Кичгә Шалхга Төлә

Кичгә Шалхга Төлә
Кичгә Шалхга Төлә
Төрсн җил-өдрнь	1921
Төрсн һазр	Әәдрхнә губернь[d], РСФСР[d];
Нас барсн җил-өдрнь	1998
Нас барсн һазрнь	Элст, Орсин Холвана Улс;
Орнь	СССР; Орсин Холвана Улс
Шинҗлх ухана салврнь	филологий
Аҗлын һазрнь	Хальмгин Ик сурһуль, Әрәсән номин Академин Хальмг келнә, утх-зокъялын болн тууҗин номин шинҗллтин институт
Номин зергнь	Филолог номин доктор
Юуһарн алдршснь	Җаңһрин шинҗләч

Кичгә Шалхга Төлә (орс. Ки́чиков Анато́лий Шалха́кович; 1921, Әәдрхнә губернь^[d] — 1998, Элст) — Хальмгин номт, бичәч, зокъялч, филолог номин доктор, Җаңһрин шинҗләч, Төрскән харсгч Алдр дәәнә орлцач, О. И. Городовиковин нертә Хальмгин мөрән мөрәлч.

Намтрнь

1921-гч җилд нүүдлчин өрк-бүлд төрсмн. Школан төгсәчкәд, 1939-гч җилд Әәдрхнд Хальмг багшнрин техникумд орад, 1941-гч җилд төгсәсмн. Баһ Чонсин әәмгт орс келнә багшар көдлҗ йовсмн.

1942-гч җилд Грозный балһсна Цергин году авиационн училищд сурад, эврә дурарн фронтд одсмн. Ар Кавказд дәәлдҗ орсмн.

Төрскән харсгч Алдр дәәнә хөөн гертән хәрдг арһ уга болад, Дунд Азийд одад, Хасгин болн Узбекистана эрдм-сурһулин тогтлцанд көдлҗ йовсмн. Тер цагт Семипалатинскин багшнрин институт (рус.) (хал. төгсәсмн.

1957-гч җилд Хальмг АССР-иг хәрү босхсн цагт төрскндән ирәд Элстд Хальмгин багшнрин училищ толһалсмн.

1964-гч җилин март сард диссертацан харсад, Әрәсән номин Академин Хальмг келнә, утх-зокъялын болн тууҗин номин шинҗллтин институтиг ахлсмн. 1966-гч җилд тер институтд «Җанһрин шинҗллтин» әңгиг ахлсмн.

1998-гч җил күртл Хальмг Ик сурһульд хальмг утх-зокъялын кафедрин профессорар көдләд бәәсмн.

Үүдәлтнь

Кичгә Төлә түрүн келврнь «Орһдул» теҗг бәәсмн. Тер теҗг 1957-гч җилин май сарин 9-д «Хальмг унн» газетд барлгдсмн. Келврмүдән болн зурцмудан Кичгә Төлә Хальмгин барин халхсд барлад бәәсмн. Хальмгин утх-зокъял шинҗлҗ шалһлҗ йовсмн, хальмгин бичәчнрин туск ниитллмүд «Теегин герл» альманахд болн «Хальмг yнн» газетд орулад бәәсмн.

Номин үүлдврмүднь

Әрәсән номин Академин Хальмг келнә, утх-зокъялын болн тууҗин номин шинҗллтин институтд Җаңһрин шинҗллтин әңгиг Кичгә Төлә һардҗ йовсн цагт энд Җаңһр баатрльг дуулврин 25 бөлг барас һарсмн. Кичгә Төлә Хальмг келнә диалектологий, лексикографий шинҗлҗ номин ниитллмүд тогтасн күн.

Темдглл

↑ Anatolij Salhakovič Kičikov // MAK (польск.)

Сурвлҗс

Учёный-джангаровед. К 90-летию со дня рождения доктора филологических наук, профессора КГУ Анатолия Шалхаковича Кичикова // Элиста, Калмыцкий государственный университет. — 2012. — С. 24.
Джимгиров, М. Э.. Писатели советской Калмыкии. — Элиста: Калмыцкое книжное издание, 1966. — С. 203—205.

Натыров А. К.. Материалы научных чтений, посвященных памяти профессора А. Ш. Кичикова. — Элиста, 2002. — 304 с.

П. Э. Алексеева, Е. Н. Бадмаева, М. Б. Байсхланова, В. Ш. Санжиева. Кичиков Анатолий Шалхакович/ Учёные Калмыцкого института гуманитарных исследований Российской академии наук. — Элиста, 2001. — С. 177—181.

[_c8fc95716a3d7e09-1] Anatolij Salhakovič Kičikov // MAK (польск.)

[1]