Квадробер
| Квадробер | |
|---|---|
 | |
| Үүскснь | 2020 |
| Делгрлтнь | Цуг делкә |
Квадробер (латин келнә quattuor — «дөрвн» болн англь келнә aerobics — «аэробик») — квадробик эс гиҗ хальмг келнд үгчләд орчулсн хүвлврт «дөрвлҗн дасхл» кедг күн, алвн биш спортын төләлгч, 7-14 наста күүкд, өсвр үйихнә дотад сойлын төләлгч. Квадробермуд адусна маск зүүҗ, теднә заң-бәрциг дурадг болна[1].
Квадробермудын үүлнь ниигмд ик темцлдә һарһад, гүн ухантн, мергҗлин седкл зүүч, седкцин эмчнр, төрин зүтклтнр чигн күүндврт орлцв[2].
Орсин Холвана Улст квадробериг соньрхҗ бәәдгнь хулд-гүүлгәчнриг теднд зөрүлҗ, теднд кергтә бүтәгдл үүлдврлҗ авхд түлкц болсн болҗ. Базрт болн интернет гүүлгә кедг һарзмудт квадробермудт зөрүлсн болн теднд эсрг үнртә усн, үслг эдлл, хот-хол болн талдан бүтәгдл һарч ирв. Түүнлә ямаран чигн холва уга бүтәгдлиг чигн эн дотад сойлын юмн гиҗ суртчлҗ бәәв[3].
Һазадын дүрснь болн заң-бәәдлнь
Квадробермуд бийдән зокаста таньҗ бәәһә адусна дүриг суңһҗ, түүнә дүриг дурасн маск, хуурмг савр, чикн, сүл зергиг ашглҗ бүтәдг. Квадробермуд икңкдән бий дааһад, хувцна бүтциг бүтәҗ, көдлгәнә зәрм төләлгчнр бүкл-бүтн адусна хувц өмсҗ, түүнә йовдл-көдлгәг дураҗ, талдан квадробермудта хәрцҗ, «сүргин» шатлын бәәр-сүүрән тодрхалдг[4].
Гүүх, өсрх, өвсн деер тогльх гидг зүүлсиг квадробермуд күцәҗ сәәҗрүлдг янз-бүрин элементмүд байдаг. Квадробикт бишрәчнр дүрмүдтән зөрүләд, түүкән зокаҗ, офлайн болн онлайнар бөлгүдән үүскҗ, багцмудан хураҗ, олн ниитин сүлжәнд видео бичлг кеҗ[5], нег-негләһән дамшлтарн хувалцад бәәдг[6].
.
Спорт болн дед сойл
Квадробермуд аэробикин дасхлмудыг кедг: бәәрндән гүүх, тотхриг давад өсрх болн нань чигн. Үүнлә хамдан квадробермудын дүрнь дед сойлд таару олн шинҗ темдгтә бәәдг. Иим хольсн бәәдләс болҗ, квадробермудыг алвн биш көдлгәнә төләлгчнр гиҗ хойрдмл утх угаһар тодрхалх болмҗ уга болна. Зуг, дед сойлнь спортар кицәлх, үлгүрлхлә, хоббихорсинг болн нань чигн бүрн кемҗәнә спортын салвр болҗ көгҗдг үлгүр бәәнә[7].
Квадробермуд, терианмуд, фуррис
Квадробермудын дүрнь талдан нег дед сойл болҗах фурри эс гиҗ хальмг келнд үгчләд орчулхла, «үслг эдллтә» өөрхн болна. Зуг эн хойрт үндсн йилһән бәәдг: квадробермуд адусна йовдң аль чадсар нәрн кевәр дурадгиг кицәхлә, фурри (үслг эдллмүд) антропоморф (күүнлә әдл) адусиг дүрслдг. Квадробермудын һол төлв аэробикәр кицәлхлә, фурри эврәннь дүриг урн бүтәлч бәәдлд ашглад бәәдг[8]. Квадробермудын дунд зәрмдән терианмуд эс гиҗ териантропмуд һарч ирдг, эдн адус дурах биш, бийән адуснла тодрхалдг әмтн болна[9].
