Лесной хөрүлтә һазр (Хальмг Таңһч)
| «Лесной» региональн чинртә орн-нутгин йиртмҗин хөрүлтә һазр | |
|---|---|
| Категория ЙХНН — IV (Әмтә тоотиг болн эдн нугтлдг ормиг бүртклһнә девскүр) | |
| Һол тодлвр | |
| Аһу | 22 км² |
| Дунд өндрнь | 79 м |
| Бүрдәсн цагнь | 1989 җил |
| Бәәх ормнь | |
| 46°02′00″ с. ш. 42°08′00″ в. д.GЯO | |
| Орн-нутг | |
| Субъект РФ | Хальмг Таңһч |
| Ближайший город | Городовиковск балһсн |
Лесной — региональн чинртә орн-нутгин йиртмҗин хөрүлтә һазр. Хальмг АССР-ин Министрмудын Хүүвин 1989-гч җилин август сарин 2-т батлсн тогтацар бүрдәгдсмн[1].
Һазр-зү
Хөрүлтә һазр Хальмг Таңһчин Городовиков района Сарпулин өндрин дорд үзгин өмн бәәнә.
Һазрин көрсн
Хальмгин теегт ховр хар һазрта көрстә. Көрсиг алтн кимрлг, элстә мокн шавр тогтана[2].
Күслтс
«Лесной» хөрүлтә һазр энд бәәршлдг ховр аң-аһрусд харслһна төлә бүрдәгдсмн, тедн дунд: зерлг бодң, арат, бор туула болн нань чигн[1].
Хөрүлтә һазрин күсдтс[1]:
- йиртмҗин йирин бәәдлиг хадлһллһн;
- хатяр бәәдлтә аң-аһрусдиг зерлг бодң болн бор туулаг харслһна диглмиг тогталһн;
- экологийин теңцәг хадһллһн;
- тогтагдсн харслһна диглмиг нуралго номин шинҗллтин кергүд давулх;
- бәәрн улс дунд йиртмҗин көрңгин бәәдлиг хәәрлҗ эдлҗ, харсҗ хадһлдг дасхх зәңгллһн.
Аң-аһрусд болн урһмлмуд
Урһдг модд: хар модн, яңһг, җөкн, яшл болн нань чигн. Ноһан урһмлмуд дунд: хунчр, цаһан өвсн, һалун мәңгрсн, цаһалшг келкә цецг, алтн аг бәәнә[2].
Энд бодң, элвң, арат болн ховр бәәдлин зерлг така, сувср, ө-моддын шовуд харһна[2].
Күмни үүлдврин ашнь
Хөрүлтә һазрин хаҗуһар әмтн һазриг эдлхин төлә услснас иштә һазрин көрсн эвдрҗәнә: хар һазрин тогтацнь һалун уснас давсна хаг орад, хар һазриг ниилүлтәләд үрәҗәеә. Көрснә тегшин болн зураста эвдрлһн хар һазрин сән чинрнь баһрулҗана[2].
Темдглл
- ↑ 1 2 3 Постановление "Об утверждении Положений о государственных природных заказниках "Лесной", "Чограйский", "Каспийский", "Состинский", "Ханата" (рус.). docs.cntd.ru. Электронный фонд правовых и нормативно-технических документов (2008). Дата обращения: 1 Үкр сарин 2025.
- ↑ 1 2 3 4 Почвы заказника «Лесной». Дата обращения: 1 Үкр сарин 2025. Архивировано из оригинала 4 март сарин 2016 года.
Холвас
- сайт Минприроды Калмыкии. Архивировано из оригинала 13 Така сарин 2012 года.