Иньгллт (цецрлг, Элст)
| «Иньгллт» цецрлг | |
|---|---|
.jpg) «Иньглт» цецрлгин Алтн босх | |
| Һол медәл | |
| Аһу | 25 га |
| Бүрдәсн цаг | 1937 |
| druzhba08.ru | |
| Бәәх орм | |
| Балһсн | Элст |
 | |
 Медиафайлы на РУВИКИ.Медиа | |
«Иньгллт» цецрлг (орс. Парк «Дружба»)— Элст балһсна тал дунд бәәх амрлһна орм. Эн цецрлг Элстин Ленина нертә уульнцд бәәнә. Хальмг Таңһчин Олна Хуралын (Парламентын) герәс экләд, «Уралан» стадиона алднд төгснә. Ода хойр әңгәс тогтна: шин әңгнь Олна Хуралын өөр аллеяс экләд, Ленина- Кировин хойр уульнцсин харһлтд «Уралан» стадиона алднд төгснә.
Тууҗнь
1935-гч җилин март сарин 21-д батлгдсн Хальмг Автономин муҗин тогтаврар, Элстд цецрлг бүрдәх шиидвр авгдла. Терүнә дотр футболын, волейболын, баскетболын болн тәмрин наддын әңгс, халһна тир болн хаҗуһарнь умшлһна болн бичкдүдин талвңгуд, ус хулддг бичкн делгүр, бийән уһадг орм бәәх зуралгдсмн. Тиим төсв «Амрлһна болн сойлын цецрлгин туск» тогтавр Элст балһсна Президиумин хүүв 1937-гч җилин июль сарин 20-д батлҗ авсмн. Цецрлгт Элстин ө-шуһу моддын әңгәс урһмл модд 25 гектарт суулһсмн. Тер саамд цецрлгиг хашаһар хаасмн. Хальмгудын Алдр Баатрльг Җаңһр дуулврин 500 җилин өөнд нерәдәд, 1940-гч җилд сән таалд сексмн. Тер цагт энүнд стадион, парашютнын бәәшң, Ноһан театр болн аттракционмуд белн болсн бәәсмн[1].
Дәәнә цагт болн дәәнә хөөтк җилмүдт цецрлг икәр эвдрсмн. Хальмгин автономнин муҗг бүрдәгдсн кемд экләд хәрү сергәгдсмн. 1965-гч җилд цецрлгт Гражданск болн Төрскән харсгч Алдр дәәнә Баатрмудын комсомолын, партизанмудын санлд нерәдсн ниилг тәвгдсмн[2]. 1972-гч җилд ар үзгин оруллһиг «Хальмг, цецгәрич!» нерлһтә панно батлҗ кеерүлсмн[3]. 1990-гч җилд Хальмгин Баатрльг Җаңһрин дууч Ээлән Овлан бумб секгдсмн[4]
1990-гч дунд җилмүдт цецрлг хүврҗ шинрүлгдсмн. Тер саамд «Алтн Босх» цецрлгин ордг мөр болсмн, «Цаһан Аав» (Белый Старец) урн бәрмл тәвгдсмн[5], «Баатрмудын аллей» мемориальн ниилг шинрүлгдсмн, Б. Б. Городовиковин бумб секгдсмн, әмтн йовдг хаалһин хаҗуһар шамин панрмуд тәвәд, кеерүлин сегмүд тосхгдсмн. Тер саамд Диилврин талвңг бүрдәхин төлә, кафе болн ресторанмуд, әмтн йовдг хаалһс тосххин төлә зәрм моддыг уга кесмн.
Темдгтә ормс
- Бурхн Багшин көшг Элстд.
- «Көвүн Лу хойр» усна хагдл.
- «Алтн Босх» ордг мөр.
- «Хазг-ахнртан» салын чолун.
- «Би» урн бәрмл.
- «Цаһан Аав» урн бәрмл.
- Баатрмудын аллей.
- «Сарин лит» дорд үзгин намбан сег.
- Ээлән Овлан бумб — Хальмгин сойлын үвин объект.
- Гражданск болн Төрскән харсгч Алдр дәәсин баатрмудин Мемориальн ниилг — Элст балһснд бәәх Мемориальн ниилг. Мемориальн ниилг Хальмг Таңһчин сойлын үвин объектмудын тоод орулгдсмн. Элст балһсна Иньгллт цецрлгт бәәнә. — Хальмгин сойлын үвин объект.
- «Хальмгин йос харсгч цергчнрт» көшә.
- Кировин бумб — Хальмгин сойлын үвин объект.
- «Хальмг, цецгәрич!» панно —Хальмгин сойлын үвин объект.
- «Бортха» нерлһтә урн бәрмлтә булг — Хальмгин сойлын үвин объект.
- Хар ө-модд — бус-нутгин йиртмҗин бумб.
- «Уралан» стадион.
Зургуд
Бортха булгин хаҗуд бәәх сег
Җаңһрч Ээлян Овла
Цецрлгт өлгәтә номин тугмуд
Бумбсин ниилг
Темдглл
- ↑ Элистинский курьер, № 41 (200) от 18 октября 2012 года. Дата обращения: 1 Һаха сарин 2025. Архивировано 5 март сарин 2016 года.
- ↑ Достопримечательности (рус.). g-elista.ru. Дата обращения: 3 Һаха сарин 2025. Архивная копия от 26 Мөчн сарин 2012 на Wayback Machine
- ↑ Декоративно-скульптурное панно «Цвети, Калмыкия!» у входа в парк «Дружба» (рус.). tourism-kalmykia.ru. Дата обращения: 1 Һаха сарин 2025.
- ↑ Ансамбль «Джангарчи Ээлян Овла». Дата обращения: 1 Һаха сарин 2025. Архивировано 4 март сарин 2016 года.
- ↑ Цаган Аав (Белый Старец). Дата обращения: 1 Һаха сарин 2025. Архивировано 4 март сарин 2016 года.
Утх-зокъял
- Республика Калмыкия. Календарь знаменательных дат на 2013 год / Сост. Сангаджиева В. В., Алексеева Д. А. Ред. Аргунова О. Е. Отв. за изд. Уластаева Н. Б. — Элиста : Национальная библ. им. А. М. Амур-Санана, 2012. — 70 с.