Түгәмл бәәдлин үзгдл
ВКонтакте ниигмин сүлҗәнә квадробермудын түрүңк ниигмлг 2022 җилин март сард бәәһүлгдв. 2024 җилин октябрь сарин бәәдләр ниит 17.503 орлцачта 46 иим бөлг бәәв. Рунет деерк тархлтын цар күрәһин үүднәс авч үзхлә, квадробингнь ач-холвгдл уга үзгдл болна[10]. Зуг, 2024 җилин август сарин 31-нд Надым балһснд болсн дууч Mia Boyko концертын цагт квадробер күүкн тәәз деер һарч ирснә[11] дару кевлл медәллд, олн ниитин сүлҗәнд эн седвәр һарч ирдгнь үлү немгдәд ирв (өдрт 5.1-әс авн 30 миңһн дәкҗ һардг болв). Холвана Зөвллин сенатормуд, Төрин Думын гешүд, кевлл медәлл, улс төрин технологин салврин мергҗлтнрин орлцатаһар олн ниитин өргн келлцән эклв[10].
«Ода эн седвиг үзл-бодлын һардачнр, улс төрчнр идвктә келлцҗ бәәһәд, шин видео болһн һарч ирх эс гиҗ шин медгдл болһна дару эннь шин келлцәнд ордг», — Игорь Лащевский, AГT холвана агентствин ахлач[10].
Ниигмин хандлһнь
Ниигмд квадробермудыг тал-талданар авч үздг. Зәрмнь күүкдин хобби, бийин тәмрин дасхл сурһуляс болҗ ашг-туста гиҗ үзәд, нас өсх дутм эннь түр-зуурын үзгдл болна гиҗ үздг[8]. Үүнлә хамдан квадробермуд күүкд, наснд күргчнрт өсрҗ, хазх-зуух йовдлмуд бәәнә[12]. Олн седкл судлачнр квадробикд дурлхнь күүкдин седкцин гемиг илткнә гиҗ үздг[13]. Өсвр наста күүкдин дунд квадробер күүкд зәрмдән деерлкдг шахлтла харһна[14].
2024 җилин октябрь сарин 8-нд Орс, Эрмәлин Һазад кергин министрмудын алвн йосна харһлт деер Сергей Лавров Арарат Мирзоянас танад квадробер бәәх угаһинь сурв[15]. Мирзоян көдлгәнә талар меддг гидгән батлҗ авв. Эрмәләс ОХУ-д сууһа Элч Гурген Арсенян келхдән, Европин орнудт квадробермуд бийән «киисн» гиҗ тодрхалсн бәәдг[16].
ОХУ-ин Йирңкәлгчин кевллин сегләтр Дмитрий Песков РИА Новости агентствд өгсн интервьюдән Владимир Путин квадроберин тускар меддг эс меддгин тускар сурхд[17]:
«Уга гиҗ нәәдҗ бәәнәв [медхш]. [Теднә] нер-күндиг кетүлх керг уга». Өмннь Песков «квадробермудын көдлгәнь "бүрн тус уга зүүл"» гиҗ келсн[18].
Хазн балһснд болсн БРИКС-ин деед кемҗәнә харһлтын цагт Цаһан Орсин Йирңкәлгч Александр Лукашенко мана улст квадробер бәәнә, эс бәәнә гихин тускар сурхд Тиим керг бәәдго гиҗ хәрү өгәд, квадроцикл гидг үгиг ашглсн бәәв.
«Нә, йовцхана. Эн маскмудий? Биднд иим асудл уга. Тадн тегәд бүр шидрхн хууль батлулвт... Тер бузр үг юн билә? Чайлдфри (Күүкд уга болдгнь). Эннь манад хама уга, зуг би үүнә тускар аль кедү күүндв чигн, би энүг күслго бәәнәв. Үннәр келхлә, эн квадроциклмуд манад харахн уга болна».
2024 җилин октябрь сард Воронежин зәрм ниитин хот-хоолын һазрмудын үүднд квадробер күн орхиг хөрглсн тусха темдгүд һарч ирв. Бәәһүллһсин эзнә тәәлврлсәр иим наалтыг түргн хот-хоолын сүлҗәнмүдин аль негнә дару бәәрүләд, хәрн эсргәрн квадрубермудыг эврә бәәһүллһст орхиг зөвшәрсн: «Иим дурн-соньрхлнь зөвкн баһчудын хор-көнәлтә хоббиг өргҗүлдг»[19].
Хууль-тогтамҗин зокцуллт
2024 җилин октябрь сард Төрин Думын гешүн Сергей Колунов квадробер күүкдин эцк-экчүдт хәрүцлһ тооцхиг санл болһв. Үлгүрлхлә, эцк-эк бәәх эркиг хасх, закрһана болн эрүһин хәрүцлһ күләлһх. Орлгч саначлһан Йирңкәлгчин хаҗудк Күүкдин эркин медәлчин алвнд илгәв[20].
