Карвин Карвена Лиҗ
| Карвин Лиҗ | |
|---|---|
 | |
| Нерн | Карвин Карвена Лиҗ |
| Бүрн нерн | Карвин Карвена Лиҗ |
| Һарсн җил-өдр | 1887 |
| Төрсн һазр | |
| Нас барсн җил-өдр | 1930 |
| Нас барсн һазр | |
| Иргншл |
 Орсин хаата орн РСФСР СССР |
| Мергҗлнь | общественный и политический деятель, член Калмыцкого ЦИК, журналист, первый председатель Большедербетовского улусного комитета |
| Супруга | Карвина Исан Хоңһр |
| Күүкднь | Гилана, Санҗ, Савр, Борис |
Карвин Карвена Лиҗ (орс. Карвин Лиджи Карвенович (Карвенов); 1887, Баһа Бурул[d], Хальмг Автономн Советск Социалистическ Республик — 1930, Саратов балһсн) — хальмгин ниигмин болн төршлтин үүлдәч, шүлгч, седкүлч, 1920-гч җилмүдт Хальмгин Автономиг босхлһна зүткәчнрин негн, Хальмгин ЦИК-ин гешүн, хальмгин утх-зокъялын болн седкүлин үндсләч, Ик-Дөрвдин улусин комитетын түрүн толһач.
Намтрнь
1887-гч җилд Ставрополин губернин Ик-Дөрвдин улусин Баһ-Буурл хотнд төрсмн. Эк-эцкнь бәәхтә бәәсмн. Эдн чолун гермүдт бәәршлҗ бәәсмн. Негнднь Советин йосна цагт Башнтин техникум бәәсмн.
Карвин Лиҗ Ставрополин багшнрин семинарийиг төгсәсмн, Киевин Ик сурһуль төгсәсмн, Санкт-Петербургд Ик сурһульд сурч йовсмн.
Карвин Лиҗ хальмгин утх-зокъялын болн седкүлин үндсләч болна. 1906-гч җиләс авн «Северокавказский край» газетд үүдәврмүдән барлсмн. Октябрьск революцин хөг 1917-гч җилд «Улан хальмг», «Улан тег», «Калмыцкий пахарь» (Улан һазр хаһлч), «Красный Дербет» (Улан Дөрвд) газетмудт барлгддг бәәсмн.
80 шаху шүлгүд бичсмн («Хоосн толһа», «Әркәс көлтә», «Беибин Андран хүрм», нань чигн) болн хальмг келәр цөөкн поэмс[1]. 1922-гч җилин алднд Карвин 850 хальмгудын олн әмтнә дуд болн 700 үлгүрмүд болн хурц үгмүд бичҗ авсмн.
Карвин Лиҗ Башантин техникум ахлҗ йовсмн — тер цагт Хальмгин мергҗлин һанцхн дунд сурһуль бәәсмн. Лиҗ олна эрдм-сурһулин бүрткәчәр көдләд, хальмг келнә багшнрт сурһуль бүрдәнә. 1920-гч җилд Карвин Лиҗ Чилгр селәнд болсн Цугхальмгудын Советин I-гч чуллһна төләлгч бәәсмн[2][3]. Большвикудын шиидврәр Ик Дөрвдин улусин комитетын түрүн толһачар тәвгднә[4][5].
Карвин Лиҗ 1920-гч җилмүдт Хальмгин Автономиг босхлһна зүткәчнрин негн, Хальмгин ЦИК-ин гешүн бәәсмн. Хальмг автономиг тогтсна дару цуг хальмгудын цуг әңгсиг негдүлхәр шунсмн. Теңгин, Уралын болн Терекин көвәһәр бәәсн хальмгудыг дуудсн күн; хальмгуд бәәршлҗ бәәсн һазриг төгәләд, үрвр кеһәд, бийнь тер нүүлһнд орлцсмн. Иҗлин хальмгудыг хазгудын тоод орулхас хөрсн күн бәәсмн.
Нег цага улсин герчллтәр, Карвин Карвенә Лиҗ В. И. Ленинта хальмгудын иргчин төрмүдиг бичгүдәр хәрлцҗ хаһлҗ йовсмн. Тер бийнь, коммунистнрин болхнь, социал-демократмудын хәләцтә бәәсмн. Карвин Лиҗ хальмгудыг эрдм-сурһульд орулхар, медрл өгхәр шунад йовсмн.
