Нефедьев, Николай Александрович
Использованы материалы
| Николай Александрович Нефедьев | |
|---|---|
| Һарсн җил-өдр | 1800 |
| Нас барсн җил-өдр | 1860 |
Николай Александрович Нефедьев (1800 җил — 1860 җил) — Әрәсән муҗин прокурор, угсатна зүүч.
Намтрнь
1800 җилд төрҗ һарв; 1814 җиләс авн Симбирск балһснд түрүләд Эрүһин зарһин тиңкмин түшмл, дарунь Төрин саңгин тиңкм, хөөннь улсин әрлҗәнә банкин сегләтр болҗ көдләд бәәв.
1829 җилин июль сарин 18-нд Нефедьев Кавказин бүсин йирңкә закрһана алвнд көдлхәр одв; Кавказд 4 җил орчм бәәснә дару эннь теткврт һарч; дарунь 1834 җилин март сарин 1-нд Нефедьев цагдаһин департаментд орад, Дотад министерствин тусха үүрг күцәгч болад көдлҗ, 1834 җилин август сарин 2 күртл эн алвн тушалд үлдв.
Николай Нефедьев Астрахань муҗин прокурор болҗ көдлв. Көдлх цаг-хуһцанд эннь алвн тушалын күчр керг-үүлсиг илрүлх тусха даалһвриг бәәҗ-бәәҗәһәд авдг бәәҗ. Тиигәд 1831 җилин июнь сард Нефедьев Астрахань муҗин Хальмг улсин һардвриг урвулҗ ашглсн бәәдлиг шалһад бәәдг бәәҗ. Үүнә ашгт Николай Нефедьев олн миңһн халхта цугиг өргнәр тәәлх тәәлвр бичәд, түүгәр 1834 җилд «Иҗл мүрнә хальмгудын туск һазр деернь цуглулсн делгрңгү медән» (Подробные сведения о волжских калмыках, собранные на месте) гидг нертә дегтр бичҗ һарһв. Эн дегтрин төлә Нефедьев Орсин нойнас талрхл авч, Дотад кергин министерствин статистикин салвр түүг 1834 җилд сурвлҗлгч гешүн болһв. 1839 җилд Нефедьев Кавказар йовсна тускар «Эрмәлин бүс нутгин үзл. Айлл-зуульчллын темдглләс, Эрмәлин бүс нутгин һазрин зургта» (Взгляд на Армянскую область. Из путевых записок, с картой Армянской области) гидг нертә дегтр һарһҗ, Орсин хаата улст шидрхн орсн Эрмәлин нутг девскриг Әрәсән умшачнрт таньлцулв.
1860 җилд нертә судлач Николай Александрович Нефедьев насан барв.
Суңһсн бүтәлмүднь
- Нефедьев Н. А. Подробные сведения о волжских калмыках, собранные на месте Н. Нефедьевым. — СПб.: тип. К. Крайя, 1834. — 290 с.
- Нефедьев Н. А. Взгляд на Армянскую область : Из путевых зап. Н. Нефедьева. — СПб.: тип. Н. Греча, 1839. — 74 с.
Сурвлҗс
- Русский биографический словарь: В 25 т. / под наблюдением А. А. Половцова. 1896—1918.