Москваһин тееврин өдр

Москваһин тееврин өдр
Файл:Москваһин тееврин өдр.jpeg
Зүүл	Мергҗлтнә өдр
Бәәһүлгдснь	2017 җ.
Үүскгч	Москваһин Засгин һазр
Темдглгднә	җил болһн
Җил-өдр	июля сарин хойрдгч Бембә өдр

Москваһин тееврин өдр (орс. Де́нь москóвского трáнспорта) — Москваһин тееврин көдләчнрин мергҗлин байр. Җил болһн июль сарин хойрдгч бембә өдрлә темдглгддг. Байрин өдрин йовудт хотл балһснд седвчлсн һәәхүл, айлл, чимг көлгнә парад болн оңдан серглң цеңглин арһ-кемҗә зокан бәәһүлгддг .

Байриг зокан бәәһүлснь - Москва балһсна Засгин һазр мөн.

Түүк

Москваһин тееврин өдриг тогтах санаг түрүн болҗ олн ниитин бәәһүллһсин төләлгчнр һарһҗ медүлсмн. Тедн Москваһин трамвайин өдр, Москваһин автобусын өдр негт бәәдг болв чиг тееврин халхар көдлдг цуг күмсин хүвд нег чигн мергҗлин байр бәәдг уга гидгиг темдглв. Москва балһсна дарһ Сергей Собянин эн санаг демҗәд, Москва балһсна хурлд (орс. Московская городская дума) «Москва балһсна байрин өдрмүдин туск» (орс. «О праздниках города Москвы») хуульд шаардлһта хүврлт орулхиг санл болһв. 2017-гч җилин март сарин 1-д эн байрин өдриг батлсмн.

Москваһин тееврин өдрнь метроһин, балһсна һазр деерк тееврин көдләчнр, таксиһин җолачнр, төмр хаалһин көдләчнр, каршеринг болн велосипед түрәслхин оператормуд, хаалһин цагда болн эндк улсин балһсна эргн-төөрәнд көдллһиг йовулҗ, аюл уга болн тохнята бәәдлиг хаңһахд орлцдг оңдан мергҗлтнрин мергҗлин байрин өдр болҗ. Байрин зөрлһнь - хотл балһсна тееврин тогтлцан, оллт-амҗлтнь, көгҗлтин шин чигллднь иргдин соньрхлыг татҗ немгдүлх.

Байрин түрүн арһ-кемҗәг зарлхдан Москва балһсна теевр болн хаалһин тееврин дед бүтциг көгҗүлх һазрин һардач Максим Ликсутов иигҗ келсмн:

«Москваһин тееврин өдрнь янз бүрин тееврин байриг негдүлҗ, җил болһн июль сарин хойрдгч бембә өдрт темдглгддг болх. Шин байр болхла гер-бүлин байр мөн, үннәр күн болһнд - хотл балһсна тееврин һазрин көдләчнрт болн Москваһин зөрчгчнрт зөрүлсс юмн... Москвад автобусын паркмуд, трамваин депо, метроһин цәклһән депо, аэроэкспресс болн медәллһин нөкцл бәәдлин төв олн ниитд неелттә бәәх болна. Тееврин цогцлврин янз бүрин зүүлмүдт болвсрлын айлл зокан бәәһүлнә. Бидн Москва балһсна цуг күмсиг гер-бүлтәнь хамдан күләҗ бәәнәвдн»

Москваһин тееврин өдрин түрүн байр 2017-гч җилин июль сарин 8-д болсмн. Тер өдриг хотл балһснд «конка» гидг түрүн ниитин теевр бәәдг болсна 145 җилин өөнлә холвгдулсмн.

Үүл-йовдлын көтлвр

Җил болһн Москваһин тееврин өдриг угтн завсрин үр-дүңгиг һарһдг: тееврин тогтлцаг көгҗүлхнь юунд күрсмб, ямаран хүврлт һарсмб. Мөн балһсна иргдт зөрүлсн олн төрлин арһ-кемҗәнә көтлвриг белдкәд бәәһүлнә. Айлл, мастер-класс, седвчлсн һәәхүл, хуучн трамвай болн автомашидын парал болдг.

2019-гч җилд академьч Сахаровин нертә өргн һудмҗд Хаалһин цагдаһин «Каскад» гидг пилотажин багнь эрдмән үзүләд тоглсмн.

2022-гч җилд Москваһин метроһин төөргин татасар «Еж3», «Нуберная», «Русич», «Ока», «Сокольники», «Москва» гидг чимг болн орчн үйин метроһин һалт тергнә загврмуд айлв. Көгҗмин зокалч, көгҗмч Кирилл Рихтер - Ар үзгин һолын вокзалд, Орсын суңһдг бүҗгин эрдмин театрин урн бүтәлчнр болхла Москваһин метроһин «Новослободская» буудлд «Хунт нур» балетын кесгүдинь тоглв . 2023-гч җилд хуучн автомашидын эзд орлцсн «Долан толһа деер» гидг ралли болҗ. Орлцачнрнь хотл балһсна түүкин дүүргүдәр ончлҗ белдксн маршрутар йовцхав. «Метроһин көгҗм» төсвин көгҗмчнр болн Москваһин метроһин эрдмин нәәрл дуучнр иргдт зөрүлн айс-дууһан өргцхәв.

Җил болһн байрин көтлвр шин кев-янзар немгднә.

Немҗ үзтн

• Москваһин ниитин теевр
• Москва балһсна теевр
• Москваһин Засгин һазр
• Теевр
• Әрәсән тееврин систем

Темдглл

Ном-зү

• Солдатенко И. А. Результаты развития транспортного комплекса Москвы в 2010—2020 гг. // Экономическое развитие России. 2021. № 2. 55—60.
• Петрова Д. В. Современные подходы к организации мониторинга пассажиропотоков общественного транспорта городских агломераций // International Journal of Open Information Technologies. 2020. № 1. 47—57.

Холвас

• День московского транспорта: Мэр Москвы поздравил работников отрасли (2022)
• День Московского транспорта: большой концерт Кирилла Рихтера и Richter Trio на СРВ (2022)
• В столице учредили День Московского транспорта. Статья в Российской газете
• Закон города Москвы от 1 марта 2017 года № 5 «О внесении изменения в статью 1 Закона города Москвы от 22 сентября 2004 года N 56 „О праздниках города Москвы“»
• День Московского транспорта. Статья в Личном блоге Мэра Москвы

Правообладателем данного материала является АНО «Интернет-энциклопедия «РУВИКИ».
Использование данного материала на других сайтах возможно только с согласия АНО «Интернет-энциклопедия «РУВИКИ».