Красный калмык (Өдрин соньн)
Красный калмык (орс. Улан хальмг) — Канука Харти болн Хомутникин Василий хойрин зокан бәәһүлҗ, 1919 җиләс авн 1920 җил күртл хальмг болн орс келәр барлгдҗ кевлгдҗәсн хальмгудын түрүңк цергин өдрин соньн.
Түүкнь
Әрәсән Иргнә дәәнә үйд 10-гч Улан Цергин Хальмгин цергин әңгсин улс-төрин кесг түрүн болҗ барлсн халхс (листовкс) болн «Улан хальмг» гидг нертә цергин өдрин соньныг барлад кевлҗ һарһх көдлмш эклв. Соньна үүскен бәәһүлгчнь болн барлҗ кевлх көдлмшиг зокан бәәһүлгчнрнь — Хальмгин 1-гч мөртә бух-цергиг үүскн бәәһүлгчнрин негнь Канука Харти болн Хальмгин 1-гч мөрн цергин бух-цергин ахлач Хомутникин Василий болв[1].
Соньна түрүңк тойгнь 1919 җилин октябрь сард Саратов балһсна барин герт кевлгдҗ һарв. Эн хальмг цергин өдрин соньн Саратов балһснд хальмг болн орс келәр барлгдҗ, дөрвн миңһн хүв барлгдҗ һардг бәәҗ. Ут тоодан 1919 җиләс авн 1920 җил күртл «Красный калмык» гидг өдрин соньна 36 тойг барас һарв.
1920 җилин сүүләр «Красный калмык» гидг өдрин соньн барас һардган уурв.
Ном-зү
- Ташнинов Н. Ш., Очерки истории просвещения Калмыцкой АССР, КНИИЯЛИ, Элиста, 1969 г., стр. 24
- Дякиева Р.Б., Журналистика Калмыкии: история и современность, изд. Жангар, Элиста, 2001, стр. 8
Темдглл
- ↑ Дякиева Б.Б. Библиографический указатель средств массовой информации Калмыкии. XX и XXI вв. Элиста, Изд-во КалмГУ, 2018, С. 7