2024 җилин октябрь сард Төрин Думын кесг гешүд 16 наснас авн наснд күрәд уга улс болн квадробермудын алвн йосна төләлгчдт зөрүлсн Закрһана хуульд немлт, сольлт орулхар белдҗ эклв. Улс болн теҗәвр адуснд хальдсн йовдлд балмдын гемтә керг үүлдҗ, 5 миңһн арслңгин торһуль өгхәр төлвлҗ бәәнә. Кемр квадробер 16 нас күрәд уга болхла, эцк-экнь үүргән эс күцәх йосар асрх токалдлд 500 арслңгин торһуль татҗ болна[21].
Узбекистана Дотад кергин министерствин медәһәр күүкд квадробик кех күсснь — эцк-экнь үүргән эс күцәхд үзнә. Үүнә төлә 1.875 сай сум мөңгнә торһуль татдг, эннь өөрлцәһәр 14 миңһн арслң болна[22].
Базрин хәрүлт
Дунд тооллар ОХУ-д квадробермудын барана эрлт 2024 җилд 12 дакҗ немгдәд ирв, Санкт-Петербургд 37 дәкҗ, Москвад өөрлцәһәр 45 дәкҗ немгдсн бәәнә. Маск, «савр», чикн, сүл, адусна гермүд, девскр, сурһлтын курс, стилист үүлчлһән болн нань чигн базрт өргн тархсн бәәдг[23][24]. 2024 җилин октябрь сард квадробик кедг улст зөрүлсн хот-хоол базр деер һарч ирв. Хот-хоолын бүтцд: элсн шикр, какао цөцгин тос орлулгч — усн модна тосн, какао масс, шар үснә нунтг, тослг уга үсн, кокосын тосн, какао-талхн, шахмл үр-тәрәнә бүтәгдл (цаһан буудя, улан буудян һуйр, элсн шикр, какао-талхн, давсн)[25].
Фонтанка.ру гидг нертә өдрин соньн квадроберт зөрүлсн бүтәгдлин тусха төөмиг белдәд авч. һарар кесн бүтәгдл олнд тааста болҗ: базр деер хуурмг үслг сүл 200-300 асрлң үнтә болв чигн, сүл, чикнд зөрүлсн 1.5 метр хуурмг үснь 6000-7000 арслң үнтә бәәв. Үнр үүлдврлгчнр «йоста квадробер»-т зөрүлсн үнр болн мөн квадробериг көөх үнр (эннь кедмн, тарвс эс гиҗ альмна үнр гиҗ медгддэ) үүлдврлҗ эклв. Сурһлтд зөрүлсн хувц болн әластик тодхрнь хулдд һарһв (900-4000 арслң), мергҗлтә хувц зокагчнрин хувцнь — 20,000-30,000 арслң күрх костюм бүтәхд белн бәәв. Йирин хувц хулддг улс «барсин кеетә шалврнь маркетингин күчн чирмәлтәр "квадроберин шалвр" болҗ хүврәд одв» гисн нөкцл-бәәдлиг ашглхиг орлдв[3].
Немлт медән
Спортын дасхлҗулгч Виктор Мануэль Испаньд Тарзан көдлгәг үүскн бәәһүлҗ, шевьнртән приматмудын йовдң зааһад, эннь бийиг батрулх, седкцин эрүл мендиг сергәхд туслдг гиҗ бәәнә. Мануэль җилин турш видео бичлг кеһәд, интернетәр зарҗ тархадг[26][27].
Темдглл
- ↑ [1]
- ↑ Ошибка цитирования Неверный тег
<ref>; для сносок:0не указан текст - ↑ 1 2 [2]
- ↑ [3]
- ↑ Сходка квадроберов
- ↑ [4]
- ↑ [5]
- ↑ 1 2 [6]
- ↑ [7]
- ↑ 1 2 3 [8]
- ↑ [9]
- ↑ [10]
- ↑ [11]
- ↑ Фурри и квадроберы: в чем опасность сомнительных субкультур?
- ↑ [12]
- ↑ [13]
- ↑ [14]
- ↑ [15]
- ↑ [16]
- ↑ Депутат Колунов предложил ввести ответственность для родителей детей-квадроберов
- ↑ "Приведут в чувство мам": названы будущие штрафы для квадроберов
- ↑ В Узбекистане пригрозили штрафами родителям квадроберов
- ↑ [17]
- ↑ [18]
- ↑ На маркетплейсах появился корм для квадроберов
- ↑ Living Life Like Tarzan
- ↑ Tarzan Movement