Нигтлн бодачин өдр
 | Эту страницу в данный момент активно редактирует участник TsaganEgche. |
| Нигтлн бодачин өдр | |
|---|---|
 | |
| Җил-өдр |
Әрәсә |
«Нигтлн бодачин өдр» (орс. день бухгалтера) — делкән олн орнд җил болһн темдглдг йослгч күчн уга бухгалтерин бүртклин (бухгалтерин) мергҗлин байр. Эн байриг темдглдг цөөкн өдр бәәнә[1]. Әрәсәд эн байрин өдриг ноябрь сарин 21-д темдглнә. Зәрм субъектмудт эврә региона тус тустан темдглдг байр бәәнә, бухгалтермудин болн аудитормудин мергҗлин Институтд «Бухгалтерин мергҗлин өдр» 2002-гч җиләс авн ноябрь сарин 28-д темдглнә[2]. Делкән нутг хоорндк нигтлн бодачин өдр; англ. «International Accounting Day») ноябрь сарин 10-д темдглнә[3].
Әрәсән байрин түүкнь
2000 җилин июнь сарин 21-нд Москвад болсн Әрәсән нигтлн бодачнрин, аудитормудын конгрессин күцәгч хораһин 2-гч хург деер Әрәсән нигтлн бодачнрин өдриг темдглхин туск кергиг келлцәд бәәв. Орлцачнрнь Әрәсән Саңгин министерствд «Нигтлн бодачин өдр» гидг мергҗлин байриг темдглх өргдл һарһхар шиидцхәв. 1996 җилин эн өдр Әрәсән Йирңкәлгч Борис Ельцин «Нигтлн бодх бүртклин туск» гидг нертә холвана хуульд һарин үзг тәвснәс хооран ноябрь сарин 21-гч өдриг «Нигтлн бодачин өдр» болһҗ темдглхиг санл болһв[4].
Тер бәрмт бичгәр, бүрдәцс эврәннь көрңгән болн эдл-ахуна үүлдлән бүрткх зөвтә болсмн. Закаһар бухгалтерин бүртклиг күцәх тодрха диг-даран үүдәгдсмн, дәкәд болхла көрңгин тоог болн тооцаг бүркх йосн тодлгдсмн.
Эн закан ноябрь сарин 28-д эдлврт орсн учрар, байрин цаг-өдрт эндү орсмн. Тер мет, бухгалтермудин болн аудитормудин мергҗлин Институтд «Бухгалтерин мергҗлин өдр» 2002-гч җиләс авн эн өрлә темдглнә[2].
Әрәсән саң-хазна мергҗлтнр кесг дәкҗ эн өдриг йослгч күчнд орулх седвәрән медүлсмн. Түрүн болҗ 2000-гч җилин июнь сарин 21-д Әрәсән бухгалтермудин болн аудитормудин Чуулһна хойрдгч селвлцәнд тиим седвәр батлсмн. Терүг Әрәсән Федерацин Саң-хазна министерствур ноябрь сарин 21-д йовулсмн[5].
2014-гч җилд Саң-хазна министерств 12 өдрәс апрель сарин 21 өдриг шүүҗ авад — «Ахлгч Нигтлн бодачин өдр» батлсмн[6].
Әрәсән Нигтлн бодачин өдриг тодлх төриг 2021-гч җилд бизнес-омбудсмен Борис Титов сергәвв. Зуг 2025-гч җилд чигн эн шиидвр батлгдсн уга.
Нигтлн бодачин өдр Әрәсән регионмудт
Әрәсән Федерацин зәрм субъектмуд эврә «Нигтлн бодачин өдр» батлсмн:
- «Ярославскин муҗин Нигтлн бодачин өдр» — апрель сарин түрүн нарн өдр (1996-гч җиләс авн)[7];
- «Аһшин муҗин Нигтлн бодачин өдр» — ноябрь сарин 1 шинд[8];
- «Красноярскин зах улсин Нигтлн бодачин өдр» — 12 ноябрь сарин 12-т[9];
- «Петербургин Нигтлн бодачин өдр» — ноябрь сарин 15-д;
- «Москван Нигтлн бодачин өдр» — ноябрь сарин 16-д[9];
- «Маңһдын Нигтлн бодачин өдр» — ноябрин сүл басң өдр[10];
- «Краснодарин зах улсин бухгалтермудин болн аудитормудин өдр» — декабрин сүл нарн өдр (2007-гч җләс авн)[11];
- «Пермскин зах улсин Нигтлн бодачин өдр» — 19 ноября (2021-с авн).
