Ильцарана Бадмин Валентина

Ильцарана Бадмин Валентина
Ильцарана Бадмин Валентина
	;
Һол зәңгллһ
Бүрн нернь
Төрсн җил-өдрнь	1939 октябрь сарин 16
Төрсн һазрнь	Целинн район, Хальмг Автономн Советск Социалистическ Республик, РСФСР[d], СССР[d];
Нас барсн җил-өдрнь	2010 январь сарин 14 (70 лет)
Нас барсн һазрнь	Элст, Орсин Холвана Улс;
Орн-нутгнь	СССР; Әрәсә, Орсин Холвана Улс
Мергҗлнь	дууч
Бүтәлч багнь	Хальмг олн улсин дууһин болн бииһин "Бамб цецг" хамтлаг; Хальмгин үндсни оркестр
Шаңнлнь

Ильцарана Бадмин Валентина (орс. Валентина Бадминовна Ильцаранова); 1939 октябрь сарин 16, Целинн район, Хальмг Автономн Советск Социалистическ Республик — 2010 январь сарин 14, Элст) — РСФСР-ин Ачта җөҗгч (1984), Әрәсән Федерацин олн әмтнә җөҗгч (1994) Хальмг Таңһчин күндтә иргн (2000).

Намтрнь

Ильцарана Валентина 1939-гч җилин октябрь сарин 16-л Целин района «Западный» селәнд төрсмн^[1]. Дууч бийнь тодлсар, төрсн цагтнь энүнд Бурхна шаҗна Нимит нер өгсн бәәҗ. Хөөннь Сиврин цүллһнд бәәсн цагт Валентина гиҗ дууддг болҗ. Бичкнәсн дуулхданидурта бәәҗ. Кесг дуд күүкнд Чуурльг ээҗнь дасхад өгч, тер амн үгин зөөр меддг келмрч күн бәәҗ^[1].

Сиврәс хәрҗ ирсн цагтан Валентина дуулдг болҗ. Элстин болн Москван сурһуль төгсәчкәд, 1961-гч җилд Валентина Хальмг олн улсин дууһин болн бииһин «Бамб цецг» хамтлагт орҗ көдлнә. 1974-гч җилд йилһән сән аштаһар Цугсоюзин театрин эстрадын әңг төгсәсмн. 1982-гч җилд П. О. Чонкушовин нертә Элстин көгҗмин училищ төгсәсмн. 1978-гч җилд «Бамб цецг» хамтлагин орлцачнрта хамдан Москвад болсн Цугсоюзин ду-бииһин хамтлагсин хәләврин марһана мөрәлч болсмн^[2]. Олн соңсачнртан Валентина айта эрдмч бәәсмн. Җиңнсн сәәхн хоолта дуучиг олн улс энүг «теегин торһа» гиҗ дуудг болсмн^[3].

Сәәхн дуучин арһар дун болһн эврә билгин туурмҗ авад бәәсмн: «Харада», «Элстин вальс», «Торһа», — эн дуд мел Ильцарана Валентинан нертә залһлдата. Дууч цуг Таңһчар болн Әрәсәһәр йовад, олн тәәз деер эрдмән үзүләд йовсмн^[3].

Ильцарана Валентинан намтртнь Хальмгин үндсни оркестрт көдлсн цагнь ик орм эзлнә. Хальмг олн әмтнә билг-эрдмин делгрлтд халуч күн, эн баһ наста көгҗмчнртә дамшлтарн хувалцад, хаалһдан шиңкән орҗах дуучнриг эрдмдән болн билгтән дасхад йовсмн^[4]. 2010-гчиҗилин январь сарин 14-д сәәһән хәәсмн^[2].

Ачлврмуднь

Әрәсән Федерацин Ачта җөҗгч (1994).
РСФСР-ин Ачта җөҗгч (1984).
Хальмг АССР-ин олн әмтнә җөҗгч (1981).
Хальмг АССР-ин Ачта җөҗгч (1965).
Советск Союзин Баатр О. И. Городовиковин нертә Хальмг АССР-ин мөрә (1987).
Хальмг Таңһчин күндтә иргн (2000)^[2].

Темдглл

↑ ¹ ² Ильцаранова Валентина (неопр.). web.archive.org. Дата обращения: 1 Туула сарин 2026.
↑ ¹ ² ³ Валентина Ильцаранова (неопр.). web.archive.org. Дата обращения: 1 Туула сарин 2026.
↑ ¹ ² Ушла из жизни народная артистка Калмыкии и России Валентина Ильцаранова (неопр.). ИА REGNUM. Архивная копия от 17 Мөрн сарин 2014 на Wayback Machine Проверено 16 апреля 2014.
↑ Из жизни ушла народная артистка Калмыкии и России Валентина Ильцаранова (неопр.). web.archive.org. Дата обращения: 1 Туула сарин 2026.

[autogenerated1-1] ¹ ² Ильцаранова Валентина (неопр.). web.archive.org. Дата обращения: 1 Туула сарин 2026.

[autogenerated3-2] ¹ ² ³ Валентина Ильцаранова (неопр.). web.archive.org. Дата обращения: 1 Туула сарин 2026.

[autogenerated2-3] ¹ ² Ушла из жизни народная артистка Калмыкии и России Валентина Ильцаранова (неопр.). ИА REGNUM. Архивная копия от 17 Мөрн сарин 2014 на Wayback Machine Проверено 16 апреля 2014.

[4] Из жизни ушла народная артистка Калмыкии и России Валентина Ильцаранова (неопр.). web.archive.org. Дата обращения: 1 Туула сарин 2026.

[1]

[2]

[3]

[4]