Көдлмш эрклдг улсин өдр

День трудоголика
День трудоголика
Зүүл	Неофициальный
Темдглгднә	ежегодно
Җил-өдр	Июль сарин 5

Көдлмшт дурта улсин өдр (анг. Workaholics Day; орс. День трудоголика) — Көдлмшт дурта улсин өдр болхла, көдлмштән шамдҗ, мергҗлин төлә олн зүүлиг оркхд белн улсин байр болна. Җил болһн июль сарин 5-нд делкән олн орн-нутгудт темдглдг.

Эн алвн биш өдриг көдлмш эрклҗ көөхәс үүдлтә сөрг үр-дахврин тускар олн ниитд медүлх, көдлмш эрклдг улсин әмн-насна бәәдлән сольх седл төрүлх зөрлһәр зокан бәәһүлгдсн өдр.

Көдлмшт дурта улсин өдрин урань «Бидн әмд бәәхин төлә көдлҗәнәвидн, хәрн эсргәрн биш» гидг келлг болна^[1].

Түүкнь

Workaholics Day гидг нертә алвн бишин эн байр АНУ-ас һарлта болв чигн, цагин йовдлар делкән олн орн-нутгт, тер дунд Әрәсәд чигн темдглҗ ирсн бәәнә. Эн болхла, гер-бүл, нәәҗ-нөкд, хәәртә әмтнәсн көдлмшиг, көдлмшин талар девшлтиг деегүртнь тәвдг улсин байр болна. Эннь «Көдлмштән ходнгиг» үлүд үздг улс болдг.

1971 җилд Америкин седкл-зүүч, шаҗна номлгч Уэйн Эдвард Оутсин «Көдлмшт дурта күүнә намнчлл» (Исповедь трудоголика) гидг нертә дегтр барлгдҗ һарсна дару «Көдлмшин эрклт» (трудоголизм) гисн нер-томья һарч ирв. Эн нер-томьяг түүрвәч күүнә эрүл-мендд аюл учрулдг тасрлт уга көдлх кинлт уга кергцәг тәәврлхд ашглҗ бәәв.

Оутс көдлмш кех дурта күүг «көдлмшин эрлт кергцәнь теңцш уга ик болад, гер-бүл болн талдан керг-үүлд сөрг үр-дахврта болна^[2]» гиҗ тодрхалҗ бәәв.

Көдлмшт дурта улснь дарани шинҗ-чинртә бәәдг:

Көдлмшнь хамгин түрүнд бәәдг
Седклин түгшүрнь немгддг
Хүвин әмдрл бәәдго
Эврә ик аҗллҗ-көдлдгиг үздго болад меддго^[3].

Аҗл-көдлмш эрклхнь — күүнә хамгин түгәмл ховдглл негн болна. Эннь көдлмшт кет ик оньг өгх, әмдрлин ондан соньрхл уга бәәхнь эрүл-менд, гер-бүл, хүвин әмдрлд сөрг үр-дахврт күргдг^[4]. Оутс көдлмш-аҗлын күнд-кецү ховдглдгиг әркдллә әдлхн шинҗ-чинртәг темдглҗ, ондан төрлин химин болн седкл зүүһин хамарлта иҗл төстә бәәдгиг тодрхалв. Аҗл-көдлмшт орхнь күүнә седкцин төлв бәәдлиг сольх хаалһар көдлмшт шамдҗ орад, бодта бәәдләс зулх йовдл болдг^[2]. Ик аҗл-көдлмш кех, нөр уга бәәх, амрх болн амрлтын өдрмүдиг оркхнь уурлх невроз, оньг уга бәәдл, медрлин тогтлцана эмгг, гем-өвчнд күргдг. Мөн аҗл-көдлмшнь ашг-тус, седкл-ханмҗ авч ирдгән уурна.

Седкл судлачнр аҗл-көдлмш эрклтин үндсн һурвн шинж-темдгиг тодрхална:

аҗл-көдлмш кех дотад шахлһн медрмҗ,
көдлх биш цагла көдлх ухан-санан,
әмдрлин талдан салвриг дутаҗ, кем-кемҗәнәс кетрүлн көдлх.

Көдлмшт дурта улсин өдрнь амрх, хәәртә улсла хамдан цаг өңгрүлхиг санулдг өдр болна.

