Очрин Валерий
| Валерий Николаевич Очиров | |||||
|---|---|---|---|---|---|
| Очрин Николайин Валерий | |||||
 | |||||
| Төрсн җил өдрнь | 1951 җилин март сарин 22 | ||||
| Төрсн һазрнь | Аралсульфат селән, Кызыл-Ордын муҗ, Хасг Улс, ЗХУ | ||||
| Холвгддгнь |
 СССР  Орсин Холвана Улс |
||||
| Цергин салврнь | АЦК | ||||
| Церглсн җилмүднь | 1969—1989 | ||||
| Цолнь |
 Лейтентант инрл |
||||
| Дәәлснь/дәнь | Афгана дән (1979—1989) | ||||
| Шаңнлнь |
|
||||
Очрин Валерий (орс. Валерий Николаевич Очи́ров 1951 җилин март сарин 22, ЗХУ, Хасг Улсин Кызыл Ордын муҗин Аралсульфат селәнд төрҗ һарв) — ОХУ-ин Дотад кергин Министрин ах селвгч, лейтенант-инрл, ЗХУ-ин Баатр.
Намтрнь
Очрин Валерий 1951 җилин март сарин 22-нд ЗХУ-ин Хасг Улсин Кызыл-Ордын муҗин Аралсульфат гидг балһсна янзта селәнд хальмг, орс өрк-бүлд төрҗ һарв.
1963 җилд Очрихнә өрк-бүл Хальмг Таңһчин Элст балһснур нүүҗ ирҗ. Тенд Валери Элстин дунд сурһулин төгсәһәд, машинә ясач болҗ көдлв.
Сурһульнь
1974 җилд Валерий Сызрань балһсна цергин нисәчнрин нисхин деед сурһуль төгсәһәд[1], 1985 җилд Ленинә нертә Церг-Улс төрин академь төгсәв. 1991 җилд ЗХУ-ин Зевсгтә күчнә инрлын штабин академь төгсәв.
Цергин алвнь
1969 җиләс авн цергин алв хааҗ бәәнә.
Очрин Валерий ОХУ-ин Аһарин цергин нисхин ахлгчин негдгч дарук күртл олн зүүлин ахлгч албан тушалд цергин нисх күчнд алв хааҗ, 10 зүүл нисх оңһц арһлҗ авсн күн.
Афганистана цергин аҗлһһанд (1980-1981, 1984-1985) орлцҗ, 867 дәәнә ноолдана нисх һарц кеҗ авч.
1985 җилин февраль сарин 21-нд Очрин Валерий ЗХУ-ин Баатр цолта болв.
Улс төрин керг-үүлснь
1989-1991 җилд Хальмг АССР-ин 548-гч ик сурһулин үндснә-нутг девскрин суңһврин төөргәс ЗХУ-ин Улсин депутат, Деед зөвллин Батлн хамһалх, аюл уга бәәдлин хораһин дарһин дарук, СЗХГ-I гидг герәг болвсрулхд орлцсн күн. Очрин Валерий Гүрж-Абхазин мөрглдәнә бүсд амр-амулң сәкх цергиг орулах (1992-1993), Ангол, Камбоҗ улсин НҮБ-ин төләлгчин һазриг (1993-1994) хаңһах керг-үүлиг зокан бәәһүлхд орлцсн күн бәәҗ.
1993 җилд Осетин-Ингушин мөрглдәнә үр-дахвриг әрлһх түр-зуурин закрһана дарһин дарук болҗ бәәсмн.
1993 җилин апрель сард Хальмгин Йирңкәлгчин суңһврт өрслдҗ, хойрдгч бәәр эзлв.
1994-1996 җил — ОХУ-ин Йирңкәлгчин кинлтын йирңкә һазрин дарһин дарук.
1997 җилин март сарас — ОХУ-ин Дотад кергин министрин меҗән бәәһүллһ, татврин цагда, татврин алв, Валютын кинлтын хоратоа хәрлцх асудл хәрүцсн ах селвгч.
Шаңнл
- Зөвллт Холвана Улсин Баатр (1985 җилин февраль сарин 21)
- Ленинә одн
- Улан Одна одн
- ОХУ-ин һавьята цергин нисәч (1994 җилин декабрь сарин 26) — нисхин технологиг көгҗүлхд онцха һавья бәәһүлсн, нислһин болвсн күчнә болвсрл, сурһлтын өндр амҗлт, цергин нисх күчнд олн җил осл уга нислһ үүлдснә төлә[2].
Темдглл
- ↑ В. П. Куницын, В. М. Толкачев. Военный городок: от Усть-Двинского пехотного полка до вертолетного училища. — Сызрань: Ваш Взгляд, 2013. — 256 с. — 500 экз. — ISBN 978-5-904048-35-8.
- ↑ Указ Президента Российской Федерации от 26.12.1994 г. № 2212 «О награждении государственными наградами Российской Федерации». Kremlin.ru (26 Бар сарин 1994). Дата обращения: 15 Үкр сарин 2022.
Ном-зү
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
Холвас
- Очрин Валерий (рус.). Сайт «Герои страны».
- Биография.