Нәдвдә Пётр

Рувики-с
Нәдвдә Тимофейин Пётр
Надбитов Пётр Тимофеевич.jpg
Төрсн нерн Нәдвдә Тимофейин Пётр
Төрсн җил-өдр 1938 ноябрь сарин 1(1938-11-01) (87 лет)
Төрсн һазр
Иргншл  СССР
 Әрәсә, Орсин Холвана Улс
Мергҗл балетмейстер
Җөҗг Хальмг ду-бииһин «Бамб цецг» хамтлаг, Хальмг бииһин орн-нутгин «Өөрднр» театр
Шаңнл
Орден Почёта — 2024 Нәәрмдлин одн
Заслуженный деятель искусств РСФСР — 1987

Нәдвдә Тимофейин Пётр (орс. Пётр Тимофеевич Надби́тов; төрсн 1938 ноябрь сарин 1, Көвүд[d], Хальмг Автономн Советск Социалистическ Республик) — советскин болн Әрәсән балетмейстер, Хальмгин Баатр, РСФСР-ин билг-эрдмин Ачта үүлдәч, Хальмг АССР-ин Ачта җөҗгч, Чечен-Ингушскин АССР-ин билг-эрдмин Ачта үүлдәч, О. И. Городовиковин нертә Хальмг АССР-ин орн-нутгин мөрән мөрәлч. «Балет» седкүлин «Келн әмтнә бииһин рыцарь» номинацин мөрәлч, Хальмгин түрүн балетмейстер, «Өөрднр» бииһин театрин үүдәһәч болн художественн һардач.

Намтрнь

Нәдвдә Пётр Хальмг АССР-ин Көвүд селәнд төрсмн. 1943-гч җилд Хальмг улс цүллһнд харһсн цагт өрк-бүлтәһән Сиврүр туугдад, тенд дундын школ төгсәсмн. 1957-гч җилд эврә дурар үүлддг хамтлагин йилһән сән биич болснас, энүг Хальмг ду-бииһин «Бамб цецг» хамтлагд орулҗ авсмн[1][2]. 1960-гч җилд А. Я. Ваганован нертә орс балетын Академьд  (рус.) (хал. сурһульд орад, 1963-гч җилд төгсәһәд, цергт мордад, Приволжскин цергин муҗин ду-бииһин хамтлагт церглсмн. Хәрҗ ирснә дару «Бамб цецг» хамтлагтан хәрү орад көдлсмн[3].

1960-гч җилд СССР-ин сойлын Министерствин «Йилһән сәәнәр көдлмш күцәдг» темдгәр ачлгдсмн, 1962-гч җилд, 24 настадан, «Хальмг АССР-ин Ачта җөҗгч» нер зүүсмн[2].

1970-гч җилмүдт Элстин автодорожн техникумин «Хадрис» олна хамтлагин балетмейстер бәәсмн, тер цагт Әрәсән сойлын хамгин сән баг олна дипломар ачлгдсмн[2]. 1973-гч җилд году Москван сойлын болн билг-эрдмин ик сурһульд  (рус.) (хал. хореографин әңгд орад, 1977-гч җилд төгсәсмн. Терүнә хөөн «Бамб цецг» хамтлагин ахлгч балетмейстер, дарунь художественн һардач болсмн[3].

1979-гч җилд эврәннь түрүн көтлвр тәвәд, О. И. Городовиковин нертә Хальмг АССР-ин мөрәһәр шаңнлгдсмн. 1985-гч җилд «Җаңһр» хамтлаг бүрдәсмн, тер олн баг Делгә Эрднин нертә мөрә авсмн[3].

1989-1990-гч җилмүдт «Өөрднр» хамтлаг бүрдәсмн. Ода тер хамтлаг бүкл театрт хүврәд, тогтасн цаган 1990-гч җил гиҗ тодлна[4], болв, зәрм сурвлҗст тер цагнь 1989-гч җил, гиҗ заагдна[3]. 1990-гч җилд хамтлаг бииһин орн-нутгин «Өөрднр» театр болсмн.

2018-гч җилд Нәдвдә Пётрин 80 җилин өөнд нерәдәд «Ойрат-Аренад» «Хальмг бииһин алтн көрң» гидг концертиг бииһин орн-нутгин «Өөрднр» театр тәвҗ үзүлв[5].

Үүдәврмүднь

  • Надбитов, П. Т. Жизнь в вихре танца. — Элиста: АПП «Джангар», 2005. — 296 с.;
  • Надбитов, П. Т. Мои путевые заметки. — Элиста, 2024.[6].