Улмҗллнь

Көдлмшд дурта өдрт бийән болн хамда көдлх көдләчнрин мергҗлин амҗлт, хүвин өслт-көгҗлтинь магтдг заңшалта. Зуг, үүнлә зерглцәтәһәр көдлмш-әмдрл теңцүлҗ бәәхин чухлыг әмтнд санулх кергтә^[5].

Та эврән нег өдр амрх эс гиҗ аҗл-көдлмш зогсл уга кедг күүнд асрх оньг тәвсәр темдглҗ болна.

Соньн медәнь

Аҗл-көдлмш эрклхин шилтәнь — төгс бәәдл, бийән үнлх чадвр уга бәәдл, шиидмгә биш бәәдл, ичмхә бәәдл, бодта әмдрләс зулх, амҗлтд күрхиг зүткх йовдлмуд болна.

Көдлсг болн көдлмш эрклдг бәәдлин йилһәнь — көдлсг күн соньрхлтаһар, байртаһар көдлдг, көдлмшнь — теднә әмдрлин зөвкн нег кесг, бийән ухамсрлх арһ, бийән болн гер-бүлдән эд-мөңгәр сән-сәәхн бәәдлиг хаңһах болмҗ болна. Тедн гем-буруһан медл угаһар байсҗ, гер-бүл, нәәҗ-нөкд, амрлт, хобби гих мет кедүхн байр авдг арһта бәәдг. Көдлмшт дурта бәәдг улс ямран чигн амрлт уга, ик догдлҗ, стресст ордг. Тедн көдлмштән ховдлглад бәәдг. Тедн әмдрләс байр авх болмҗ уга^[2].

Көдлмшт дурта улсин даву талнь аль кергиг шиидҗ чадх хәрүцлһтә, үр-ашгта көдләчнр гиҗ тооцгддг төлә оңдан үлү хурдн көдлмш кедг^[5].

Ном-зү

Лукьянов Олег Валерьевич, Щеглова Элеонора Анатольевна, Неяскина Юлия Юрьевна. Современный психологический образ трудоголика человека, извращённо представляющего место и роль труда в его жизни // Вестник Томского государственного университета. — 2013. — № 376.

Рядинская Евгения Николаевна, Волобуев Вахтанг Вячеславович. Социально-психологические и личностные особенности проявления трудоголизма // Известия Саратовского университета. Новая серия. Серия Философия. Психология. Педагогика. — 2023. — № 1.

Колпакова М. А. Трудоголизм как аддикция // Бюллетень медицинских интернет-конференций. — 2014. — № 11.

Темдглл

↑ День трудоголиков (неопр.). Государственное казенное учреждение г.Москвы "Энергетика" (5 июля 2021). Дата обращения: 23 Хөн сарин 2024.
↑ ¹ ² ³ Колпакова М. А. Трудоголизм как аддикция // Бюллетень медицинских интернет-конференций : журнал. — 2014. — № 11.
↑ Всемирный день бикини, День трудоголика, Евсеев день: Какие праздники и приметы 5 июля (неопр.). Life.ru (5 июля 2023). Дата обращения: 23 Хөн сарин 2024.
↑ Сегодня отмечается День трудоголиков (неопр.). Молодёжная газета (5 июля 2023). Дата обращения: 23 Хөн сарин 2024.
↑ ¹ ² Юлия Козлова. День трудоголика в 2024 году: история и традиции праздника (неопр.). Комсомольская правда. Дата обращения: 23 Хөн сарин 2024.

[1] День трудоголиков (неопр.). Государственное казенное учреждение г.Москвы "Энергетика" (5 июля 2021). Дата обращения: 23 Хөн сарин 2024.

[:0-2] ¹ ² ³ Колпакова М. А. Трудоголизм как аддикция // Бюллетень медицинских интернет-конференций : журнал. — 2014. — № 11.

[3] Всемирный день бикини, День трудоголика, Евсеев день: Какие праздники и приметы 5 июля (неопр.). Life.ru (5 июля 2023). Дата обращения: 23 Хөн сарин 2024.

[4] Сегодня отмечается День трудоголиков (неопр.). Молодёжная газета (5 июля 2023). Дата обращения: 23 Хөн сарин 2024.

[:1-5] ¹ ² Юлия Козлова. День трудоголика в 2024 году: история и традиции праздника (неопр.). Комсомольская правда. Дата обращения: 23 Хөн сарин 2024.

[1]

[2]

[3]

[4]

[5]