1929-гч җилд бәрәнд тусна: олн җилмүдт контрреволюционн үүлдвр кесн гиҗ гемнүлгдәд, дәкәд Гражданск дәәнә цагт цаһан цергин генерал А. И. Деникин тогтасн Әрәсән өмн үзгин дәәчнрин Кавказин Әәрм (КАВСЮР) залҗ йовсн төләд, тер саамд Карвин Лиҗиг КАВСЮР Ик Дөрвдин уездын заллтын толһачар тәвсн бәәҗ.
1930-гч җилд терүг хаһад алсмн. 1989-гч җилин март сарин 16-д энүнә нернь цеврлгдсмн.
Өрк-бүлнь
Гергнь — Карвина Исан Хоңһр(1888—1937), 1929-гч җиләс авн 1937-гч җилмүд күртл кесг дәкҗ бәрәнд орад йовсмн.
Күүкднь: күүкнь — Гилана, 1910 җилд төрсмн, хойр дәкҗ цааҗла харһсмн, 10 җилдән НКВД-н түүрмд суусмн. Көвүднь: Санҗ, 1914-гс җилд төрсмн, цааҗла харһад, Колымад 1937-гч җилд өңгрсмн; Савр, 1926 җилд төрсмн, болн Борис, 1928 җилд төрсмн, эцкнь бәрәнд орулсна хөөн өнчн бичкдүдин герт йовулгдсмн.
Темдглл
- ↑ Глава VI. Культура и просвещение в Калмыцкой АССР (1917—1941 гг.).4. Развитие науки, литературы и искусства. Дата обращения: 3 Бар сарин 2025. Архивировано 11 Үкр сарин 2019 года.
- ↑ К 100-летию автономии Калмыкии: взгляд в прошлое. 2 июля 1920 г. Первое заседание. БУ РК «Национальный архив» (26 Лу сарин 2019). Дата обращения: 3 Бар сарин 2025. Архивировано 22 Мөчн сарин 2021 года.
- ↑ Глава II. Калмыкия в годы Гражданской Войны. 4. Образование Автономной области калмыцкого трудового народа. Дата обращения: 3 Бар сарин 2025. Архивировано 6 Хулһн сарин 2014 года.
- ↑ Глава X. Калмыкия во время первой мировой войны и февральской революции. 2. Калмыкия в Февральской революции 1917 г. Дата обращения: 3 Бар сарин 2025. Архивировано 15 Така сарин 2015 года.
- ↑ Глава I. калмыкия в период подготовки и проведения (март 1917—июль 1918 г.). 1. Создание буржуазных национальных органов управления после Февральской революции. Борьба калмыцкого народа за разрешение земельного и ловецкого вопроса. Дата обращения: 3 Бар сарин 2024. Архивировано 21 Така сарин 2015 года.
Утх-зокъял
- Джимгиров М. Э., Писатели советской Калмыкии. — Элиста: Калмыцкое книжное издательство, 1966. — 223 с.
- Устюгов Н. В. Очерки истории Калмыцкой АССР. — М.: Издательство «Наука», 1967—1970.
- Алексеева П. Э. Большедербетовский улус. // Хальмг унн, 2002, така сарин 3 (13 июля).
- Манджиев Н. Ц. Кердата и кердатинцы. — Элиста: АПП «Джангар», 2004. — 528 с.
- Фадеев М. К. Военное строительство в Калмыкии в период гражданской войны. — Элиста, 2004. — 273 с.
- Убушаев Е. Н. Советско-партийный аппарат Калмыкии: становление и развитие руководящего состава : 1917 — 30-е гг. XX в. — Астрахань, 2005. — 188 с.
- Манджикова Л., Башанкаев В. Башантинский техникум наш. — Элиста: АПП «Джангар», 2005. — 367 с.
- Очиров У. Б. Калмыкия в период революции и Гражданской войны : 1917—1920 гг. — Москва, 2007. — 450 с.
- Северцев О. В. Политические процессы в Калмыкии в 1917—1920 гг.: поиски форм национального самоопределения. — Ставрополь, 2007. — 282 с.
- Манцаева Т. Б. Политические репрессии в Калмыкии во второй половине 1920-х — 1930-е годы. — Элиста, 2010. — 199 с.
- Сартикова Е. В. Государственная политика в сфере школьного образования в Калмыкии в XX веке: компаративный анализ и оценка. — Элиста, 2012. — 475 с.
- Кокшунова Л. Е., Джимбинов К. Д. Судьба семьи — судьба народа. — М.: Океан мудрости, 2017. — 349 с.