Манҗин Лиҗин Олег
| Манҗин Лиҗин Олег | |
|---|---|
 | |
| Төрсн цаг-өдр | 1949 январь сарин 12 |
| Өңгрсн цаг-өдр | 2021 январь сарин 27 (72 года) |
| Өңгрсн һазр | |
| Гражданство (подданство) | |
| Мергҗл-үүлнь | писатель |
Манҗин Лиҗин Олег (орс. Манджи́ев Оле́г Лиджи́евич) (1949 январь сарин 12 — 2021 январь сарин 27, Санкт-Петербург балһсн[1]) — Әрәсән бичәч, нәәрүлгч, киносценарист. Хальмгин билг-эрдмин Ачта үүлдәч.
Намтрнь
Москвад А. М. Горькийин нертә утх-зокъялын институт болн Сценаристнрин болн режиссёрмудын өөдән чинртә ахр сурһуль төгсәсмн. «Өлзәтә хулһн хаана орнд» («Приключения Эльзятки в мышином государстве»), «Амулң» («Амуланга»), «Кеерүл боодһата көвүн» («Мальчишка с бантиками»), "Нег дууна хаалһ " («Дорога в один дун»), «Үрглҗд хәрәд ирх» («И вечно возвращаться»), «Бидн балһсар йовнавидн» («Мы по городу идём»), «Теңгрин булг» («Небесный родник») гидг түүкс болн «Негдгч айс тамин» («Ад номер семь») роман бичсн күн.[2]
Манҗин Олег бичсн сценармудар «Туркменфильм», «Казахфильм», «Мосфильм», Рижскин болн Свердловскин киностудьст фильмс һарсмн.
2021-гч җилин январь сарин 27-д, 72 настадан Санкт-Петербургд сәәһән хәәсмн[1].
«Урлдан» («Скачки») гидг түрүн дегтрнь 1972-гч җилд һарсмн. Хөөннь «Кеерүл боодһаста көвүн» («Мальчишка с бантиками») дегтрнь 1975 җилд һарсмн, «Җидин үзүрт» («Острию копья») гидг дегтр 1976 җилд һарсмн, «Бар җилд» («В год барса») дегтр — 1979 җилд, «Амулңг» («Амуланга») — 1987 җилд, «Теңгрин булг» («Небесный родник») дегтр 1982 җилд һарсмн. «Үрглҗд хәрәд ирх» («И вечно возвращаться» (1983 г.), «Дорога в один дун») дегтрнь — 1988 җилд барлгдсмн, «Өлзәтә хулһн хаана орнд» («Приключения Эльзятки в мышином государстве») (бичкдүдт нерәдсн тууль-түүк) болн «Доладгч тойгта айс там» («Ад номер семь») дегтмүд 2003 җилд барлгдсмн.
Үүдәврмүдән олн-зүсн газетмудт болн седкүлмүдт барлад бәәсмн.
Манҗин Олегин сценаряр зурһан ахр метрин болн дөрвн бүкл метрин художественн фильмс тәвгдсмн: «Сакман», «Долина смерти», «Бешеная», «Гадание на бараньей лопатке».
1984-гч җилд Манҗин Лиҗин Олегд кинорежиссермудын марһана мөрәлчин нерн зүүгдсмн, 1988-гч җилд — энүнд Латвийн кинематографистнрин Ниицәнә «Большой Кристоф» мөрә өгсмн.
1989-гч җилд Манҗин Олегд «Хальмгин билг-эрдмин ачта үүлдәч» нерн зүүгдсмн, «Гадание на бараньей лопатке» фильмнь СИФЕЖ нерлһтә Нутг-дундын мөрәһәр ачлгдсмн.
«Гадание на бараньей лопатке» фильмин сценарий бичсн төләдән 1990-гч җилд Хальмг АССР-ин О. И. Городовиковин нертә мөрәһәр ачлгдсмн.
Манҗин Олегин сценаряр тәвгдсн фильмс нарт-делкән 35 нутгудт үзүлгдсмн, тер мет 6 нарт-делкәсин мөрәһәр ачлгдсмн.
Эврәннь үүдәврмүдтән Манҗин Лиҗин Олег әмтнә шагшавдыг, хоорндк хәрлцән, санан-седкл шинҗлҗ, келн-улсин заң-авъяст темдгтә орм эзлдг цевр цаһан седклин чинрнь үзүләд йовсмн.
Үүдәлтин ик зунь хальмгудыг цааҗла харһулсн төрт нерәдгдсмн. Үүдәврмүдиннь һол дүрмүд түрү-зүдү йовдлд туссн бийнь, шагшавдыг заң-бәәртә болад, келн-улсиннь хадһлад йовдг авъясас давдго болҗ һарна.
Сүл җилмүдтән Манҗин Олег Санкт-Петербургд бәәсн бийнь, хальмг улста зогслго хәрлцдг бәәсмн.
2013-гч җилд Манҗин Олег Элстүр ирсмн, А. М. Амур-Санана нертә дегтрин саңд бичәч умшанртаһан харһлт давулсмн.
Ачлврмуднь
- Әрәсән бичәчнрин Ниицәнә гешүн болн Әрәсән кинематографистнрин Ниицәнә гешүн. Хальмг Таңһчин билг-эрдмин ачта үүлдәч.
- Ада Неретниеце тәвсн «Гадание на бараньей лопатке» (1988) фильмин сценарин түрвәч болад, «Большой Кристап (кинофестиваль)» кинофестивалин мөрәһәр ачлгдсмн.
- Хальмг АССР-ин О. И. Городовиковин нертә мөрән мөрәлч (1990).
Фильмсин җигсәлт
- 1987 җил — Амулң
- 1987 җил — Өшәһин огчм
- 1988 җил — Атта
- 1988 җил — Далан ясар белг бәрлһн (орс. Гадание на бараньей лопатке)
- 1989 җил — Мана бичкндк андһар
- 1991 җил — Гүүҗ йовх бә
- 1993 җил — Үрглҗд хәрәд ирх
Темдглл
- ↑ 1 2 Пришла печальная весть о кончине Олега Манджиева. Дата обращения: 1 Бар сарин 2025. Архивировано 30 Туула сарин 2021 года.
- ↑ Библус — Олег Лиджиевич Манджиев. Дата обращения: 1 Бар сарин 2025. Архивировано 26 Туула сарин 2016 года.