Ачлврмуднь

  • Хальмг АССР-ин билг-эрдмин Ачта үүлдәч (1962);
  • РСФСР-ин билг-эрдмин Ачта үүлдәч (1987);
  • Нәәрмдлин одн (28.12.2009)[7];
  • Хальмгин Баатр, Цаһан Бадм цецгән одн (2013)[8];
  • Һавьян Одн (Әрәсә) (21.05.2024) — төрскнә сойлд, билг-эрдмд ик тәвц орулсн төләд болн җилдән үүлдҗәх төләд[9][1];
  • «Үндснә омг — 2025» Цугсоюзин мөрән «Әрәсән келн-улсин сойлыг хадһлад делгрүлҗ йовх төләд» гидг номинацд ачлгдсмн[10][11].

Темдглл

  1. ↑ 1 2 Сегодня Герою Калмыкии, Заслуженному деятелю искусств РСФСР Петру Надбитову вручат высокую государственную награду. Вести Калмыкия (3 Үкр сарин 2024). Дата обращения: 2 Мөрн сарин 2026.
  2. ↑ 1 2 3 Маэстро Танца Надбитов Петр Тимофеевич. Институт РОПКиП. Дата обращения: 2 Мөрн сарин 2026.
  3. ↑ 1 2 3 4 Надбитов Петр Тимофеевич. Кино-Театр.Ру. Дата обращения: 2 Мөрн сарин 2026.
  4. ↑ Руководитель. Государственный театр танца Калмыкии «Ойраты». Дата обращения: 2 Мөрн сарин 2026.
  5. ↑ Калмыкия отметит юбилей Петра Надбитова. Вести Калмыкия / ГТРК «Калмыкия» (28 Үкр сарин 2018). Дата обращения: 2 Мөрн сарин 2026.
  6. ↑ Петр Надбитов представил новое издание «Мои путевые заметки». КалмТВ (21 Мөчн сарин 2012). Дата обращения: 2 Мөрн сарин 2026.
  7. ↑ Награждённые государственными наградами Российской Федерации. Дата обращения: 2 Мөрн сарин 2026. Архивировано 9 Үкр сарин 2013 года.
  8. ↑ Петру Надбитову присвоено звание Герой Калмыкии. Дата обращения: 2 Мөрн сарин 2026.
  9. ↑ Указ Президента Российской Федерации от 21.05.2024 № 423 "О награждении государственными наградами Российской Федерации". Официальное опубликование правовых актов (21 Хөн сарин 2024). Дата обращения: 2 Мөрн сарин 2026.
  10. ↑ Высшее признание: основатель «Ойратов» Пётр Надбитов победил во Всероссийской премии «Гордость нации». РИА Калмыкия (28 март сарин 2025). Дата обращения: 2 Мөрн сарин 2026.
  11. ↑ Надбитов Петр Тимофеевич. ОГО Ассамблея народов России. Дата обращения: 2 Мөрн сарин 2026.

Утх-зокъял

  • Надбитов Петр Тимофеевич: [биогр.] // Самые влиятельные люди Калмыкии. — Ростов-на-Дону ; Элиста: Изд. Дом «Антураж», 2005. — С. 28.;
  • Бадмин Б. Нәдвдә Петя: җирн җилин өөнднь нерәдҗәнәв: шүлг // Хаврин айс: дуд, шүлгүд, поэм. — Элст, 2002. — С. 125.;
  • Танцевальный фольклор народов России : [материалы всерос. науч.-практ. конф., посвящ. 70-летию со дня рождения и 50-летию творч. деятельности П. Т. Надбитова (г. Элиста, 17—18 дек. 2008 г.)] / редкол.: Очирова Н. Г. (отв. ред.) и др.. — Элиста: КИГИ, 2010. — 220 с. — 350 экз. — ISBN 978-5-903833-26-9.;
  • Республика Калмыкия, Календарь знаменательных дат на 2013 год / сост.: В. В. Сангаджиева, Д. А. Алексеева; ред. О. Е. Аргунова. — Элиста: Национальная библиотека им. А. М. Амур-Санана, 2012. — С. 44. — 72 с.;
  • Айтан, В. Биид авлгдсн седкл: Әрәсән болн Хальмг Таңһчин искусствин ачта үүлдәч П. Т. Надбитовин тускар // Теегин герл = Свет в степи : журнал. — 1998. — № 8. — С. 97—101.;
  • Арзаева, М. Заяни билгтә биич: Әрәсән болн Хальмг Таңһчин искусствин ачта үүлдәч П. Т. Надбитовин тускар // Хальмг үнн : газета. — 1998. — 4 ноябрь (№ 207). — С. 4.;
  • Хейчиева, Г. Петр Надбитов: Моя заветная мечта — создать центр традиционной культуры // Элист. панорама : газета. — 2005. — 18 февраль (№ 27). — С. 6.;
  •  // Известия Калмыкии : газета. — 2013. — 8 ноябрь (№ 195—196 (5624-5625))..

Холвас

"https://xal.ruwiki.ru/w/index.php?title=Нәдвдә_Пётр&oldid=316249" халхас авсн