Дөрвдгч дүр хүвлһән Зая-пандит

Өөрдин Зая-панидтын дөрвдгч дүр хүвлһән (1764-1825)

Орсин тооллар 1764 җилд Халх Моңһлд хүвлв. Йисн наста цагтнь Зая-пандитын хүвлһән гиҗ тодргдад, ширәд залв. Хүвлһән бурхна номиг гүн нәрн кевәр сурсар, цуг багшнрнь һәәхҗ бәәв. Орсин тооллар 1779 җилд Банчн-богд Моңһлд залрҗ ирәд, дөрвдгч Зая-пандитд Амитаба бурхна ном номлҗ, авшг хәәрлн, делгрңгү тәәлвр өгв. Хөөннь Зая-пандит Банчн-богдын өөрхн шев болад, гүн болн делгрңгү номта лам болв. Орсин тооллар 1825 җилд Дөрвдгч дүр хүвлһән Зая-пандит насан барв.

Әңглл: Шаҗн