Жигульский, Кирилл Матвеевич
| Кирилл Матвеевич Жигульский | |||
|---|---|---|---|
| Төрсн җил өдрнь | 1914 март сарин 18 | ||
| Төрсн һазрнь | Орсин эзнт улсин Әәдрхнә говрин муҗин Эрктн нутг, (өдгә цагин Хальмг Таңһчин Лаганин район) | ||
| Нас барсн җил өдрнь | 1984 август сарин 14 (70 лет) | ||
| Нас барсн һазрнь | Хальмг Таңһчин Көк Теңгсин район (өдгә цагин Хальмг Таңһчин Лаганин район) | ||
| Холвгддгнь |
 ЗХУ |
||
| Цолнь | салдс | ||
| Цергин әңгнь | Цаһан Орсин 2-гч һал маңнан 65-гч әәрмин 87-гч салу моторчлсн понтон-тагтын батальон | ||
| Дәәлснь/дәнь | Төрскән Харсгч Аһу ик дән | ||
| Шаңнлнь |
|
||
Кири́лл Матве́евич Жигу́льский (1914.03.18, Орсин эзнт улс, Әәдрхнә говрин муҗ, Эрктн нутг, Лужково селән (өдгә цагин Хальмг Таңһчин Лаганин район) — 1984.08.14, Хальмг Таңһчин Лагань, (өдгә цагин Хальмг Таңһчин Лагань, )) — Зөвллтин Холват Улсин баатр, Төрскән Харсгч Аһу ик дәәнә орлцач.
Намтрнь
Кирилл Жигульский 1914 җилин март сарин 18-д тәрәч өрк-бүлд төрҗ һарсмн. Эклц сурһулин 4 әңг төгсәв. 1932 җилин февраль сарас авн колхозд көдлҗ эклсмн.
1940 җилд Кирилл Жигульский Улан Әәрмд татгдв. 1941 җилин июнь сарин 22-т ЗХУ-ин кил деер дәәснтә туллданд орлцв.
1943 җилин июнь сар күртл Барун һал маңнан 33-гч инженерин бригадын җолач болҗ алв хаадг бәәснҗ. Кесг дәкҗ шарх авсмн; Эдгснә дарунь дәкн церглҗ үрглҗлүлсмн. 1943 җилин июль сарас авн Улан Әәрмин цергч К.М.Жигульский 65-гч әәрмин 87-гч салу моторчлсн понтон-тагтын батальонд механикч, дарунь катерин оператор болҗ туллдҗ бәәсмн. 1945 җилин апрель сарин 20-21-д Одер гидг һолыг һатлхд үзүлсн залу зөрмг, баатрлг бәәдлинән төлә ЗХУ-ин баатр гидг цолар шаңнгдҗ. Дәәниг Германьд дуусхв.
Цергәс буухларн, Каспийский гидг селәнд (өдгә цагин Лагань балһсн) әмдрҗ көдлдг бәәсмнҗ.
Баатр йовдлнь
1945 җилин апрель сарин 19-21-нә хоорнд Беларусин 2-гч һал маңнан 65-гч әәрмин бүрлдлд багтҗ Штеттин (одаһин Щецин, Польш) балһсна өөрнь Одер һолыг һатлх цагт Кирилл Жигульский катериг болн понтонмудыг һардҗ бәәв. Хойр өдрин туршт ээлҗ, амрлт уга тернь эврә һарддг көлгн-оңһцмудас һарсн уга. Апрель сарин 20-әс 21-д шилҗх сөөһәр Кирилл Жигульский күчтә һалын дор эсрг талын эрг тал сум, танк, ик бууг зөөһәд авч одв. Хойр өдрин дотр тернь 52 дәкҗ йовад ирсн. Нег йовлһнднь катерт сум тусч, Кирилл Жигульский аюл уга бәәдл, әм-насан чигн әрвлл уга, дәәснә нүднднь эвдрлиг засч, дәврҗәх цергүдт зевсгиг үрглҗлүлн тееврлҗ, цергүд Одерин эрг деер батрҗ авхднь туслв.
Ачлврнь
- Алтн Одн (№ 5553) — 1945 җилин июнь сарин 29-д ЗХУ-ин Деед Зөвллин Тергүлгчнрин зәрлгәр шаңгдҗ;
- Ленинә Одн.
Дурсхл
- Элст балһсна Баатрмудын һудмҗд Кирилл Жигульскийин барельеф бәәдмн.
Темдглл
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
- Кирилл Матвеевич Жигульский: биографические данные/ Наши земляки — Герои Советского Союза, комплект из 22 буклетов, Элиста, 1985., Буклет 8.
- Кирилл Матвеевич Жигульский: краткая биография и о его подвиге/ Наши земляки — Герои Советского Союза, Элиста, 1967, стр. 29-31.
- Кирилл Матвеевич Жигульский: о его подвиге/ Наши земляки — Герои Советского Союза: Альбом, Элиста, 1965, буклет 13.
- Трембач, И. С. Рядовой Кирилл Жигульский/ Дорогой подвигов: очерки, Элиста, 1963. стр. 167—176.
Холвас
Кирилл Матвеевич Жигульский (рус.). Сайт «Герои страны».