Делкән нутг хоорндк Нигтлн бодачин өдр
Делкән нутг хоорндк Нигтлн бодачин өдр җил болһн ноябрь сарин 10-д темдглгднә. Байрин өдриг ООН 1972-гч җилд батлҗ авсмн[12].
Эн өдр 1494-гч җилд венецин эсвч Лука Пачоли «Арифметикин, геометрин, хәрлцәнә болн кемҗәнә ниилвр» гидг дегтрән барас һарсмн(ит. «Summa de arithmetica, geometria, proportioni et proportionalità»)[12]. Тер дегтртән бухгалтерин бүртклин нәрн арһсин тускар болн давхр тооллһна эв-арһин тускар цәәлһәд өгсмн[13].
Пачолин дегтр һарсна хөөн энүнд «бухгалтерин эцкин» нер зүүһәд, дегтр һарсна өдриг бухгалтерин керг үүдәгдсн өдр, гиҗ тоолгдна.
Байрин өдр темдгллһнә авъяс
Әрәсәд бухгалтерин бүртклһнә байрин өдрлә тодрха йилһрсн авъяс уга.
Эн өдр амрлһна болсн уга, тер учрар бухгалтер мергҗлтә әмтн эн байрин өдр көдлмштән давулна. Болв, бүрдәцсин толһачнр эн өдрлә бухгалтермудын күцәмҗ темдгләд шаңнлдг йоста. Нигтлн бодачин өдрлә саң-хазна тооца күцәҗ йовх улсиг йөрәһәд, күндллһнә һашгуд, белгүд болн мөңнә мөрә илгәнә.
Сурһулин бүрдәцст бухгалтерин мергҗл авчах оютнр сойлын кергүд давулна.
Темдглл
- ↑ Какого числа день бухгалтера 2025 в России, праздник бухгалтера в ноябре (рус.). www.banki.ru. Дата обращения: 24 Мөрн сарин 2026.
- ↑ 1 2 С Днём профессионального бухгалтера! (рус.). www.ipbr.org. Дата обращения: 3 Бар сарин 2025.
- ↑ День бухгалтера в 2024 году. История праздника, РБК Life (6 Үкр сарин 2024). Дата обращения: 30 Хулһн сарин 2025.
- ↑ Заседание исполкома съезда бухгалтеров и аудиторов России. Официальный сайт Института профессиональных бухгалтеров и аудиторов России (ИПБ России) // ipbr.org (14 Үкр сарин 2000). Дата обращения: 25 Хулһн сарин 2014. Архивировано 22 Бар сарин 2014 года.
- ↑ Заседание исполкома съезда бухгалтеров и аудиторов России. Официальный сайт Института профессиональных бухгалтеров и аудиторов России (ИПБ России) // ipbr.org (14 Үкр сарин 2000). Дата обращения: 24 Мөрн сарин 2026. Архивировано 22 Бар сарин 2014 года.
- ↑ Новости от главного редактора. Минфин выбирает День бухгалтера. Журнал «Главбух» // e.glavbukh.ru (4 Лу сарин 2014). Дата обращения: 24 Мөрн сарин 2026.
- ↑ О проведении в Ярославской области Дня бухгалтера от 18 марта 1996 - docs.cntd.ru. docs.cntd.ru. Дата обращения: 24 Мөрн сарин 2026.
- ↑ Волгоградские бухгалтеры отмечают свой праздник - Волгоград новости (рус.). web.archive.org. Дата обращения: 24 Мөрн сарин 2026.
- ↑ 1 2 День бухгалтера в 2024 году: дата, история и традиции праздника, Lenta.RU (19.09.2024). Дата обращения: 13 Үкр сарин 2024.
- ↑ Уважаемые бухгалтеры ФГУП УПС «Татарстан почтасы»! (неопр.). web.archive.org. Дата обращения: 24 Мөрн сарин 2026.
- ↑ Об установлении праздничных дней и памятных дат в Краснодарском крае от 14 декабря 2006 - docs.cntd.ru. docs.cntd.ru. Дата обращения: 24 Мөрн сарин 2026.
- ↑ 1 2 День бухгалтера в 2025 году: дата, история и традиции праздника, Lenta.RU. Дата обращения: 24 Мөрн сарин 2026.
- ↑ День бухгалтера в России в 2025 году: какого числа отмечают, Главбух (30 Хулһн сарин 2025). Дата обращения: 24 Мөрн сарин 2026.