СВОИ ОБНАЖИМ И ВЫНЕМ СЕРДЦА, И ЗА НАРОД ОТДАДИМ СВОЮ КРОВЬ ДО КОНЦА»

Мемориальн ниилгин барун талк эрсин утд Гражданск болн Төрскән харсгч Алдр дәәнә баатрмуд оршалһата.

Галерей

Интернационалистнр-дәәчнрт нерәдсн Санлын темдг
Мемориалын барун талд бәәх Баатрмудын оршавр

Темдглл

↑ Постановление от 07.05.2009 г № 226-IV Об утверждении Списка объектов культурного наследия Республики Калмыкия (неопр.) (7 Хөн сарин 2009). Дата обращения: 17 Үкр сарин 2025.

Утх-зокъял

Немичев, И. С. путеводитель, Элиста, 2011. — Элиста, 2011. — С. стр. 12. — ISBN 978-905562-01-3.

Элиста: Диалог времён. Памятники истории и культуры: Фотоальбом. — Элиста: Калмыцкое книжное издательство, 2004. — 183 с. — ISBN 5-7539-0516-1.

[1] Постановление от 07.05.2009 г № 226-IV Об утверждении Списка объектов культурного наследия Республики Калмыкия (неопр.) (7 Хөн сарин 2009). Дата обращения: 17 Үкр сарин 2025.

[1]