«Бамб цецг» (хамтлаг)
| «Бамб цецг» Хальмг ду-бииһин Орн-нутгин академическ хамтлаг | |
|---|---|
 | |
| Һол медәлл | |
| Җилмүд | 1937 — н. в. |
| Орн-нутг |
 Россия |
| Бүрдәсн ормнь |
 Элст, Хальмг Таңһч |
| Келн | хальмг |
| Ахлачнь | Катан Вячеславин Савр[1]; |
| Урдк орлцачнр |
Ильцарана Бадмин Валентина Һәрән Нимгрин Валентина Нәдвдә Пётр Манҗин Эрнҗәнә Эмба |
| tulpan-elista.ru | |
«Бамб цецг» Хальмг ду-бииһин Орн-нутгин академическ хамтлаг (орс. Государственный академический ансамбль песни и танца Калмыкии «Тюльпан») — советскин болн Әрәсән ду-бииһин хамтлаг, 1937-гч җилин октябрь сарла бүрдәгдсмн.
Тууҗнь
Хамтлагин түрүн художественн ахлачар Николай Рябченко бәәсмн, дирижёрчнь Хальмгин фольклорин күчтә медәч, Хальмгин түрүн көгҗм нәәрүләч Дорҗин Оҗакан Саңһҗ-Һәрә бәәсмн[2].
Бүрдәгдсн цагас авн эн хамтлаг Хальмг Таңһчд болн талдан һазрар йовад эрдмән үзүләд бәәсмн[3]. Хамгин ончта үүдәлтин үзүллтнь 1939-гч җилин март сарла Москвад болсн Хальмг утх-зокъялын болн билг-эрдмин Өдрмүдт болсмн.
1970-гч җиләс авн һазадын ордудар йовдг болсмн. Хамгин сәәнәр, таастаһар «Бамб цецгин» үүдәлтиг Лаост, Китдин орн-нутгт, Энткгд, Итальд Америкд, Францд, Тайваньд, Швейцарийд тоссмн[2].[4]
Репертуар
«Бамб цецг» хамтлагин үүдәлтд нурһлҗ хальмг улсин урн үгин, билгин зөөр, хальмгуд кезәнә үүдәсн эрдм орна. Җаңһр (Баатрльг дуулвр)т нерәдсн көгҗмин нәәрүллһнд өөрд-хальмг улсин кезәңк хуучна ду-бииһин билгин үүдәврмүдин сүүр деер шин зевсгүдин, драмин, ду-бииһин нәәрүллһн тогтагдсмн. Хамтлагин алтн көрңгд олнд тааста хальмгудын ду-би хадһлгдҗ бәәнә («Чичрдг», «Дөрвдә тавшур» болн нань чигн). Кезәңк хуучна ду-бииһин сүүр деер шин эрдм бас девшлт авчана, тернь наадна эв-арһар хальмгудын заң-заңшал, авг-бәрц үзүлҗәнә[2].
Ачлврмуднь
Хальмг улсин сойл болн билг-эрдмиг делгрүлҗ йовх төләд «Бамб цецг» Хальмг ду-бииһин Орн-нутгин академическ хамтлаг О. И. Городовиковин нертә Хальмг АССР-ин шаңһа мөрә өгсмн, Цугсоюзин марһасин мөрәлч, Цугәрәсән марһасин мөрәлч, РСФСР-ин Деед Хүүвин Президиумин күндлһнә һашгар шаңнлсмн[2].
Темдглл
- ↑ О ансамбле. Дата обращения: 2 Туула сарин 2026. Архивировано из оригинала 23 март сарин 2014 года.
- ↑ 1 2 3 4 История создания. web.archive.org. Дата обращения: 2 Туула сарин 2026.
- ↑ Государственный академический ансамбль песни и танца Калмыкии «Тюльпан».
- ↑ Ансамбль «Тюльпан» отправляется в масштабный тур, посвященный юбилею Победы (13 Хөн сарин 2025). Дата обращения: 2 Туула сарин 2026.
Утх-зокъял
- Җирһлин Кермн. Нертә артистнриг магтҗ буульв // Хальмг үнн. — 2017. — 28 Мөчн сарин (№ 113). — С. 4.
- Г. Хейчиева. «Бамб цецг» ансамбль Германьд билгән үзүлв // Хальмг үнн. — 2012. — 12 Һаха сарин (№ 164). — С. 6.
- Г. Хейчиева. Бииһин дөңгәр босҗ цецгәрсн // Хальмг үнн. — 2017. — 13 Хөн сарин (№ 82). — С. 4.
- Вера Манжусова. Искусство не должно стоять на месте // Калмыкия сегодня. — 2017. — 18 Хулһн сарин (№ 40). — С. 12.
- Нелли Халгинова. «Тюльпан» готовится к юбилею // Элистинская панорама. — 2017. — 24 Ноха сарин (№ 95). — С. 12.
- Н. Шалдунова. Ансамблю песни и танца «Тюльпан» — 80 лет // Элистинская панорама. — 2017. — 11 март сарин (№ 23). — С. 4.
- Н. Шалдунова. Нашему «Тюльпану» — 80! // Элистинская панорама. — 2017. — 13 Мөрн сарин (№ 38). — С. 10.